The Big Bang Theory

Sa premiere ng pangatlong season, umuwi sa Texas si Sheldon (series star na si JIM PARSONS) dahil sa kahihiyan nang malamang dinaya ng mga kaibigan ang data ng kanyang arctic expedition -- napilitan ang mga kaibigan niyang sundan siya, at nag-aalala si Leonard (series star na JOHNNY GALECKI) na hindi matuloy ang inaasam niyang mangyari sa kanila ni Penny (series star na si KALEY CUOCO).

Hindi naging kumportable sa isa't isa sina Leonard at Penny pagkatapos ng nakakailang na unang hookup, samantalang itinaya naman nina Sheldon at Howard (series star na si SIMON HELBERG) ang mga pinakapaborito nilang comic book sa isang pustahan sa pagtukoy sa species ng isang cricket. Guest star dito si LEWIS BLACK bilang entomologist na magdedesisyon sa pustahang ito na malaki ang nakataya.

Pumunta sina Howard at Raj (series star na si KUNAL NAYYAR) sa isang Goth nightclub para makakilala ng mga babae, habang sinusubukan naman ni Sheldon na gawing mas mabuting Penny si Penny sa pamamagitan ng pagbabago ng ugali nito gamit ang chocolate.

Kailangang makahanap ni Raj ng bagong trabaho dahil kung hindi ay pababalikin siya sa India. May solusyon naman dito si Sheldon -- kung saan naiwan para maging third wheel si Howard kina Leonard at Penny.

Habang nakikipagtaasan ng score si Sheldon sa kaaway niyang si WIL WHEATON (guest star bilang sarili niya) ng Star Trek: The Next Generation, nakiusap si Wolowitz kay Leonard na kumbinsihin si Penny na ipakilala siya sa isa sa mga kaibigan nito.

Ipinapaliwanag ni Sheldon kay Leonard ang paglalaro ng football, habang muntik namang masira ang pagkakaibigan nina Howard at Raj dahil sa isang insidente sa kite fighting.

Tumayong tagapamagitan si Sheldon nang "nakakaperhuwisyo" na sa kanya ang pag-aaway nina Leonard at Penny.

Habang nasa camping sa disyerto sina Leonard, Howard at Raj, si Sheldon lang ang maaasahan ng napilayang si Penny.

Nang mapahiya sa National Public Radio, sumumpa si Sheldon na sisirain niya si Kripke (guest star na si JOHN ROSS BOWIE), at tinulungan siya ng mga kaibigan na magawa ang paghihiganti. Sinisikap naman ni Wolowitz na hindi pumalpak sa bagong relasyon kay Bernadette (guest star na si MELISSA RAUCH). May cameo si KATEE SACKHOFF (Battlestar Galactica) bilang pinangarap na babae ni Wolowitz.

Tinanggap ni Sheldon ang pinakamahirap na hamon sa kanya nang sinubukan niyang tulungan si Penny na maunawaan ang trabaho ni Leonard, at nagselos si Wolowitz nang magsimulang magkasundo si Leonard at ang bago niyang girlfriend.

Ikinagalak ni Sheldon ang pagbisita ng ina ni Leonard (guest star na si CHRISTINE BARANSKI) na hindi naman ikinatuwa ni Leonard.

Habang nasa university mixer sina Sheldon at Koothrappali, nainis naman si Leonard nang malamang naniniwala sa manghuhula si Penny. Guest star dito si DANICA McKELLAR (The Wonder Years) bilang interes ni Raj.

Nang manakawan ang apartment nila, nagpatulong sina Leonard at Sheldon sa mga kaibigan nila sa paglalagay ng makabagong security system -- at nahirapan sa mga ito si Sheldon.

Dahil sa naranasang "physicist's block" ni Sheldon habang naghahanap ng sagot sa isang problema sa physics, nagtrabaho na muna siya sa Cheesecake Factory kasama si Penny.

Sa Araw ng Mga Puso, isang guest lang ang puwedeng isama ni Leonard sa isang trip para makita ang Large Hadron Collider ng CERN (ang pinakamalaki at pinakamataas na energy particle accelerator sa buong mundo) sa Switzerland. Si Sheldon kaya o si Penny ang isasama niya?

Napalampas ni Sheldon ang pagkakataong makikilala ang alamat sa comic book na si STAN LEE (bilang sarili niya) nang hindi siya makaalis sa traffic pagkatapos siyang matiketan dahil kay Penny.

Nang makuha ng magkakaibigan sa garage sale ang bihirang prop na singsing sa pelikula mula sa The Lord of the Rings, muntik na nitong masira ang pagkakaibigan nila -- na nagtulak sa kanila na pumili sa pagitan ng singsing o pagkakaibigan nila.

Tinulungan si Sheldon ng mga kaibigan niya nang makasagabal sa pagtanggap niya ng inaasam na parangal ang takot niya sa pagsasalita sa harap ng publiko.

Muntik nang maghiwalay sina Leonard at Penny dahil sa isang pag-aaway, habang kinalaban naman ni Sheldon si WIL WHEATON (guest star bilang Sarili niya) sa bowling.

Nang hindi nag-uusap sina Leonard at Penny, ginawa ni Sheldon ang lahat para mapasaya sila pareho hanggang sa magkabuhol-buhol ang kasinungalingan niya.

Nag-aagawan sina Leonard at Sheldon sa atensyon ng isang sikat na babaeng physicist -- si Dr. Elizabeth Plimpton (guest star na si JUDY GREER).

Ikinukuwento ni Leonard kay Penny kung paano niya nakilala si Sheldon sa unang pagkakataon...at kung ano ang nangyari sa elevator.

Sa finale ng pangatlong season, naghahanap online sina Wolowitz at Koothrappali ng perpektong match para kay Sheldon -- at nakita nila ang ideal na babae para kay Sheldon (guest star na si MAYIM BIALIK). Samantala, nag-aalala si Penny na nag-iba na ang tingin sa kanya ng mga normal na lalaki dahil sa pakikipag-date niya kay Leonard.