லூக்கே

புதிய நண்பனின் உதவியுடன், உயிர் பிழைத்த குற்றவுணர்வை லக்கி எதிர்கொள்கிறான். ராப்பர் பத்னாம், தனது போட்டியாளரான 'ஓஜி'க்கு சவால் விடுவதால், சண்டிகரில் அவப்பெயர் பெறுகிறான். ரகசிய போலீஸ் அதிகாரியான குர்பானி, 'டெமன்' என்ற புதிய போதைப்பொருளைத் தயாரிப்பவரைத் தேடுகிறார். அவர்கள் சந்திக்கிறார்கள். ஒருவன் காதலாலும் மற்றொருவன் வெறுப்பாலும் உந்தப்பட்டு, லக்கிக்கும் பத்னாமுக்கும் இடையே மோதல் ஏற்படுகிறது.

லக்கி சனோபரின் குடும்பத்தினரின் நம்பிக்கையை வெல்கிறான். அவனது விசுவாசத்தைச் சோதிக்க, பத்னாம் லக்கியை ஒரு ஆபத்தான திட்டத்தில் இழுத்துவிடுகிறான். அதே சமயம், அவனது எதிரி ஒருவன் மீண்டும் வருவதாக அறிவிக்கிறான்.

பத்னாமுக்கும் ஓஜிக்கும் இடையே இருக்கும் பகைக்குப் பின்னால் உள்ள கசப்பான உண்மையை அறிவது லக்கியை மன உளைச்சலுக்கு ஆளாக்குகிறது. சனோபர் கைவிடப்படுவோமோ என்று அஞ்சுகிறாள். கொலையாளிகள் பத்னாமின் தலைக்கு விலை வைக்க, பத்னாமின் படுகொலைகளுக்கும் அவனது உண்மையான இயல்புக்கும் லக்கி நேரடி சாட்சியாகிறான்.

குர்பானி தனது கடந்த காலத்தை எதிர்கொள்கிறாள். சனோபர், தனக்கும் நிஹாலுக்கும் இடையே குழந்தைப் பருவம் முதல் நீடித்த பிணைப்பைப் பற்றி லக்கிக்குக் காட்டுவதோடு காவலர்கள் மீது அவநம்பிக்கை கொள்ள காரணங்களையும் சொல்கிறாள். லக்கி, குர்பானிக்காக மருந்து ஆய்வகம் பற்றிய தகவல்களை சேகரிக்கிறான். 'குடும்பத்துடன்' பத்னாமின் முதல் இசை வீடியோவ படமாக்கும் பரவசம், கட்டுப்பாடற்ற பழிவாங்கல் தீய பார்வைக்கு உள்ளாகிறது.

அவன் உயிருக்கு ஏற்பட்ட தாக்குதல் பத்னாமை ஒரு புராணக்கதையாக மாற்றுகிறது. உலகம் அவன் பெயரை அறியும். குர்பானி மருந்து ஆய்வகத்தைக் கைப்பற்றத் திட்டமிடுகிறாள். பத்னாம் தனது கடந்த காலத்தின் சாத்தானுடன் ஒரு ஒப்பந்தம் செய்துகொள்வதால், லக்கி பெரும் மனக் கொந்தளிப்பை எதிர்கொள்கிறான்.

பத்னாமின் குழுவில் ஏதோ கசிவு இருப்பதாக நிம்மோ சந்தேகிக்கிறான், இது பத்னாமை பீதியடையச் செய்து செயலில் இறங்கத் தூண்டுகிறது. நம்பிக்கையின்மை சகோதரர்களுக்கு இடையே சுவர்களை எழுப்புகிறது. சனோபர் நிகழ்ச்சி நடத்தவிருக்கும் கல்லூரி இசை விழாவிற்கு போதைப்பொருள் கடத்துபவராக லக்கி நியமிக்கப்படுகிறான். ஒரு மகிழ்ச்சியான தருணம் நொறுங்கி, லக்கியின் விதியை இருளில் மூழ்கடிக்கிறது.

கல்லூரி இசைத் திருவிழாவானது, குர்பானிக்கும் பத்னாமுக்கும் இடையிலான ஒரு அறிவுப் போட்டியாக மாறுகிறது. லக்கியும் சனோபரும் குடும்பமா அல்லது நீதியா என்ற ஒரு இக்கட்டான இடத்தில் நிற்கின்றனர். ஆனால், யாரோ ஒருவரின் கைவசம் ஒரு துருப்புச்சீட்டு மறைந்திருக்கிறது.

இது இருண்ட நீதியின் இழைகள் கலந்த, ஒரு நினைவேந்தல் இசை நிகழ்ச்சி . குழப்பமும் சுய அழிவும் சூழ்ந்த சூழலில், அன்பு, நன்னெறி மற்றும் தூய்மை ஆகியவை மீட்டெடுக்கப்பட ஒரு டெமனுக்கும் ஒரு பிசாசுக்கும் இடையிலான போரை இதன் இறுதி மோதல் தொடங்கி வைக்கிறது. இதில் யார் வெற்றி பெறுகிறார்கள் என்பதல்ல, இறுதியில் தோற்பது அனைவருமேதான்.