Mirzapur

Habang nililitis si Ramakant dahil sa pagpatay kay SSP Maurya, kinukuwestiyon ang karapatan nina Guddu at Golu sa trono dahil nawawala ang katawan ni Kaleen Bhaiya. Sumumpa si Madhuri na isasakatuparan niya ang misyon ng tatay niya na magkaroon ng isang walang-krimeng estado.

Muling pinatakbo nina Guddu at Golu ang negosyo, pero naghahanap pa rin sila ng suplay ng opium na magbibigay sa kanila ng kontrol sa mundo ng mga kriminal ng Purvanchal. Sa pagnanais ng parehong kontrol, sinubukan ni Sharad na makipagkasundo sa isa sa dating kaalyado ni Guddu, habang sinubukan namang patayin ni Madhuri si Guddu.

Naging makapangyarihan si Guddu sa Mirzapur at nakakuha naman ng malakas na kaalyado si Sharad. Nakatanggap ng banta si Golu mula kay Bharat. Tinanggihan ni Ramakant ang alok ni Robin at nalagay siya sa panganib sa bilangguan. Samantala, pinagplanuhan ni Madhuri na pabagsakin si Guddu sa ibang paraan.

Nalagay sa panganib ang kaso ni Ramakant sa paglitaw ng bagong saksi. Sa pagsubok na pigilang bumagsak ang negosyo ng opium ng tatay niya, humingi ng tulong si Shabnam kay Guddu. Samantala, nakakuha na ng pinakahihintay na impormasyon si Golu tungkol sa nawawala pa ring si Kaleen Bhaiya.

Nagplano ng paglusob si Golu sa labas ng Mirzapur nang wala si Guddu. Nawawala si Golu pagbalik ni Guddu mula sa Nepal. Naramdaman ni Sharad na may mali sa Siwan at nagpasiyang ilipat ang pinakaiingatan niyang sikreto sa Jaunpur.

Sinunog ang Purvanchal sa labanan ng mga gang nina Sharad at Guddu. Gumawa ng matibay na desisyon si Madhuri na sirain ang ugnayan sa pagitan ng mga pulis at mga gangster, habang may nagbabalik na multo ng nakaraan. Nakahanap ng layunin si Ramakant sa bilangguan, na nakakakuha ng atensiyon ni Lala.

Nalagay sa kaguluhan ang Purvanchal kasunod ng nakakagulat na pangyayari sa kulungan. Hinarap ni Dadda ang anak niya, habang nagkaroon din ng alitan sina Sharad at Bharat. Nagpatawag ng baithak para lutasin ang away ng mga gang.

Nawasak na ang kalooban ni Guddu sa pagkawala ng mga taong malapit sa kaniya. May bagong hukom na itinalaga bago ang huling pagdinig ni Ramakant. Samantala, natuklasan ni Saloni ang mga sikreto ng asawa niya. Ibinalik sa puwesto si IG Dubey at inatasan ng isang misyon: Hulihin si Guddu Pandit.

Napilitan si Beena na humanap ng kaligtasan matapos bumagsak si Guddu. Inudyukan ni Madhuri si Sharad na bitawan na ang nakaraan para sa mas magandang kinabukasan. Makukumbinsi ba ni Shatrughan si Saloni na itago ang sikreto niya? Gusto nang kumilos sa sarili niyang paraan ang nagdurusang si Dimpy.

Bumalik si Golu sa Mirzapur, pero natuklasan niya ang kaguluhan na sumiklab habang wala siya. Pinasinayaan ni Madhuri ang Aam Bagh sa kabila ng malaking bantang nagmumula kay JP Yadav. Sa paglapit ng Dussehra, isa lang ang tanong: Sino ang mauupo sa trono ng Mirzapur?