Supernatural

Ang pitong demonyo, batay sa Pitong Kasalanang Nakamamatay, ay napalaya sa mundo at dapat labanan sila ng magkapatid sa tulong ng mag-asawang Hunter.

Pinilit ni Dean si Sam na maglakbay sa Cicero, Indiana, para bisitahin si Lisa. Ang 8-taong-gulang na anak ni Lisa, si Ben, ay hawig si Dean. Nang mawala si Ben, natuklasan nina Sam at Dean na ang changeling-demonyong parasito-ay kumukuha ng bata at kinukuha ang anyo nila. Samantala, isang babaeng nagngangalang Ruby ang nakipag-ugnayan kay Sam at nagpahayag ng impormasyon tungkol sa kanyang ina.

Natuklasan nina Sam at Dean na ang sinumpaang paa ng kuneho'y ninakaw sa imbakan ng ama nila sa New York at tumawag kay Bobby para sa tulong. Binalaan sila na ang may hawak nito ay tatanggap ng suwerte-pero 'pag nawala, ang tao'y mamamatay. Nahawakan na ni Sam ang paa, pero ninakaw ito ng magnanakaw na si Bela kay Sam, dahilan para mawala ang suwerte niya at nalagay sa panganib ang buhay.

Iniimbestigahan nina Sam at Dean ang mga marahas na pagkamatay sa Elizabethville, Ohio, isang bayan na naging kanlungan ng mga sugarol at manginginom. Natuklasan ni Dean na ang mga demonyo ang nakapasok sa Elizabethville at ginagamit ang kapangyarihan ng panghihikayat para bumigay sa kanilang likas na ugali. Samantala, tinulungan ni Ruby si Bobby na gumawa ng Colt, at binigla siya sa balita.

Iniimbestigahan nina Sam at Dean ang maliit na bayan na napeste ng ilang bilang ng kakaibang pagpatay na maihahawig sa mga kuwentong pambata tulad ng Little Red Riding Hood, Snow White at Hansel and Gretel. Samantala, tinawag ni Sam ang Crossroad Demon (SANDRA McCOY) at binantaan siyang papatayin ito sa pamamagitan ng bagong gawang Colt maliban kung pakakawalan niya si Dean mula sa kasunduan.

Iniimbestigahan nina Sam at Dean ang pagkamatay ng mga nalunod na biktima na wala sa tubig noong namatay sila. Ang bawat isa sa biktima'y nakakita ng multong barko bago namatay. Sa pagsisiyasat, nagkrus ang landas nina Sam at Dean kay Bela, na binabayaran ng malaki ng isa sa mga miyembro ng pamilya ng biktima ng pagpatay para malutas ang kaso. Binalaan siyang lumayo, pero may iba siyang plano.

Natuklasan nila na si Dixon, isang lalaking bampira, ay nagpapakain ng dugo ng tao sa mga walang kaalam-alam na mga babae sa mga bar, na sinasabi sa kanila na ito ang "pinakabagong gamot" at ginagawa silang lahat na bampira. Samantala, nakatakas si Gordon Walker mula sa kulungan at hinabol si Sam-at pagkatapos na gawing bampira ni Dixon, mas mabigat na kalaban na si Gordon.

Pasko na at, habang iniimbestigahan nina Sam at Dean ang mga pagpatay kung saan ang mga biktima ay hinugot mula sa tsimenea, napagtanto ni Sam na ang kalaban nila ay uri ng anti-Santa, isang demonyo sa paganong alamat. Samantala, alam ni Dean na ito ang huling Pasko niya at gusto niyang magdiwang sa makalumang paraan; tumanggi si Sam, na hindi tinatanggap na wala na si Dean sa susunod na taon.

