Pagkatapos mapahamak, na-demote si Dong-ju sa Insung Metropolitan Police Agency kung saan pabigat ang tingin sa kaniya at humaharap din sa pangungutya ang mga kapwa niyang medalista. Pero no'ng nagkaroon ng malaking kaso, muli silang nabuhayan.

Sa tulong ng ideya ni Man-sik, bumuo ng espesyal na criminal investigation team ang mga dating world-class medalist. Handa na sa panibagong simula, may kaniya-kaniyang pangarap at layunin ang bawat miyembro, pero sa likod ng espesyal na team, may natatagong lihim na plano.

Sa mata ni Dong-ju, si Ju-yeong ang hit-and-run driver kaya naghahanap siya ng ebidensiya. Samantala, nagpunta si Jong-hyeon sa Opisina ng Prosekusyon sa kagustuhan ni Man-sik na imbestigahan ang kaso ni Gyeong-il, at patago namang nakipagkita si Ju-yeong.

Kompleto na ang Special Criminal Investigation Team ngayong nagbalik sina Han-na at Jong-hyeon. Nagsagawa sila ng malawakang imbestigasyon sa pagkamatay nina Gyeong-il at Min Ju-yeong. Habang bumubuo sila ng mga team at palapit sa mga target, natanggap ni Han-na ang mga rekord ng kaso ng ama niya.

Habang iniimbestigahan si Ju-yeong, napilitan ang Special Criminal Investigation Team na dalhin siya sa prosekusyon dahil sa biglaang interbensiyon. Naospital naman si Dong-ju pagkatapos ng aksidente, at patuloy na inaalam ng team ang tunay na pagkatao ni Ju-yeong at ang koneksiyon niya sa prosekusyon.

Gamit ang biglaang halik ni Han-na bilang dahilan, nag-imbestiga silang dalawa ni Dong-ju at nadiskubre nila ang burner phone ni Ju-yeong. Hindi natutuwa si Jong-hyeon na nagkakamabutihan sina Dong-ju at Han-na. Samantala, nagsisimula nang planuhin ni Drugmon ang pagtakas niya kahit may surveillance sa apartment.

Nalagay sa alanganin ang Special Criminal Investigation Team dahil sa pambubugbog ni Dong-ju. Pilit namang hinihikayat ni Man-sik ang team, habang patuloy na iniimbestigahan no'ng iba si Ju-yeong, kahit walang kasiguraduhan. Samantala, umalis sa ospital si Ju-yeong at pumunta sa hindi kilalang lugar.

Nalaman ng Special Criminal Investigation Team ang tungkol sa drug smuggling ni Ju-yeong at sumugod sila sa opisina ng customs, nagkukunwaring quarantine unit. Base sa iniwang lead ni Drugmon, nahanap nila ang taguan ng mga droga, pero nahulog sila sa patibong ni Ju-yeong.

Nakidnap si Han-na, at agad namang siyang hinanap nina Dong-ju at Jong-hyeon, pero napunta sila sa panganib. Unti-unti silang nawawalan ng pag-asa nang biglang may nagpaputok ng baril. Sa hindi inaasahang sakripisyo, makakaligtas kaya sila?

Nabuwag ang Special Criminal Investigation Team sa huli. Palihim na pinaplano ni Dong-ju ang paghihiganti kay Ju-yeong, pero nalagay siya sa panganib dahil hindi siya nag-iingat. Nang malaman ni Ju-yeong ang plano, nag-isip siya ng pambawi.

Nagsama-sama ang Special Criminal Investigation Team at nadiskubre ang tinatagong sekreto ni Ju-yeong. Dahil sa mapang-udyok na countdown ni Dong-ju, naging desperado si Ju-yeong. Sino ang magwawagi sa huli?

Dahil sa patibong ni Ju-yeong, nagtamo ng matinding pinsala si Dong-ju at haharap siya sa pinakamabigat na pagsubok. Lalaban ba siya o susuko?

Wala nang atrasan kaya bigay-todo na sina Dong-ju at team sa huling atake nila kay Ju-yeong. Sumugod sila nang walang pag-aalinlangan, pero sinalubong sila ng kontra-atake at hindi inaasahang mga balakid. Ano ang magiging kapalaran nila?

Sa huling laban nila kay Ju-yeong, desperado sina Dong-ju at team niya na manalo. Sa labanan ng dalawang lalaking hindi sumusuko, sino ang matitirang tunay na kampeon sa ring?

Nagsagawa ng malawakang operasyon ang buong Insung Police Force laban sa kartel ni Ju-yeong. Pero habang papalapit na ang tagumpay, nabalot ng kaguluhan ang lungsod dahil sa pinakamapaminsalang kontra-atake ni Ju-yeong.

Sa kabila ng kaguluhan, nagsimula na ang huling laban nina Dong-ju at team para malaman ang kapalaran ng Insung City. Bitbit ang mga pangarap at pag-asa ng iba, makakamit ba nila ang tagumpay at magbabalik bilang mga tunay na bayani?