American Gods

Nang mapaagang makalaya si Shadow Moon sa kulungan kasunod nang pagkamatay ng asawa niya, nakilala niya ang misteryosong si Mr. Wednesday at tinanggap siya nito bilang bodyguard. May umatake kay Shadow sa unang araw niya sa trabaho kaya napagtanto niyang hindi basta ang trabaho niya.

Sa pagre-recruit ni Mr. Wednesday para sa magaganap na digmaan, sinamahan siyang maglakbay ni Shadow Moon papunta sa Chicago, at nakipagpustahan sa larong checkers kay Czernobog, isang lumang Diyos na Slavic.

Kinukuwestiyon ni Shadow ang mga patakaran sa trabaho niya kay Mr. Wednesday nang sabihin nitong magnanakaw sila sa bangko (dahil ang lahat ng army ay nangangailangan ng magpagkukunan ng pondo). At nang akalain ni Shadow na napakakomplikado na ng buhay niya, nasurpresa siya sa nakita niya sa motel room niya.

Ang nakaraan at kasalukuyan, ipapakita ang buhay at pagkamatay ni Laura—kung paano niya nakilala si Shadow, kung paano siya namatay, at kung paano siya nakarating sa motel room ni Shadow.

Habang inaayos ang relasyon nila ng patay at taksil niyang asawa, naantala ang muling pagkikita ni Shadow at ng asawa niya nang dukutin siya at si Mr. Wednesday ng mga Bagong Diyos.

Sa pagtakas mula sa pagpapakita ng lakas ng mga Bagong Diyos, nakahanap ng ligtas na lugar sina Shadow at Mr. Wednesday sa matagal na nitong kaibigang si Vulcan, and Diyos ng Apoy at Panday.

Natapos agad ang sandaling reunion nila ni Shadow, sumama si Laura sa taong hindi masayang kasamang maglakbay para muling mabuhay, at para makabalik siya kay Shadow. Ang pahaba, masalimuot, at masaklap na nakaraan ni Mad Sweeney ay inungkat.

Sa bisperas ng digmaan, si Mr. Wednesday ay kailangang mag-recruit ng isa pang Lumang Diyos: si Ostara, né Easter, Diyosa ng Bukang-liwayway. Ngunit ang pagkumbinsi sa kanya ay mangangailangan ng pagpapakita ng magandang impresyon, at doon papasok si Mr. Nancy.