Naglakbay sina Sam at Dean sa Sturbridge, Massachusetts, at natuklasan ang grupo ng mangkukulam na pumatay ng dalawang tao. Binalaan sila ni Ruby ( panauhing artista na si KATIE CASSIDY) na lumayo; ang demonyong kumokontrol sa mangkukulam ay malakas, at takot si Ruby na mapatay sila. Hindi pinansin ang pakiusap, pumasok sina Sam at Dean at hinarap ang pinuno, na nagbunyag ng nakaraan ni Ruby.

Nang si Bobby ay na-coma at hindi magising, pinuntahan siya nila Sam at Dean. Habang walang malay, nakikipaglaban si Bobby sa mga personal niyang demonyo, at ipinahayag kung bakit siya naging manunugis. Natuklasan nina Sam at Dean na ginayuma si Bobby na papatay sa kanya 'pag hindi siya agad nagising. Nagpasya ang magkapatid na kumuha ng gayuma para makapasok sa panaginip ni Bobby at iligtas siya.

Habang sina Sam at Dean ay nag-iimbestiga sa pagkawala ng isang lalaki sa isang pasyalan, nabaril si Dean at namatay. Nasaktan si Sam; pero, nang gumising siya kinaumagahan, nakita niyang buhay si Dean. Napagtanto ni Sam na inuulit niya ang lumipas na araw at sinubukang pigilan ang pagkamatay, ngunit walang nangyari. Namatay ulit si Dean at dapat matutunan ni Sam na mabuhay nang wala ang kapatid.

Sina Sam at Dean ay pumasok sa bahay ni Bela para kunin ang Colt, pero sinabi ito kay Agent Henricksen, at inaresto sila. Nakakulong sina Sam at Dean nang pumasok ang demonyo, pinatay ang tauhan ng sheriff at sinapian si Henricksen. Matapos talunin nina Sam at Dean ang demonyo, naghanda si Henricksen na palayain sila. Binalaan ni Ruby sina Sam at Dean na may mga demonyong nakapalibot sa kulungan.

Sina Sam at Dean ay nasabak sa mga pangunahing papel sa isang palabas na tinatawag na "Ghostfacers," na tinatalakay ang pagtugis sa paranormal, na ginawa ni Ed Zeddmore at Harry Spengler. Kada apat na taon, ang Morton Mansion ay nagiging isa sa mga pinaka-pinagmumultuhan na lugar sa Amerika. Ang miyembro ng palabas ay kinukunan ng buhay at napagtantong lumampas na sila sa kanilang kakayahan.

Nabigla si Dean nang makatanggap siya ng tawag mula sa kanyang ama, si John (pabalik-balik na panauhing artistang si JEFFREY DEAN MORGAN), na sinabing may solusyon siya para mawala si Dean sa kasunduan. Nag-away sina Sam at Dean dahil nag-aalinlangan si Sam na si John ba talaga iyon at binalaan si Dean na 'wag makinig sa kanya. Hindi sang-ayon si Dean at nagsarili para sundin ang utos ng ama.

Habang nauubos ang oras ni Dean, hinikayat siya ni Sam na imbestigahan ang isang posbileng kaso ng zombie. Sa halip, natuklasan nila si Doc benton, isang tunay na doktor na inabanduna ang trabaho para sa paghahanap ng susi sa buhay na walang hanggan sa pamamagitan ng pagpapainom ng droga at pagkuha ng lamanloob. Samantala, nalaman ni Bobby kung saan nagtatago si Bela, at kinumpronta siya ni Dean.

Ang kasunduan ni Dean sa demonyo ay matatapos na sa loob ng 30 na oras at si Dean, Sam at Bobby ay hinahanap si Lilith, na may hawak ng kontrata. Tinawag ni Sam si Ruby para sa tulong. Nagbabala si Ruby na hindi pa sila handa kay Lilith, pero ninakaw nila ang kutsilyo at pumunta sa New Harmony, Indiana. Hinarap nila si Lilith at lahat ng demonyo niya sa huling pagsisikap para iligtas si Dean.