Red Oaks

Noong bakasyon sa taong 1985, ang 20-anyos na si David Meyers ay nagtrabaho bilang tennis pro sa Red Oaks Country Club sa isang bayan sa New Jersey, habang ang kanyang mga magulang, nobya, at mga katrabaho ay hinihikayat siya sa kinabukasang hindi na siya sigurado.

Nahanap ni David ang sarili sa matinding sitwasyon nang pumayag siya maging kakampi ni Getty sa isang laban sa tennis sa labas ng trabaho. Habang nakikilala ni David ang anak ni Getty, si Skye, si Nash ay sinusubukang laruin ang stock market, at si Wheeler naman at Misty ay nagsamang mag-aral pumarada ng sasakyan.

Kinausap ni David si Barry para kunin siyang magbidyo sa kasalan sa Red Oaks. Habang nagkakasiyahan, nagharap si Nash at ang kanyang karibal para mapahanga ang tatay ng babaeng ikakasal, at si Wheeler ay pinag-iisipan ang alok sa negosyo ng isang estranghero.

Hindi naging maganda ang resulta ng plano ni David para sa kaarawan ni Karen, habang si Sam at Judy ay binigyan ng gamot sa "empathy" para mahanap nila ulit ang kanilang pag-iibigan, at si Misty ay isinama si Wheeler sa pinakapangit na blind date.

Habang ginaganap ang kasiyahan sa Araw ng Kalayaan, kinuha ni Getty si David bilang coach para sa nalalapit na tennis championship sa kanilang club, at nahuli sa akto ni Wheeler ang nobyo ni Misty na may ginagawang hindi kanais-nais. Samantala, nalilito si Judy dahil sa nararamdaman niya sa kaniyang babaeng guro sa yoga.

Kinuha si David para kunan ng bidyo ang pagtatalik ng dalawang 'di-katandaang swingers sa club, pero hindi nila inasahan ang mangyayari. Samantala, sinubukan ni Karen maging modelo para kay Barry, at nagpa-inom naman si Judy para sa kanyang mga estudyante sa real estate, na kinainis ni Sam.

Isang mahiwagang alak ng Hapon ang nagbigay kay David at Sam ng kakaibang sulyap sa buhay ng bawat-isa sa kanila.

Pinagninilayan nina David at Skye ang kanilang kinabukasan, sa pag-ibig at trabaho, habang magkasama isang gabi sa New York City. Si Wheeler at Misty ay buong gabing nagpaikot-ikot sa bayan habang nag-uusap.

Ang alitan nina David at Barry, ang paglabas nila ni Skye, at ang 'di-gumagandang relasyon nila ni Karen ay naglagay sa alanganin sa isang mitzvah sa Red Oaks kung saan siya nagtatrabaho. Lahat ito habang si Wheeler ay sinusubukang hanapin ang nawawalang pakete ng cocaine.

Sa pagtatapos ng bakasyon, tinulungan ni David si Getty para sa kampeonato ng tennis sa Red Oaks, at namaalam na ang mga tauhan sa Red Oaks. Subalit, may malaking mga pagbabago sa mga Meyer at Getty.