Iniulat ng entertainment reporter na si Kyeong-do ang affair at drug scandal ng isang artista at manugang na lalaki ng isang napakayamang negosyante. Ang problema, ang lalaking sangkot ay asawa ng first love niyang hirap siyang kalimutan. Dahil sa isang artikulo, magkakaharap ulit sina Kyeong-do at Ji-woo pagkatapos di magkita nang sampung taon. Ngayon, ayaw na nilang maugnay pa muli sa isa't isa.

Nang naisapubliko ang divorce ni Ji-woo, nasangkot din sa eskandalo si Kyeong-do. Sa tulong ng mga kaibigan niya, nakapaglathala siya ng pantugon na artikulo. Gayumpaman, dahil sa pakiusap ng ate ni Ji-woo, mauugnay na naman si Kyeong-do kay Ji-woo.

Pipigilan ni Kyeong-do ang pag-alis sa bansa ni Ji-woo, at di inaasahan ang bigla nilang pagsasama sa iisang bubong. Haharapin ni Ji-woo ang katotohanan sa likod ng pagpapagamot ni Kyeong-do dahil sa pagkalulong sa alak, at ng mga sekretong tinatago nila ng kanyang ina.

Dadalhin ni Kyeong-do si Ji-woo sa ospital pagkatapos mahimatay dahil sa pag-inom. Babalik sa kanya ang masasakit na alaala mula sa una nilang hiwalayan. Samantala, makikipagkita si Min-woo kay Director Choi at papasok siya sa isang mapanganib na kasunduan.

Umatras si Jin-eon kasunod ng panliligaw ni Kyeong-do. Titira si Kyeong-do sa bahay ni Ji-woo sa pagpupumilit na manatiling malapit kay Ji-woo habang tinutulungan niya ito sa kanyang pagkalulong sa alak.

Tuluyan nang aatras si Kyeong-do sa training program sa Chicago. Samantala, malalaman ni Ji-woo ang sekreto nina Ji-yeon at Kyeong-do. Ngayon, dapat nang mapagdesisyunan ni Ji-woo kung ano ang gagawin niya.

Makukumpirma ng dalawa ang nararamdaman nila sa isa't isa. Pero parang may nararamdaman pa rin si Jin-eon kay Ji-woo. Samantala, may ikukuwento si Ji-yeon kay Kyeong-do na kagulat-gulat tungkol kay Min-woo.

Nang madiskubreng may mga delikadong nakahalo sa kapeng dala ng sekretarya, babalaan ni Kyeong-do si Ji-yeon na huwag inumin ito. Nang sa wakas ay bumalik na si Ji-woo sa kompanya, umpisa pa lang, mapangahas na ang mga gagawin niyang kilos.

Pupunta sina Ji-woo at Kyeong-do sa Málaga para makipagkita sa luxury designer na si Bella Jin. Pero nang nagkita sila sa wakas, hindi tinanggap ni Bella Jin ang proposal ni Ji-woo.

Lalong lalala ang mga sintomas ng dementia ni Ji-yeon, na makaaapekto sa Jarim Apparel. Determinadong protektahan ang kapatid at ang kompanya, may malaking desisyong gagawin si Ji-woo, at katuwang niya si Kyeong-do sa magiging laban niya.

Gawa-gawang divorce? Sasambulat ang isa uling eskandalong sangkot sina Kyeong-do at Ji-woo. Ngayon, dapat sumulat si Kyeong-do ng pinakamasakit sa pusong pantugon na artikulo ng buong karera niya.

Pagkatapos ilantad sa mundo ang mga kasalanan ni Min-woo, mapagpapasyahan ni Kyeong-do na iwan si Ji-woo. Para ito sa kapakanan ni Ji-woo. Haharap na naman ang dalawa sa isa muling hiwalayan. Saan na sila dadalhin ng wakas ng pag-iibigang ito?