గ్రీక్ సలాడ్

టామ్, మియాల తాతయ్య చనిపోతాడు. పోతూ పోతూ ఆయన వారికి ఏథెన్స్‌లో పాత భవనం రాసిస్తాడు, అక్కడ మియా చదువుకొంటుంటుంది. టామ్ ఆమెతో కలిసి ఆ భవనం అమ్మే పనులు చేస్తూ వచ్చిన డబ్బుతో ఎన్‌వైలో స్టార్టప్ పెట్టాలని ఆశిస్తుంటాడు... అప్పుడే అతనికి తన చెల్లి స్కూలు మానేసిందని ఆమె భూస్వామ్య వ్యతిరేక ఆలోచనలు వారి ఉమ్మడి ఆస్తిని అమ్మటంలో అడ్డుపడబోతున్నాయని తెలుస్తుంది.

“అధికారికం” గా అద్దె కట్టేవారికి అక్రమంగా ఉండేవారికి మధ్య గొడవలు మొదలవుతాయి. టామ్ దీనిని వెంటనే అమ్మేయాలి. అతను మియాకు వాళ్ల తాత ఇచ్చిన ఇంటిలోనే ఆమె స్నేహితులతో అక్రమంగా ఉంటుందని చెపుతాడు. తన సరికొత్త "యజమాని/వారసురాలి" హోదాతో ఇబ్బందిపడుతున్న మియా తన ప్రేమికుడు క్రిస్టోస్‌కు ఈ విషయం చెప్పదు, అతనే శరణార్థుల ఎన్‌జీఓను నడిపే వ్యక్తి. కానీ అతనికి త్వరలోనే నిజం తెలిసిపోతుంది.

ప్రమాదంలో ఎన్‌జీఓ ప్రధాన కార్యాలయం దెబ్బ తింటుంది. టామ్, మియాలు కలిసి వలస పౌరులు, శరణార్థులను భవనంలోకి తీసుకువస్తారు. మియా, రూమ్మేట్ నోమ్ దగ్గరవుతారు, కానీ క్రిస్టోస్‌కు అది నచ్చదు. టామ్ అనుకున్నట్టుగా న్యూయార్క్ వెళ్ళడు. అందుకని అతని గర్ల్‌ఫ్రెండ్ లిలీ ఏథెన్స్‌కు వచ్చి భవనం అమ్మి స్టార్టప్ పనులు ప్రారంభించే పనులలో కదలిక తెచ్చే ప్రయత్నం చేస్తుంది. కానీ దానికోసం వాళ్లు నివాసులను ఖాళీ చేయించాలి.

లైంగికదాడితో అవాక్కైన మియా తనలోతాను కుచించుకుపోయి ఎవరికీ జరిగినది చెప్పదు. నోమ్ ఆమె విచిత్ర ప్రవర్తనకు ఆశ్చర్యపోతాడు. లిలీ తన భాగస్వామి జాష్‌తో తిరగటం తెలిసి టామ్ నీరసపడతాడు. ఆ తరువాత టామ్, మియాలు వారి కుటుంబ రహస్యాలు తెలుసుకొని సంభ్రమం చెందుతారు... వాళ్ల తాతకు గ్రీకు ఉంపుడుగత్తె ద్వారా అక్రమ సంతానం ఉందనేదే ఆ రహస్యం.

మియా, టామ్‌లు కుటుంబంతో క్రిస్టమస్ జరుపుకోవటానికి ఫ్రాన్స్ వస్తారు. కానీ ఆ కుటుంబ భోజనం కాస్తా వాగ్వివాదంగా మారటానికి అట్టే సమయం పట్టదు. లిలీ ద్రోహంతో మనసు విరిగిన టామ్ కోపంలో గ్రీస్‌లోని అక్రమ మామ గురించి కక్కేస్తాడు. మియా వెండీకి ఆమె కాలేజీ మానేసి, వలస శరణార్థుల సహాయార్థం పని చేస్తున్నట్టు చెపుతుంది. ఆ తరువాత ఆమె టామ్‌కు తను రేప్‌కు గురైన విషయాన్ని చెపుతుంది.

మియా, టామ్‌లు పురాతత్వ అవశేషాలు ఉన్నాయన్న సాకుతో భవనపు అమ్మకాన్ని పొడిగిస్తారు. టామ్ రీమ్‌ను తీసుకొని శరణార్థి తల్లిని వెతకడానికి లెరోస్‌కు వెళతాడు, ఆమె పడవ సముద్రంలో గల్లంతు అవుతుంది. నోమ్ మియాను తీసుకొని మిలోస్ టెక్నో సంబరాలకు వెళతాడు, అక్కడ పరస్పర ప్రేమను వ్యక్తపరుస్తారు. తిరిగి ఏథెన్స్‌కు వచ్చాక, భవన నివాసులంతా కలిసి మిద్దె మీద పార్టీ చేసుకుంటే... ఒకరు ప్రమాదవశాత్తూ కింద పడి మరణిస్తారు.

ఆ ఘోర ప్రమాదం తరువాత ఆ భవనపు పై అంతస్తునంతా ఖాళీ చేయాల్సి వస్తుంది. వారిని అక్రమంగా ఉంటున్నవారు చేరదీస్తారు. మియా పెను విషాదంలో కూరుకుపోతుంది. ఆమెను నోమ్ అంత్యక్రియలకు కూడా అనుమతించరు; అతని కుటుంబం అతని కొత్త జీవితానికి సంబంధించిన దేన్నీ పరిగణనలోకి తీసుకోదు. టామ్ తన చెల్లి గురించి కంగారుపడుతుంటాడు, ఆమె విషాదాన్ని సాంత్వన పరిచే అంశాలను పరిగణిస్తుంటాడు. రీమ్ మీద ఆకర్షణ అతనిని కలిచి వేస్తుంటుంది.

రూమ్మేటులందరికీ ఖాళీ చేయటానికి కొద్ది నెలలే సమయం ఉంటుంది. క్రిస్టోస్ బాధితురాలిలో తను మాత్రమే లేదని తెలుసుకున్నాక మియా ఆన్‌లైన్ వీడియో ద్వారా అందరికీ బహిర్గతం చేయాలని నిర్ణయించుకుంటుంది. మియా కొత్త జీవితాన్ని ఆరంభించాలని అనుకుంటుంది. రీమ్ టామ్ హాంకాంగ్ వెళ్లేలోపు అతనికి తన మనసులోని భావాలను పంచుకోవాలని నిర్ణయించుకుంటుంది...