ఓస్కార్ 1980లలో మాడ్రిడ్‌లో తన స్థానం కోసం చూస్తుంటాడు. క్లిష్ట వాతావరణంలో అనాథగా పెరిగిన కారణంగా, 27 సంవత్సరాల వయస్సులో అతనికి జీవితంలో ఒక విషయం మాత్రమే స్పష్టమైంది: ఏది ఏమైనా నువ్వు ముందుకు సాగాలి. దాంతో అతడు నిగూఢమైన, సంపన్నమైన సారా ఫరాద్‌తో కలిసిన రోజు, ఆమె మరియు ఆమె కుటుంబంతో తన కోసం ఎదురుచూసే విలాసవంతమైన, ఉత్తేజకరమైన జీవితంలోకి తొంగి చూసే అవకాశం రావడంతో ఎగిరిగంతులేస్తాడు.

ఫరాద్ కుటుంబంతో కలిసి ఉండడానికి మార్బెలాకు మారుతాడు. వారం లోపే అతడు తన అపార్ట్మెంట్‌కు అద్దె కట్టడం నుండి మార్బెలాలోని ఒక విలాసవంతమైన భవనంలో ఉండటం వరకు, మరియు తన మోటార్‌సైకిల్‌పై నగరంలో అటూఇటూ తిరుగుతూ ఉండటం నుంచి కోస్టా డెల్ సోల్ అంతటా ఓడలో ప్రయాణించడం వరకు వెళ్తాడు. కానీ అన్నీ అంత సులభంగా ఉండవు: ఫరాద్‌గా ఉండటానికి, నిన్ను నువ్వు నిరూపించుకోవాలి.

మార్బెలాలో తన సరికొత్త జిమ్‌ ప్రారంభించడంతో ఓస్కార్ తన కలలన్నిటినీ రికార్డు సమయంలో సాధించినట్లనిపిస్తుంది, కానీ లియోకు అతడిలో మంచి అల్లుడి కంటే ఎక్కువ లక్షణాలు కనబడటంతో ఓ ముఖ్యమైన వ్యాపార ఒప్పందం చేసుకోడానికి తనను ఒక విచిత్రమైన వేటకు తీసుకెళ్ళాలని నిర్ణయించుకుంటాడు. ఇంతలో, లియో కుమార్తెలలో ఒకరికి ఓ విషయం తెలుస్తుంది, దాంతో ఫరాద్ తోబుట్టువులు కుటుంబంలో తమ స్థానాన్ని సమీక్షించుకోవలసి వస్తుంది.

సారాను పెళ్లి చేసుకున్న తర్వాత, ఓస్కార్ ఇప్పుడు తను అధికారికంగా ఫరాద్ అని చెప్పగలడు. దానికి చాలా అర్థాలున్నాయి, విధేయత, పూర్తి నమ్మకంతో సహా అనేక విషయాలు. అలాగే చిన్న కుటుంబ సమస్యలతో వ్యవహరించడం. లియోకు తన కొడుకు హ్యూగోను తిరిగి దారిలోపెట్టడానికి సాయం చేయాలని ప్రయత్నిస్తూ, ఓస్కార్ తన సమస్యాత్మక బావమరిదితో సముద్రంలో ఓ ముఖ్యమైన రహస్య ఆయుధ రవాణాను భద్రమైన నౌకాశ్రయానికి తీసుకెళ్లడమనే ఆపరేషన్‌కెళతాడు.

లియో ఫరాద్ తన కుటుంబ భద్రత అనే విషయం తప్ప దేని గురించైనా చర్చలు చేయగలడు. అతడి కూతురు తాన్యా మీద అపరిచితులు దాడి చేసినప్పుడు, లియో కోపం అతడి సమీప ప్రత్యర్థి మవాద్‌పైకి మళ్ళుతుంది. కుటుంబాల మధ్య యుద్ధం జరగబోతున్నందున, ఫరాద్‌ల పాలస్తీనా సహచరుడు ఖాలిద్, మొనాకోలోని ఓ హోటల్‌పై దాడి చేసి డజన్ల కొద్దీ మందిని బందీలుగా తీసుకున్నాడనే ఉద్రిక్తతను పెంచే వార్త వస్తుంది.

లియోకు మవాద్ తల కావాలి, దాన్ని పొందడానికి అతను ఏదైనా చేస్తాడు, అమెరికన్లతో ఒప్పందం కూడా చేసుకుంటాడు. ఓస్కార్, సారాలు తమ మొదటి కుమారుడు పుట్టడాన్ని స్వాగతించగా, తాన్యాను సింగింగ్ స్కూల్లో చేర్చాలనే సాకుతో కుటుంబంలోని మిగిలిన వారు చెకోస్లోవేకియాకు వెళతారు. కానీ లియో అసలైన ఉద్దేశాలు నిజానికి చాలా వేరుగా ఉంటాయి.

అంగోలాలో యుద్ధం తారాస్థాయికి చేరుకుంటుంది. ఫిరంగుల ఒప్పందం చేసుకోడానికి ఓస్కార్, సారాలు లియోతో పాటు యుద్ధభూమికి వెళ్తారు. మొదటిసారిగా, ఆయుధాల వ్యాపారం గురించి ఓస్కార్‌కు ప్రత్యక్షంగా తెలుస్తుంది. ఇంతలో, మార్బెలాలో, హ్యూగో మవాద్‌తో వివాదానికి శాశ్వతంగా ముగింపు పలికి, తన కుటుంబానికి తన సత్తా ఏమిటో చూపించాలని నిశ్చయించుకుంటాడు.

మవా‌ద్‌తో ఒప్పందం కుదుర్చుకోవాల్సిన సమయం ఆసన్నమైందని కార్మెన్ నిర్ణయించుకుంటుంది: ఆమె తన కుటుంబంలో ఇకపై ఎవరినీ పోగొట్టుకోడానికి సిద్ధంగా ఉండదు. కానీ మరోసారి రక్తం చిందిస్తేనే డీల్‌ను ముగించవచ్చు. ఓస్కార్ జీవితం మలుపు తిరిగే క్షణం వస్తుంది మరియు అతను "ఫరాద్"గా ఉండడమంటే ఏమిటనే విషయాన్ని, దాని తాలూకు అన్ని పరిణామాలతో పాటుగా ఎదుర్కోవలసి ఉంటుంది.