Young Sheldon

Piniyansahan ni George Sr. sina Meemaw at Georgie. Nakilala naman nina Sheldon at Missy si Mandy, at naramdaman ni Mary na hindi siya tanggap sa simbahan, sa premiere ng sixth season ng Young Sheldon.

Sinubukan nina Sheldon at Missy na tumulong sa finances ng pamilya. Nahirapan naman si Mary na masanay na wala na siya sa simbahan.

Kinailangan ni Sheldon na pumili ng panig sa isang etikal na dilemma; sinubukan ni Mary ang pagsusulat; kinailangan ni Mandy ng bagong matitirhan.

Nagkaroon si Sheldon ng nakakatakot na mathematical discovery habang tinu-tutor si Billy. Nagseselos naman si Mary sa relasyon ni Missy kay Mandy at Meemaw.

Naging dorm RA si Sheldon; may ginagawang kahina-hinalang deal sa negosyo sina Meemaw at Dale; nanumbalik naman ang romansa kina Mary at George Sr.

Hiniling kay George Sr. na tumulong sa football team; natuklasan ni Mandy ang sikretong negosyo nina Georgie at Meemaw.

Nagkaroon ng breakthrough si Sheldon sa paghahanap niya ng isang comic book. Hindi naman naging maganda ang unang engkuwentro nina Georgie at Mandy sa mga magulang ng babae na sina Jim at Audrey.

Hindi nagkasundo si Sheldon at ang unibersidad tungkol sa imbensyon niyang database. Nagkaroon naman ng isyu ang simbahan sa video store ni Meemaw.

Pinag-isipan ni Sheldon na mag-drop out sa kolehiyo para matutukan ang pagbuo ng database niya. Nainis naman si George Sr. nang iba ang nakakuha ng papuri para sa mga pagkapanalo niya sa football.

Nahihirapan si Mary na magkaroon ng mga bagong kaibigan habang hinihikayat naman ni Mandy si Georgie na makipag-date sa ibang babae.

Nalaman ni Sheldon na bumubuo ang Unibersidad ng database nang hindi siya kasama. Inalagaan naman ni Mary sina Mandy at Meemaw na mga nakahiga dahil masama ang pakiramdam.

Nagkasagutan si Mary at ang nanay ni Mandy, at sinubukan ni Sheldon ang bonding ng kalalakihan.

Isinama ni Paige (Mckenna Grace) si Sheldon sa isang college party at nahuli sa pagsisinungaling si Missy.

Wala ang mga Cooper nang mag-labor si Mandy. Nasasabik naman si Sheldon sa pag-launch ng database niya.

Hinarap ni Sheldon ang pagkabigo sa database niya; hindi naging madali kina Georgie at Mandy ang pagiging mga bagong magulang; at naramdaman ni Missy na nakalimutan na siya.

Itinakas ni Missy ang truck ng ama niya at bumiyahe siya kasama ng kaibigan niyang si Paige (Mckenna Grace).

Nakipag-date si Georgie sa kaarawan niya at kinumpronta ni Mary si Brenda tungkol sa relasyon nito kay George. Naging interesado naman si Sheldon sa paboritong palabas sa TV ni Missy.

Gustong maghanap ni Sheldon ng may buhay sa ibang mga planeta, at sinagot ni Mandy ang alok na kasal ni Georgie. Napagitna naman si Missy sa dalawang kaibigan.

Nakakuha si Mandy ng magandang oportunidad sa trabaho at nag-aalala si Sheldon na napag-iiwanan na siya. Dinala naman ni Georgie ang anak niyang babae sa trabaho.

Napasok ng magnanakaw ang pasugalan at gusto ni Sheldon na mag-aral sa ibang bansa. Nagkaroon naman ng bagong kaibigan si Missy.

Sinorpresa ni Mandy si Georgie ng isang weekend sa spa at naghahanda na si Sheldon para sa kanyang summer sa Germany.

Pumunta sina Sheldon at Mary sa Germany habang matapang namang hinarap ng ibang miyembro ng pamilya Cooper ang buhawi na direktang tumama sa Medford.