Isang misteryosong pagpatay ang naganap sa isa sa mga nangungunang 0.1% prestigious high school sa Korea nang saksakin hanggang mapatay ng lalaking estudyante ang babaeng estudyante. Si Gi Mu-hyeok, matagumpay pero materialistic na abogado ang humawak sa kaso sa kahilingan ng CEO ng law firm niya. Iginigiit ng akusado na boyfriend siya ng biktima, pero salungat ang testimonya ng mga kaklase niya.

Para malaman ang katotohanan sa likod ng murder case sa paaralan, nag-undercover si Gi Mu-hyeok bilang temporary teacher sa Cheonmyung High School bilang Gi Gang-je. Doon, makikilala niya ang masigasig na gurong si Ha So-hyeon at ang mga kahina-hinalang elite students ng paaralan: sina Beom-jin, Gi-hoon, Tae-ra, at Ye-ri. Sa likod ng kanilang magagarang itsura, may mas madilim pala silang sikreto.

Gabi na nang magkaroon si Gang-je ng nakababahalang unang engkwentro kay Beom-jin. Habang pinalalalim niya ang pagsasaliksik sa kahina-hinalang paaralan, susubukan ni So-hyeon na tulungan si Byeong-ho, na binu-bully ng mga kaklase nito. Sa paghabol sa magkaibang layunin, kapwa masasaksihan nina Gang-je at So-hyeon ang isang nakagigimbal na pahayag mula kay Tae-seok, ang chief of administration.

Isang key figure sa murder case ang susulpot. Habang palapit nang palapit si Gang-je sa katotohanan, ilalabas na ng 'elite four' ng Cheon Myung High ang totoong ugali nila, pati na rin ang hidden leader sa likod ng secret community ng school.

Nalaman na ni Gang-je kung sino ang hidden leader ng secret community sa Cheon Myung High School. Gagamitin niya ang kahinaan nito para maghanap ng mga clue sa murder case, at sisimulan na rin niyang i-expose ang mga kahina-hinalang kilos ni Tae-seok. Samantala, isang tao na nakakaalam sa totoong identity ni Gang-je bilang si Atty. Gi Mu-hyeok ang biglang susulpot.

Nagiging tensyonado ang elite four ng Cheon Myung High tuwing nababanggit ang pagpatay kay Jung Su-a, habang unti-unting lumalabas ang madilim nilang sikreto. Iniimbestigahan ni Gang-je ang koneksyon nina Tae-seok at CEO Lee Do-jin, pero sinubukan siyang pigilan ni So-hyeon matapos malaman ang tunay niyang pagkatao.

Matapos mahulog sa patibong ng isang taong nakakaalam ng identity niya, hinarap ni Gang-je ang elite four sa isang matinding tensyon sa gitna ng klase. Habang patuloy na tumitindi ang hidwaan sa pagitan nila, sinadya niyang galitin si Gi-hoon, na may sarili palang paraan ng paghahanap sa totoong mamamatay-tao.

Sa charity concert ni Tae-ra, gagawa si Tae-seok ng isang nakakagulat na pahayag na nagpapahiwatig na may iba pang utak sa likod ng pagpatay. Samantala, isang mahalagang pahiwatig sa USB na ibinigay ni Mi-Ju kay So-hyeon ang maglalapit kay Gang-je sa katotohanan at magtutulak sa kanya sa isang mapanganib na desisyon.

Matapos mahuli si Gang-je sa pagtatangkang i-hack ang isang telepono, umabot sa sukdulan ang tensyon sa pagitan nila ni Beom-jin. Samantala, tuluyang gumuho at napaiyak si Byeong-ho habang kasama si So-hyeon. Sa wakas, mabubunyag na ang lihim sa likod ng araw ng pagbisita kay Han-su. Pero ano nga ba ang sinabi ni Byeong-ho kay Han-su nang araw na 'yon?

Nagkagulo ang buong Cheon Myung High School dahil sa biglaang pagkamatay ni Tae-seok, at sumabog na nga ang gulo sa pagitan ng "elite four". Samantala, palihim na pumasok sina Gang-je at Won-seok sa opisina ng yumaong chief of administration kung saan makakakita sila ng vault na may mahalagang ebidensya sa murder case. Sa wakas, malalaman na kung sino ang nakuhaan sa CCTV malapit sa bahay ni Su-a.

Muling nahulog sa patibong si Gang-je. Samantala, si Won-seok, na tumutulong sa imbestigasyon, ay natuklasan sa wakas ang identity ng misteryosong "Number 0", na susi sa pagpatay. Sa tulong ni Hyeon-jeong, natuklasan ni Gang-je ang nakatagong kasabwat na nagpoprotekta sa misteryosong tao. Habang lumalapit siya sa katotohanan, tumitindi na ang pressure sa elite four ng Cheon Myung High.

Habang papalapit na si Hyeon-jeong sa totoong salarin, bigla siyang aatakahin ng misteryosong salarin. Dahil nakatunog na may masamang nangyari, gagawa sina Gang-je at So-hyeon ng bagong plano gamit ang USB na naglalaman ng mga ebidensya ng pinekeng school records. Samantala, ilalantad naman ng mga magulang ng elite four ang tunay na kulay nila habang sinusubukan ibaon sa limot ang katotohanan.

Sa wakas, nagkamalay na si Han-su, pero unti-unti na siyang tinutugis ni Beom-jin. Samantala, binisita ni Gang-je ang law firm para sagutin ang alok ni Do-jin na bumalik siya bilang abogado, pero ginulat niya ang lahat sa hindi inaasahang kilos niya. Baguhin kaya ng mapangahas na sugal ni Gang-je ang takbo ng kaso ng pagpatay?

Patuloy ang paglala ng marahas na kilos ni Beom-jin kay Gang-je at sa quartet, na hahantong sa pagtulak niya kay Tae-ra mula sa rooftop. Susubukan nina Gang-je at So-hyeon na kumbinsihin si Han-su na sabihin ang katotohanan. Pagkatapos nito, magsisimula si Gang-je na magplano ng isa namang mapanganib na operasyon para tuluyang ilantad ang katotohanan sa likod ng kaso ng pagpatay.

Sa wakas, nagkaharap na sina Gang-je, Beom-jin, at Yang-gi. Habang umabot na sa sukdulan ang tensyon sa kaso ng pagpatay, naghanda si Gang-je ng isang malawakang paglalantad na sangkot ang law firm, si CEO Lee Do-jin, at ang media sa pagtatangkang mabunyag ang katotohanan. Kailangan niya ngayong itaya ang lahat para ligtas itong maisawalat.

Inilabas na ni Gang-je sa buong mundo ang katotohanan sa likod ng murder case sa tulong ng media. Pero kung kailan tila ayos na ang lahat, isang hindi inaasahang pag-amin ang biglang magpapagulo sa isip niya. Habang desperadong pinoprotektahan nina Beom-jin at Yang-gi ang sikreto sa likod ng murder case, lalaban si Gang-je para ilabas ang buong katotohanan at maitama ang lahat.