Shameless

Sa panimula ng serye, kikilalanin natin ang dysfunctional na pamilya ng Gallagher. Lasenggo ang tatay, lumayas ang nanay, at pilit na itinataguyod ng panganay na babaeng si Fiona ang pamilya.

Nang hindi mahagilap si Frank sa araw ng pagdating ng tseke para sa kanyang kapansanan, nagsimula ang pamilya na maghanap at mataranta.

Nang naghinala ang isang opisyal ng gobyerno na baka may nagka-cash in ng mga social security check ni Tita Ginger, nagdesisyon ang mga Gallagher na hanapin siya bago sila maunahan ng gobyerno.

Matapos nakawin ng malungkot na si Debbie ang isang batang lalaki sa birthday party, nagplano ang pamilya na ibalik ang paslit nang ligtas at maayos nang hindi nakukuha ang atensyon ng Chicago Police.

Kahit kasal na si Kevin, tumulong ang mga Gallagher para makapagsagawa ng pekeng kasal ng taon noong nag-alok ang nanay ni Veronica ng cash gift para sa araw ng kasal niya.

Nang dumating sa bahay ng mga Gallagher ang liham ng guro ni Carl, umaksyon si Fiona para mapatunayan na akma ang kanilang bahay para sa pag-rehabilitate ng isang delingkwente.

Desperadong magkaplano para mabayaran ang dalawang sigang sinisingil ang utang niyang $6000, nakaisip ng mapanganib na solusyon si Frank na baka gumana -- kung sasakay dito ang pamilya niya.

Tumigil na sa pag-inom si Frank, natuwa sina Carl at Debbie na bumalik na ang kanilang ama sa kabila ng babala ni Lip na hindi ito tatagal. Nagmadali si Fiona na maghanap ng mas maayos na trabaho.

May paparating si Frank na pera galing sa settlement. Ang problema -- kailangan niya ang pirma ng kanyang dating asawa na si Monica sa mga dokumento.

Nagdala ng gulo sa Gallagher ang pagbabalik ni Monica sa pamilya -- naiwan ang mga batang gustong malaman kung si Frank ba ang tunay nilang ama. Tumira si Fiona sa katabing bahay kasama si Steve.

Kinumbinsi ni Debbie si Fiona na makisali sa kanyang Classroom Moms kung saan nagkaroon ng bagong mabait na kaibigan si Fiona na si Jasmine (guest star AMY SMART).

Kinumbinsi ni Steve si Fiona na umalis sila ng bayan pagkatapos matuklasan ni Tony ang tunay niyang hanapbuhay at binantaang ikukulong kapag hindi aalis. Sinubukan ni Fiona na ilabas ng kulungan sina Lip at Ian dahil inaresto sila sa pagnanakaw ng kotse. Natuklasan ang sikreto nina Frank at Karen, at kailangang magtago ni Frank sa tatay ni Karen, kay Eddie, at sa sariling anak na si Lip.