Ang 'Di-kilalang Kalaban

Apat na buwan na mula ang trahedya sa pamilya niya, hinahanap ni Fernando Barrientos, bagong Pangalawang Kalihim ng Panloob, ang mga responsableng partido habang ginagawa ang kanyang mga tungkulin. Samantala, sinasamantala naman ni Luis Echeverría, bagong pangulo, ang pagkakagulo ng mga estudyante para magsagawa ng coup at alisin ang mga kaaway nito sa pulitika.

Nangangalahati na si Fernando Barrientos sa anim-na-taong termino, nalampasan na niya ang sakit, at pinalalakas ang posisyon sa gabinete. Isang 'di inaasahang pangyayari ang magtutulak na pagdudahan ang kinabukasan niya sa kapangyarihan. Samantala, bilang resulta ng panunupil ng estado, lumitaw ang Setyembre 23 Liga ng Komunista, isang grupo ng gerilya na seryosong banta sa pambansang seguridad.

Inilunsad ng gerilya ang unang opensiba nito at nais ni Barrientos manipulahin ang bagong kaaway pabor sa kanya. Ngunit nawala sa kontrol ang karahasan at sinugo ni Pangulong Echeverría ang sandatahan na labanan ang gerilya. Kailangang ipagtanggol ni Barrientos ang pwesto sa gabinete habang hinaharap si Heneral Federico Amaya, dati at makapangyarihang kaaway na tatalunin siya anumang mangyari.

Naging personal na digmaan ang away sa pagitan nina Barrientos at Heneral Amaya para lansagin ang Liga ng Komunista. Gayunpaman, hindi sumusuko ang mga gerilya at gumawa ng desperadong desisyon. Humantong sa marahas na katapusan ang kalupitan ng pag-uusig na magtutulak kay Barrientos na tumuklas ng alternatibong ruta para ituloy ang paghahanap sa kapangyarihan.

Sa pakikipag-anib sa CIA, itinakda ni Barrientos ang pundasyon sa bago at kumikitang parastatal na negosyo sa Mexico: ang narco-state. Samantala, nagdulot ng kaguluhan si Lucio Cabañas at ang gerilya niya sa Guerrero, na naglalagay sa mga plano ni Barrientos at mga kaalyado nito sa alanganin. Natuklasan ni Heneral Amaya ang mga intensyon ni Barrientos at babawiin ang negosyo sa kanya.

Huling bahagi na ng termino at nagsimula na ang laban sa susunod na presidente sa gitna ng makasaysayang krisis pang-ekonomiya. Mukhang nasa tama si Barrientos ngunit pinawi ng balakin ni Echeverría ang anumang pagkakataon niya. Gagawin ni Barrientos ang lahat para pigilan si Echeverría at ipakitang walang makapipigil sa ambisyon nitong maging pinakamakapangyarihang tao sa bansa.