Shameless

Sa panimula ng panlimang season, umuwi si Lip mula sa kolehiyo at nakitang nagbago ang dating komunidad, habang binalanse naman ni Fiona ang bagong trabaho at may crush sa boss niyang mas matanda.

'Di na naka-house arrest si Fiona, nagsimula naman ng bagong trabaho si Lip. 'Di inaasahan ni Lip na mas mahirap ang manu-manong trabaho… at 'di nakatulong ang hazing mula sa mga katrabaho niya.

Nagpatuloy ang gentrification ng komunidad ng Back of the Yards ng Chicago at inutusan ni Frank si Carl na takutin ang mga posibleng investor na bumibili ng mas maraming ari-arian sa komunidad, habang nakiusap rin kay Sheila na huwag pumayag na ibenta ang bahay niya. Samantala, kaduda-dudang ipinares ni Frank ang may-ari ng isang junkyard sa anak niya, si Sammi, kapalit ng bagong gamit sa brewery.

Noong dumating si Frank sa Lou's para kunin ang kanyang anim na figure na settlement ng insurance, nagulat siyang malamang nakuha na niya ito. Samantala, binisita ni Lip si Amanda at ang pamilya niya sa magara nilang bahay sa Florida.

Dapat harapin nina Fiona at Gus ang pagiging alanganin ng mabilisan nilang kasal. Pero napurnada ang plano ni Fiona na ianunsyo ito sa family dinner nang ma-overdose sa heroin ang katrabahong si Jackie. Samantala, iniiwasan ni Frank ang galit na si Sammi dahil sa pangakong bagong trailer kapag nakuha na niya ang pera sa insurance, at nanatili siya sa nagluluksang pamilya ng donor ng atay niya.

Nagulantang si Fiona sa pagbabalik ni Jimmy/Jack/Steve, pero dapat muna niyang harapin ang mas matinding krisis dahil ninakaw ni Ian, sa ganap na psychotic break, ang sanggol nina Mickey at Svetlana, si Yevgeny, at isinama siya sa road trip. Pero pursigido si Jimmy sa paghahabol kay Fiona na, kahit kakatapos lang ikasal, ay bumigay na rin sa kanilang mapusok na ugnayan at matagal na nakaraan.

Sa pagbalik ng ilan sa pandama ni Ian, nadismaya siyang nasa ilalim siya ng mandatoryong 72 oras na hold sa psych ward. Samantala, noong umuwi si Frank mula sa ospital at tumangging humingi ng tawad kay Sammi at may bagong determinasyong alagaan ang sarili niya nang wala ang tulong nito, napilitan si Sammi na gumawa ng mas matitinding paraan para maturuan ng mahalagang aral si Frank.

Noong dumating sina Lip at Fiona para sunduin si Ian sa psych ward, kapansin-pansing wala si Mickey. Hinikayat sila ng doktor ni Ian na regular na painumin si Ian ng pills, na mahirap gawin dahil hindi tinatanggap ni Ian ang kanyang bipolar na diagnosis. Kay Debbie ibinilin ang pag-aasikaso sa bagong gamot ni Ian at nang na-flush niya ito sa banyo, nagsikap si Debbie na makuhanan siya ng bago.

Nagpatingin si Frank sa masungit niyang doktor, si Bianca (guest star BOJANA NOVAKOVIC), para sa checkup sa sugat, pero gumuho ang mundo ni Bianca pagkatapos makatanggap ng malungkot na diagnosis na cancer. Kaya nang malaman ni Frank na hindi pa 'totoong nabuhay' si Bianca, pumayag siyang maging tour guide nito sa mas magulong parte ng buhay.

Naging malapit si Frank sa isang bagong may sakit na kaibigang si Bianca, pero nang maramdamang baka nagugustuhan na siya ni Frank, pinatigil niya ito. Pero bumalik si Frank para magpursige, at tiniyak niya kay Bianca na hindi niya ipaparanas dito ang ipinaparanas sa kanya ng pamilya niya. Bumait siya nang nangako si Frank na hindi niya hihilingin ditong magpagamot.

Nagkaroon ng maraming bagong sekswal na tensyon sa pagitan nina Fiona at Sean pagkatapos ng kanilang gabi sa diner. Pero dahil nasa military pretrial facility na si Ian, dapat siyang bisitahin ng tropa at ipaliwanag ang mga kondisyon niya sa mga abugado. Sa huli, bumalik si Fiona kay Sean para sa suporta, at pinagsaluhan ulit nila ang isa na namang gabi na puno ng romansa, hirap, at emosyon.

Sa finale ng panlimang season, nakita ulit ni Fiona si Gus pagkabalik niya sa kanyang tour pero hati ang damdamin niya dahil ang damdaming pangkaibigan para kay Sean ay naging pagmamahal. Samantala, sa Costa Rica, may sariling problema si Frank habang nagsisikap siyang pasayahin si Bianca sa mga huling araw niya kahit na ayaw na nitong mabuhay pa.