ఆల్ ఆర్ నథింగ్: ఆర్సెనల్

ఆర్సెనల్ ఫుట్‌బాల్ క్లబ్‌కు కీలకమైన సీజన్‌కు ఇది ఆరంభం. ప్రీమియర్ లీగ్‌లో క్లబ్‌ను తిరిగి 4వ స్థానానికి చేర్చడంపై జట్టు మేనేజర్ మికెల్ ఆర్టెటాపై ఒత్తిడి పెరుగుతుంది. వేసవిలో కొత్తగా పలు ఒప్పందాలు చేసుకున్నా, జట్టు వరుసగా మూడు ఓటములు చెందడంతో, టేబుల్‌లో చివరన ఉంటారు. ఎమిరేట్స్‌లో నార్విచ్ సిటీని ఈ జట్టు ఎదుర్కుంటూ ఉండగా, అంచనాలు అధిక స్థాయిలో ఉంటాయి.

ఇది నార్త్ లండన్ డెర్బీ - ప్రపంచంలో అత్యంత కీలకమైన గేమ్‌లలో ఒకటి. స్థానిక ప్రత్యర్థి టోటెన్‌హామ్ హాట్స్‌పర్‌తో ఎమిరేట్స్ స్టేడియంలో అల్లరిమూకలతో కూడిన సొంత ప్రేక్షకుల ముందు తలపడేందుకు ఆర్టెటా, అతని యువ బృందం సిద్ధమవుతారు. సీజన్‌లో తొలి గోల్ కొట్టాలని యూరో 2020 హీరో అయిన బుకాయో సాకా మీద ఒత్తిడి పెరుగుతుంది. కెప్టెన్ పియెర్రీ-ఎమెరిక్ ఔబామెయాంగ్‌కు, జట్టు శత్రుత్వాల కంటే ఈ గేమ్ చాలా ఎక్కువ.

రెండు నెలలు గడిచాక, ఆకట్టుకునే ఇంకా బలమైన విజయాలు సాధించాక, దూరపు మ్యాచ్‌లలో కఠిన సెట్‌కు జట్టు సిద్ధమవుతుంది. గోల్‌కీపర్ ఆరోన్ రామ్స్‌డేల్ అడుగు పెట్టాక, జట్టు డిఫెన్స్‌కు కొత్త శక్తిని అందిస్తాడు. డిఫెండర్ కీరన్ టియెర్నీకి గాయం కాగా, అదే సమయంలో కొత్తగా సంతకం చేసిన నూనో టవారెస్ అరంగేట్రంలో మెరుస్తాడు, కానీ అన్‌ఫీల్డ్‌కు వెళ్లే సమయంలో 10 గేమ్‌ల విజయాల వరుస ప్రమాదంలో పడుతుంది.

అభిమానులు మెచ్చిన ఔబామెయంగ్‌ను కెప్టెన్సీ నుంచి తప్పించారని పుకార్లు పెరుగుతాయి. తొలి జట్టుతో కలిసి ఔబామెయంగ్ ట్రైనింగ్ తీసుకోకపోవడంతో, బ్రెజిలియన్ ప్లేయర్ గాబ్రియెల్ మార్టినెల్లి సహా మిగిలిన ప్లేయర్ల మీదకు దృష్టి మళ్లుతుంది. క్రిస్మస్ రానుండడం, లీగ్‌లో కొవిడ్ కేసుల కలకలంతో, ప్రీమియర్ లీగ్ ఛాంపియన్స్ మ్యాన్ సిటీ కోసం జట్టు సిద్ధం అవుతుండగా, మైకెల్ ఆర్టెటా ఐసోలేష‌న్‌లో ఉండాల్సి వస్తుంది.

కొత్త ఏడాది ఆరంభం జనవరి బదిలీ విండోను తీసుకురాగా, తన జట్టును పునర్ నిర్మించే అవకాశం మికెల్ ఆర్టెటాకు దక్కుతుంది. ఎఫ్ఏ మరియు కరబావో కప్‌లలో పోటీ పడుతూ, పతకం కోసం ఆర్సెనల్ తమ పోరాటాన్ని కొనసాగించగా, టాప్ 4లో స్థానం కోసం వేట కొనసాగిస్తారు. ఇదే సమయంలో, ఔబామెయంగ్ భవిష్యత్తుపై ప్రశ్నలు మీడియాలో ఎక్కువగా వస్తాయి, తమ మాజీ కెప్టెన్ విషయంలో క్లబ్ తప్పనిసరిగా ఓ నిర్ణయానికి రావాల్సి ఉంటుంది.

ఔబామెయంగ్ వెళ్లిపోయాక, బదిలీ విండో ముగిశాక, అభిమానులు, విమర్శకుల నుంచి మికెల్ ఆర్టెటా ఒత్తిడి ఎదుర్కుంటాడు. ఇంటిలో, అతని భార్య మరియు కుటంబంపై అతని కఠిన ఉద్యోగ ప్రభావం పడుతుంది. పిచ్ మీద, యూరోపియన్ పోటీ కలను సజీవంగా ఉంచడానికి జట్టు ప్రయత్నిస్తుంది. డిఫెండర్ బెన్ వైట్ అభిమానుల గౌరవం కోసం పోరాడతాడు, ఇంకా లివర్‌పూల్‌తో జరిగిన మరో కఠినమైన ఆట జట్టు వేగాన్ని పట్టు తప్పేలా చేస్తుంది.

ఆర్సెనల్ వరుస పరాజయాలను ఎదుర్కోవడంతో, టాప్ 4 స్థానం ఆశలపై ప్రమాదంలో పపడుతుంది. గాయాల కారణంగా కీలక ఆటగాళ్లను కోల్పోవడంతో, మైకెల్ ఆర్టెటా అనుభవం లేని ఆటగాళ్లను తీసుకొచ్చి, జట్టుకు ఉత్సాహం అందించాలని చూస్తాడు. తోటి టాప్ 4 పోటీదారులు, చెల్సియా ఇంకా మాంచెస్టర్ యునైటెడ్‌లను ఎదుర్కునే సమయంలో, మిడ్‌ఫీల్డర్ మొహమ్మద్ ఎల్నెనీ, స్ట్రైకర్ ఎడ్డీ ఎన్‌కేటియాలు మొదటి 11 మందిలో చేరేందుకు పిలుపు అందుతుంది.

సీజన్ నాటకీయంగా ముగియనుండడంతో, ఆర్సెనల్ తమ చిరకాల నార్త్ లండన్ ప్రత్యర్థి టోటెన్‌హామ్ హాట్‌స్పర్‌కు, మరియు ఛాంపియన్స్ లీగ్‌లో చోటుకు మధ్య నిలుస్తుంది. వాళ్లు తుది మ్యాచ్‌లకు సిద్ధపడుతుండగా, సర్వశక్తులు ఒడ్ల్సిన సమయంలో, తగినట్లుగా జట్టు తిరిగి కోలుకుంటుందా, లేక యువజట్టు ఎదుర్కునేందుకు ఇది మరీ పెద్ద లక్ష్యం అవుతుందా?