The Big Bang Theory

Pagkatapos pumunta sa Vegas para magpakasal, hindi matanggap ni Penny (KALEY CUOCO-SWEETING) ang pag-amin ni Leonard na may hinalikan itong ibang babae sa North Sea sa premiere ng pangsiyam na season.

Pagkatapos makipaghiwalay ni Amy kay Sheldon, sinubukan niyang gantihan si Amy sa pamamagitan ng paggawa ng espesyal na episode ng "Fun with Flags." Samantala, hinarap naman ni Leonard ang babaeng nakahalikan niya sa North Sea para mapanatag na ang isip ni Penny, at nakonsensya si Bernadette sa pagtatago ng lihim kay Penny.

Nasubukan ang husay sa science ng magkakaibigan nang ma-flat ang gulong nila sa sorpresang bachelor party weekend ni Leonard sa Mexico. Samantala, kinumbinsi ng mga babae si Penny na sabihin na sa pamilya niya na nakipagtanan siya kay Leonard.

Nang sabihin nina Penny at Leonard na magsasama na sila, nagdesisyon si Sheldon na bumalik sa 2003 - sa mas simpleng panahon bago niya makilala ang kahit na sino sa kanila. Samantala, bumuo ng banda sina Howard at Raj para tumugtog sa Comic Book Store.

Nang magpaturo ng fencing ang magkakaibigan kay Barry Kripke (nagbabalik na guest star na si JOHN ROSS BOWIE), nailang si Sheldon nang magpahayag ng interes si Kripke kay Amy. Nahirapan ding makakuha ng mga babaeng customer si Stuart sa Comic Book Store, kaya pumunta sina Penny, Amy at Bernadette para tulungan siya.

Sa gitna ng kakulangan ng helium sa buong bansa, naging desperado na sina Sheldon at Leonard at kumuha na sila ng mga supply na kailangan nila sa black market. Samantala, nag-download sina Penny at Bernadette ng dating app sa telepono ni Amy para hanapan siya ng bagong nobyo. Guest star dito si MICHAEL RAPAPORT bilang dealer nila sa Black Market na si Kenny.

Habang kinakapanayam para sa documentary tungkol kay Spock, hindi naitago ni Sheldon ang nararamdaman tungkol sa kamakailang paghihiwalay nila ni Amy - ikinagulat nina Leonard at Penny na malamang may engagement ring si Sheldon para kay Amy. Hindi naman magkasundo sina Howard at Bernadette sa pagbabago ng childhood home ni Howard. Guest star dito sina WIL WHEATON, ADAM NIMOY at STEPHEN MERCHANT.

Habang may ka-date si Amy na misteryosong lalaki, hiningi ni Sheldon ang tulong nina Howard at Raj na maghanap ng bagong girlfriend sa pamamagitan ng pag-post online. At nang hindi nagsasabi si Amy ng mga detalye tungkol sa lalaking ka-date niya, sinundan siya nina Penny at Bernadette.

Sinubukan nina Sheldon at Amy na maging magkaibigan na lang at magkasama nilang ipinagdiwang ang Thanksgiving sa Aquarium. Samantala, napilitan si Howard na magboluntaryo sa soup kitchen kasama nina Bernadette, Raj at Emily, at nadiskubre ni Penny na marami pang nalalaman si Leonard tungkol sa kanya kaysa sa akala niya.

Matapos maperhuwisyo ni Sheldon sina Leonard at Penny dahil sa desperadong pag-alala sa kanta sa isip niya, nagkaroon siya ng rebelasyon nang malaman ang dahilan. Kahit na nakakailang ang nakaraang date nila, inaya ni Amy si Dave (nagbabalik na guest star na si STEPHEN MERCHANT) sa dinner. At gustung-gusto namang makilala nina Howard at Raj ang isang fan ng banda nilang Footprints on the Moon.

Pagkatapos ng mahigit limang taon sa relasyon, may nangyari na rin kina Sheldon at Amy; samantalang kailangan namang magdesisyon nina Leonard, Howard at Raj kung kanino mapupunta ang ekstra nilang tiket sa pelikulang Star Wars. Nagbabalik na guest star si BOB NEWHART bilang Obi-Wan ni Sheldon para payuhan siya sa mga mahirap na pagdedesisyon niya sa relasyon.

