House

Humingi ng tulong pangsaykayatriko si House sa pagsisimula ng season ng "HOUSE." Panauhing artista sina Andre Braugher, Franka Potente at Lin-Manuel Miranda. Unang bahagi sa dalawa.

Naghahanap si House ng psychiatric na tulong sa umpisa ng bagong season ng “HOUSE”. Mga panauhing artista sina Andre Braugher, Franka Potente at Lin-Manuel Miranda. Ika-2 bahagi ng 2.

Sinusuri ng isang may sakit na pasyente ang kaniyang sarili sa pamamagitan ng pag-post ng kaniyang sintomas online.

Isang may sakit na diktador ng Africa (James Earl Jones) na may kaso ng mga krimen laban sa sangkatauhan ang dumating sa ospital upang magpagamot. Samantala, nais nang wakasan ni Wilson (Robert Sean Leonard) ang kaniyang away sa isang kapitbahay, ngunit nahadlangan ito dahil sa pakikialam ni House (Hugh Laurie).

Isang kabataan (Tanner Maguire) ang may hindi maipaliwanag na sakit ng tiyan, at ang kaniyang mayamang ama (Lee Tergesen) ay naniniwalang ito ay karma sa kaniyang tagumpay sa negosyo. Samantala, naghahanda sina Foreman (Omar Epps) at Chase (Jesse Spencer) para magbahagi ng impormasyon tungkol sa isang pasyenteng kanilang ginagamot.

Ang hirap sa buhay na pulis ay walang anumang sintomas ng sakit sa puso ngunit ito ang kumitil sa buhay ng kaniyang ama, lolo at lolo sa tuhod --- lahat sa edad na apatnapu. Samantala, minumulto parin si Chase (Jesse Spencer) ng kaso ng diktador ng Africa; at hinaharap din ni House (Hugh Laurie) ang mga sarili niyang problema.

Isang kabataan ang dinala sa ospital na may namamagang appendages na ayaw--hindi kaya--masabi ang totoo. Samantala, sumama si House (Hugh Laurie) kina Cuddy (Lisa Edelstein) at Wilson (Robert Sean Leonard) nang dumalo sila sa isang pagpupulong tungkol sa pharmacology at pampublikong polisiya.

Bumalik si House (Hugh Laurie) sa posisyon matapos maibalik ang kaniyang lisensya at bumuo ng "dream team." Ginamot din niya ang isang porn star (Troy Garity) na may sakit sa mata. Samantala, nalaman ni Cuddy (Lisa Edelstein) na ang ospital ay hindi lugar para sa maayos na relasyon.

Sinira ng Isang matalino ngunit malungkot at lulong sa gamot na physicist ang kaniyang karera dahil iniisip niyang may pasanin at at maraming sintomas na kaakibat ang katalinuhan. Samantala, nahihirapan ang may mga relasyon sa Princeton-Plainsboro.

Ang dating kaibigan at pasyente ni Wilson ay nakararanas ng pagkaparalisa ng kaniyang kaliwang braso. Kinuha niya mismo ang kasong ito. Tingin ni House, may kanser ang kaniyang kaibigan gaya ng dati, subalit positibo pa rin si Wilson hanggang sa mangyari ang pinakamalala. Ngayon, siya ay napipilitang gumawa ng mga radikal na desisyon. Si Cuddy ay naghahanap pa rin ng mabibiling bagong bahay.

Ginamot ni House at ng kaniyang grupo ang isang hindi kinikilalang bayani. Panauhing artista sina Ethan Embry ("Brotherhood") at Nick Chinlund ("Desperate Housewives").

Nabighani ang mga kalalakihan sa grupo ni House (Hugh Laurie) sa babae (Beau Garrett) na may hindi maipaliwanag na matinding sakit, pero mas interesado si Thirteen (Olivia Wilde) sa kaniyang sakit. Samantala, sinusubukang makipag-ayos ni House sa dating kasamahang nagawan niya ng pagkakamali.

Isang maysakit na kolehiyong manlalaro ng football ang may iba-ibang sintomas na maaaring pumigil sa kaniya para makalahok sa tryout ng NFL. Samantala, bumisita sa ospital ang kapatid (Orlando Jones) ni Foreman (Omar Epps).

Isang araw sa ospital, tulad ng nakikita ni Cuddy (Lisa Edelstein), na dapat humarap sa mga isyu at hindi pagkakasundo ng mga tauhan sa ospital habang isinasabay ang mga personal niyang suliranin.

Ang blogger (Laura Prepon) na nasa ospital at may hindi maipaliwanag na pasa at pagdurugo ay nagsusulat tungkol sa kaniyang mga sintomas at posibleng sakit --- at sa kaniyang mga doktor. Humihingi rin siya ng payo sa mga mambabasa tungkol sa kaniyang paggamot. Nakakagulo ito, lalo pagkatapos na malaman nina House (Hugh Laurie) at Wilson (Robert Sean Leonard) ang mga sikreto ng isa’t isa online.

Sinusubukang gamutin ni House at ng kaniyang grupo ang isang high school senior na nawawalan ng malay at nagkakaroon ng mga halusinasyon, at napilitan silang gumamit ng kontrobersyal na pamamaraan. Samantala, sinusubukan ni Wilson na ipaayos ang kaniyang bagong condo, at dinala naman ni Taub ang kaniyang personal na buhay sa trabaho.

Nang i-lockdown ang ospital matapos mawala ang isang bagong silang na sanggol mula sa nursery, kailangang manatili ni House (Hugh Laurie) at ng kaniyang grupo sa kinalalagyan nila. Dahil dito ay nagkaroon sila ng oras para pag-isipan ang kanilang nakaraan, mga relasyon at mga pagsisisi.

Isang “kabalyero” na nakatira sa liblib na komunidad na hango sa Renaissance ang misteryosong nagkasakit, at habang inaalam ng grupo kung bakit, nagtatalo sila ni Thirteen (Olivia Wilde) tungkol sa pagiging magalang (lalo na sa kaniyang “reyna”). Samantala, nagsisimulang muli si Wilson (Robert Sean Leonard) at ang kaniyang dating kasintahan (Cynthia Watros).

Isang babae (Sarah Wayne Callies) na nasa open relationship ang nagkasakit habang nakikipag-date sa isa pa niyang kasintahan, at napagtanto ni House (Hugh Laurie) at ng kaniyang grupong kasing gulo ng kaniyang pamumuhay ang kaniyang karamdaman. Samantala, sinubok ni House ang relasyon ni Wilson (Robert Seaon Leonard) kay Sam (Cynthia Watros).

Nagtatanong ang isang babae (Eva Amurri) sa kaniyang kasintahan tungkol sa isang nakaraang relasyon habang sinusubukan siyang suriin ni House (Hugh Laurie) at ng kaniyang grupo. Malayo sa ospital, nagbibigay-pugay sina House, Foreman (Omar Epps) at Chase (Jesse Spencer) sa Gladys Knight and the Pips sa pamamagitan ng pag-awit.

May sesyon si House (Hugh Laurie) kay Dr. Nolan (Andre Braugher) at tinalakay nila ang kaso ng isang babae (Zoe McLellan) na pumunta sa ospital dahil sa hindi malamang karamdaman at hindi maalala kung sino siya.

Sumama si Cuddy, House at mga miyembro ng grupo sa search and rescue team para magbigay ng kinakailangang atensyong medikal sa lugar ng sakuna sa huling yugto.