The Big Bang Theory

Sa premiere ng pampitong season, sina Sheldon at Penny ang magkasama habang wala si Leonard, pero si Sheldon ang labis na nalulungkot kung kailan babalik si Leonard mula sa North Sea.

Sa pangalawang bahagi ng isang oras na premiere ng pampitong season, pinapagaan nila ang loob ni Raj tungkol sa ex-girlfriend nito at nakakapagtaka na nainsulto ang pagkakalaki ni Howard sa paraan ng pagtrato sa kanya ng ina. Nagbabalik si KEVIN SUSSMAN bilang Stuart, ang may-ari ng comic book store.

Nang magpaligsahan ang buong tropa sa isang matinding scavenger hunt na ginawa ni Raj para subukan ang kanilang kaalaman sa science at ang pagiging street smart nila, lumabas ang pinakamaganda -- at pinakamalalang -- ugali ng lahat.

Nang pinuna ni Amy ang isa sa mga paboritong pelikula ni Sheldon -- ang Raiders of the Lost Ark -- naging depensibo siya sa punto na gusto niyang gumanti rito. Samantala, may nalamang paraan naman si Leonard para mapagawa kay Penny ang kahit na ano; at gumawa sina Raj at Stuart ng mga profile sa online dating.

Nang magtrabaho si Amy sa unibersidad kung nasaan si Sheldon, kinailangang magpasya ni Sheldon kung gaano karaming "Amy time" ang sobra na, at nasubok dito ang relasyon nila. Samantala, natulog si Howard sa sofa ni Raj dahil sa pag-aaway nila ni Bernadette.

May bagong natuklasan sa science si Sheldon pero sinisi niya ang sarili pagkatapos -- at natakot siya na habambuhay na niyang iisipin ang tungkol dito. Samantala, dahil sa pagiging romantiko ni Howard kay Bernadette, naisipan ni Penny na gawin din iyon kay Leonard.

Nainsulto si Sheldon nang kay Leonard humingi ng payo si Professor Proton (nagbabalik na guest star na si BOB NEWHART) imbes na sa kanya, at ginantihan niya ito ng pakikipagkaibigan sa kalabang science TV host na si BILL NYE (guest star bilang Sarili niya). Samantala, nainggit naman si Raj nang pumunta si Howard sa "girls' night."

Sinubukang pakalmahin ni Leonard si Sheldon nang mabalikan ang isang dating pagkakamali, pero pinarusahan pa rin Sheldon si Leonard sa pamamagitan ng pagpapagawa rito ng nangyari sa kanya. Samantala, kinompronta naman ni Penny ang ex-girlfriend ni Raj na si Lucy (guest star na si KATE MICUCCI).

Nagpoprotesta ang naiinis na si Sheldon nang sapilitan siyang isinama ng tropa sa bahay ni Mrs. Wolowitz para sa Thanksgiving. Samantala, kinailangan namang harapin nina Penny at Leonard ang isang pagkakamali sa nakaraan ni Penny.

Pinapagaan nina Leonard at Amy ang loob ni Sheldon dahil sa pagkapahiya niya nang mapabulaanan ang hindi sinasadyang kontribusyon niya sa science. Samantala, kinailangan namang makituloy ni Raj kina Howard at Bernadette nang isang linggo. Guest star dito si IRA FLATOW bilang Sarili niya.

Habang nasa Texas si Sheldon, nagsasama-sama ang lahat para magdekorasyon ng Christmas tree sa apartment, at inisip nila kung paano kaya ang naging buhay nila kung hindi nila nakilala si Sheldon.

Nang mabulilyaso ang big break na sana sa pag-arte ni Penny sa NCIS, nahirapan si Leonard na pagaanin ang loob niya, na humantong naman sa pagtatanong ni Penny kay Leonard ng isang mapangahas na tanong sa relasyon nila. Samantala, sinubukang alamin ni Sheldon kung paano maging nakakatuwa at sinubukan ni Raj na pahusayin ang "diskarte" niya bago makipag-usap sa mga babae.

