Superman & Lois

Sa premier episode ng season two, nahihirapan sina Lois at Clark bilang couple, habang nag-a-adjust si Chrissy sa pagpapatakbo ng Smallville Gazette kasama ni Lois.  Samantala, mas nag-aalala si Kyle sa pagiging sangkot ni Lana sa isang bagong kandidatong mayor.

Magbubukas si Clark kay Lois tungkol sa mga nagpapatuloy niyang pangitain at aaminin niyang iisang tao lang ang makakatulong.  Samantala, makakatanggap si Lana ng hindi inaasahang balita, at tumitindi ang tensyon sa pagitan ni Lois at Chrissy.  Binabalak ding makipaghiwalay ni Sarah kay Jordan para samahan si Natalie.  Si DAVID RAMSEY (Arrow) ang direktor ng episode.

Makikipag-ugnayan si Lois sa kanyang ama, si retiradong General Lane, habang lalala ang mga pangitain ni Clark habang nakikipagtalo kina Jonathan at Jordan.  Samantala, ibabahagi ni Lana ang mga galit niya kay Kyle.  Malalaman din ni Natalie na hindi tinupad ng kanyang ama ang isang pangako nito sa kanya.

May misyon sina Lois at Chrissy na hanapin ang kapatid ni Lois na si Lucy (guest star na si JENNA DEWAN) habang lalong nababalisa sina Jonathan at Jordan sa mga pangitain ni Clark.  Samantala, magkasamang mag-aalmusal sina Lana, Kyle, at Sarah at pag-uusapan nila ang paparating na quinceañera ni Sarah. Magkakaroon ng bonding moment si Natalie at ama niya.

Naghahanda sina Lana, Kyle at Sarah para sa quinceañera ni Sarah, pero hindi nangyayari ang mga bagay-bagay gaya ng inaasahan. Nagsisisi si Clark tungkol sa nangyari kay John Irons, at nag-aalala si Lois na baka nagkamali siya tungkol kay Ally. Samantala, malalaman ni Jonathan na balak ng lolo niyang sanayin si Jordan. At hinahanap ni Chrissy ang katotohanan tungkol kay Lois.

Sasabihin ni Lois kay Clark na balak nila ni Chrissy na imbestigahan ang Inverse Society. Sinusubukang aluin nina Lana at Sarah ang isa't isa pagkatapos ng nangyari sa quinceañera ni Sarah. Samantala, may mapapansing kahina-hinala si Jordan sa book bag ni Jonathan. Pinag-iinitan si Lt. Mitch Anderson dahil sa pagkasira ng ugnayan ng Department of Defense kay Superman.

Nakikiusap si Superman kay Lt. Anderson na imbestigahan si Ally Allston at makakatanggap si Lois ng hindi magandang balita. Samantala, tutulungan ni Lois si Lana na maghanda para sa haharapin niya. Naiinis pa rin si Jordan kay Jonathan dahil sa pagsisinungaling nito. Si ELIZABETH HENSTRIDGE (Agents of S.H.I.E.L.D.) ang direktor.

May mapapansing kakaiba sina Lois, Clark at Natalie sa pag-uugali ni John Henry at may hinala silang may hindi tamang nangyayari.  Samantala, may awkward na engkuwentro si Kyle kay Lana habang dumaraan sa bahay nito para ihatid si Sarah sa paaralan.  Naghahanda rin sina Jonathan at Jordan noong mapagtanto nila ang isang paparating na "pag-uusap" kasama ang mga magulang nila.

Magpapasalamat si Lois kay Lana para sa pagtatanggol kay Jonathan noong pinaparatangan ito ng ina ng isa sa mga football player dahil nakansela ang football season. Samantala, balisa si Sarah sa biglaang pag-alis ni Jordan sa araw ng halalan. Nagtataka sina Natalie at Sarah kung may napapansin nga ba silang spark sa pagitan nina John Henry at Lana.

Hahabulin ni Superman si Ally Allston papasok ng portal, pero pagkarating sa kabilang mundo, matutuklasan niyang... kakaiba ang lahat ng bagay sa parallel earth.  Sa pag-navigate niya sa mga mapanlinlang na pamilyar na mukha at lugar, pambihira ang mga karanasan ni Superman sa laban para pigilan si Ally sa pag-merge.

Babalik tayo sa aksyon noong nginitian ni Jon-El si Lois, na nakatayo pa rin sa beranda kasami ni Jordan. Mamamataan ni Jon-El ang doppelganger niyang si Jonathan, na nakatayo sa malapit. Susugurin niya ito at susubukang mamagitan ni Jordan pero tila mas malakas at mas mabilis sa kanya si Jon-El. Si DAVID RAMSEY ng Arrow ang direktor.

Babalik tayo sa aksyon noong lumulutang si Clark sa harapan ni Lana. Samantala, nagdududa sina Jordan at Jonathan na buong katotohanan ang sinasabi nina Lois at Clark. Sinusubukan ni Natalie ang lahat para pansinin ni Sarah si Jordan.

Nagtatalo sina Clark at Lois sa paraan para malaman kung pumunta ba si Ally Allston sa Inverse World. Samantala, may hindi inaasahang matutuklasan si John Henry at magtatangka si Lois na matunton si Lucy.

Nasa tabi ng nakaratay na Superman ang nag-aalalang si Lois. Samantala, nag-aalala pa rin sina Jonathan at Jordan sa ama nilang higit nang parang tao ngayon. Magtutulungan sina John Henry at Natalie para malutas ang pinakamainam na paraan para labanan ang powers ni Ally Allston.

May mensahe si Chrissy Beppo (Sofia Hasmik), sa awtorisasyon ng Department of Defense, sa mga mamamayan ng Smallville, hindi lang totoo ang pag-merge ng mga planeta, kundi nangyayari na ito.