Higit sa inaasahan ang nakuha ni Penny nang pumayag si Leonard na makipagkita sa psychiatrist para sa kanya. May magkasama namang natuklasan sa astronomiya sina Sheldon at Raj. Hindi makapaniwala sina Howard at Bernadette sa nararamdaman nila pagkatapos lumipat ni Stuart.

Pagkatapos asikasuhin ang may sakit na si Sheldon, sinubukang magsaya nina Leonard, Penny at ng tropa sa isang weekend na wala si Sheldon.

Labis ang saya ni Sheldon nang bumisita ang Meemaw (guest star na si JUNE SQUIBB) niya, pero mabilis na naglaho ang kasiyahang ito nang hindi nito makasundo si Amy. May nakilala ring bagong babae si Raj (guest star na si ALESSANDRA TORRESANI) sa comic book store na naging dahilan ng pag-aalinlangan niya sa relasyon niya kay Emily.

Nag-host sina Sheldon at Amy ng espesyal na live na episode ng "Fun with Flags" para sa Valentine's Day. Habang sinusubukang tanggapin nina Leonard at Penny na tatanda rin sila, nagulat naman sina Howard at Bernadette sa nakita nila sa kanilang hot tub; at hindi makapili si Raj sa pagitan ni Emily at ng cute na babaeng nakilala niya sa comic book store.

Nang malaman ng tropa ang tungkol sa pagbubuntis ni Bernadette, nagsaya sila at nagkantahan sa karaoke. Samantala, nag-alala naman si Bernadette nang mataranta si Howard sa ipinaalam niyang pagbubuntis, dahil ayon dito, kailangan niyang kumita ng mas maraming pera para maibigay ang mga pangangailangan ng bata.

Pagkatapos ng mahigit siyam na taong magkakasama, ipinagdiwang na rin sa wakas ng barkada ang kaarawan ni Sheldon nang may ilang espesyal na bisita sa ika-200 episode. Nagbabalik sina CHRISTINE BARANSKI, SARA GILBERT at WIL WHEATON at kasama nila ang espesyal na guest star na si ADAM WEST.

Nagkaproblema sina Leonard, Sheldon at Howard nang mag-file sila para sa patent ng kanilang infinite persistence gyroscope. Samantala, nagpayo naman sina Penny, Amy at Bernadette kay Raj nang bumalik si Emily pagkatapos nilang maghiwalay.

Nang bumigay ang laptop ni Sheldon, nasabi niya kay Amy ang isang malaking sikreto pagkatapos siyang bilhan ni Amy ng bagong laptop. Samantala, inilaglag naman ni Raj sina Leonard at Howard pagkatapos nilang magsinungaling sa mga asawa nila para makapunta sa maagang screening ng isang pelikula.

Naibunyag ni Sheldon ang isang sikreto ni Leonard sa isang weekend cabin trip nila kasama sina Penny at Amy; samantala, kinailangan namang kausapin nina Howard at Bernadette si Raj dahil sa labis-labis na nitong binibili para sa pagbubuntis ni Bernadette.

Nang mauwi sa mainit na pag-aaway ang maliit na bagay na pinagtatalunan nina Leonard at Sheldon, kinailangang pumili ng lahat ng papanigan habang nasa isang group get-together sila.

Pumunta ang magkakaibigan sa isang wine bar at nakita nila roon ang dating boyfriend ni Penny na si Zack (nagbabalik na guest star na si BRIAN THOMAS SMITH); si Sheldon lang ang kasama ni Bernadette sa gabi na hindi siya nakasama sa wine tasting ng grupo, at hindi umayon sa plano ang mga bagay nang ipakilala ni Raj ang bago niyang new girlfriend na si Claire (ALESSANDRA TORRESANI).

Binayaran ni Sheldon si Stuart para samahan si Amy dahil mas gusto niyang pumunta sa screening ng pelikula. Bumisita rin ang ina ni Leonard na si Beverly at nahirapan si Penny kung paano sila magkakasundo.

Nagkagulo sa finale ng pangsiyam na season nang bumisita ang kakadiborsyo lang na mga magulang ni Leonard (mga espesyal na guest star na sina JUDD HIRSCH at CHRISTINE BARANSKI) at madasaling relihiyosang ina ni Sheldon. Samantala, iniisip nina Howard at Raj na pinapahanap sila ng pamahalaan dahil may nakipag-ugnayan sa kanila tungkol sa guidance system nila.