Nang mapilitang magbakasyon si Sheldon, sinubukan niyang mag-relax, pero sa halip ay madalas silang nagkasama ni Penny na umalis na sa trabaho nito. Samantala, hindi malaman ni Leonard kung paano masusuportahan si Penny at nagpapatulong naman si Bernadette kay Stuart para mapalitan ang isa sa mga comic book ni Howard.

Nang hindi makakuha ng mga tiket sa Comic-Con ang magkakaibigan, nagdesisyon si Sheldon na magkaroon ng sarili niyang convention, at nakasama niya sa isang napakasayang gabi si JAMES EARL JONES (guest star bilang sarili niya). Samantala, sinubukan ng mga babae na gumawa ng mga bagay na ginagawa ng "mga grown-up." May cameo din ang icon ng Star Wars na si CARRIE FISHER.

Ramdam ang kilig nang makumbinsi ni Amy si Sheldon na samahan siya (pati sina Howard at Bernadette) sa isang romantikong weekend sa Napa Valley para ipagdiwang ang Valentine's Day. Samantala, kinailangan namang isugod nina Leonard at Penny ang aso ni Raj sa vet.

Nang bumili ng mesa para sa dining room si Leonard, napagmuni-munihang muli ni Sheldon ang mga pagbabago sa buhay niya. Samantala, inalok ng pagkakataon si Wolowitz na bumalik sa space at naguluhan si Bernadette kung hihikayatin siya rito o hindi.

Pagkatapos ng mga pang-iinsulto, sinubukan ni Bernadette na pagbatiin sina Howard at Sheldon sa pamamagitan ng pagpapapunta sa kanila sa Houston para mas mapalapit sila sa isa't isa. Samantala, may inialok na nakakahiyang role kay Penny at nagpagawa si Raj kay Amy ng sulat niya para sa isang babae.

Nang bumisita si Sheldon sa kanyang ina (nagbabalik na guest star na si LAURIE METCALF) sa Houston, napilitan siyang harapin ang isang bagong katotohanan. Samantala, nagsimula ng pag-aaway sa tropa ang "Murder Mystery" party ni Raj.

Habang labis na nakokonsensya si Raj sa pakikipag-date sa dalawang babae nang sabay at naguguluhan si Penny kung tatanggapin ba ang role sa isang cheesy na pelikula, kailangan namang tulungan ni Amy si Sheldon sa mas mahirap na sitwasyon ng pagpili sa pagitan ng dalawang gaming system.

Nahaharap sa personal na krisis si Sheldon pagkatapos niyang mapagdesisyunan na nagsasayang lang siya ng oras niya sa String Theory. Samantala, napahiya naman si Howard sa double date nila ng asawa niya kasama sina Raj at Emily.

Tinulungan ni Leonard si Sheldon na palayain ang isipan sa pamamagitan ng pagbabalik ng "Anything Can Happen Thursday," pero nang sinubukan ni Sheldon na sumabay lang sa mga nangyayari, nagkaroon ng hindi inaasahang pag-aaway sa pagitan nina Penny, Amy at Bernadette. Samantala, humingi ng tulong si Raj kay Howard para sa date nila ni Emily.

May the "Fourth" Be With You! Pinagaan ni Professor Proton ang loob ni Sheldon, habang naging kumpetisyon naman para kay Leonard at Penny ang isang milestone sa relasyon nila. Samantala, naghahanda sina Amy at Bernadette ng regalo para sa "Star Wars Day" sa mga lalaki.

Dahil sa hindi magandang araw sa trabaho, pinag-isipan ni Penny ang mga desisyon niya sa buhay - kabilang ang isang malaking hakbang sa relasyon nila ni Leonard. Samantala, nahihirapan sina Howard at Bernadette na alagaan si Mrs. Wolowitz, at humihingi ng payo sa relasyon si Raj mula kay Sheldon.

Dahil sa mga pagbabago, napilitan si Sheldon na harapin ang hindi tiyak na bukas at gumawa siya ng malaking hakbang sa finale ng pampitong season. Samantala, nasa sumunod na level na sina Raj at Emily sa relasyon nila, at naging sakit sa ulo nina Howard at Bernadette ang pagkapinsala ni Mrs. Wolowitz. Nagbabalik na guest star si CHRISTINE BARANSKI bilang ina ni Leonard na si Beverly Hofstadter.