Fringe

Iniimbestigahan ng FBI Special Agent na si Olivia Dunham (ANNA TORV) ang isang fatal na international flight, kung saan ni-recruit niya si Dr. Walter Bishop (JOHN NOBLE) at ang anak nito (JOSHUA JACKSON) para tumulong.

Nagtulungan ang hindi mo aakalaing maging trio para imbestigahan ang kaugnayan ng labis na pinabilis na pagbubuntis at ng "matandang" newborn.

Pagkatapos ng nakagigimbal na insidente sa bus, nakilala nina Olivia, Peter, at Bishop ang lalaking nagkakaroon ng mga pangitain ng mga kaguluhang may sinusunod na Pattern bago mangyari ang mga ito.

Makaraan ang isang napakatinding pagsabog sa New York, iniimbestigahan ng hindi natin inaakalang threesome ang kakaibang cylinder na natagpuan sa pinangyarihan na hindi man lang nagasgasan mula sa pagsabog sa paligid nito.

Nang matuklasan ang isang simpleng lalaking may kakayahang gumamit ng kuryente, may mga delikado at nakamamatay nang insidente na nangyayari - at iniimbestigahan ng ating hindi akalaing trio ang super-charged na kakatwang pangyayaring ito.

Isang babaeng may hindi pangkaraniwang sakit ang nakakapagtakang nagdudulot ng matinding pananakit at pagkasawi sa mga nakakasalamuha niya, at natukoy na dahilan ng mga insidenteng ito ang mga trial ng ilegal na gamot... o mas malala pa.

Nang kumapit ang isang kakaibang parasite sa mga internal organ ng isang naghihingalo nang agent, nagmamadaling pumunta si Agent Dunham sa Germany para makipagkita sa isang bilanggo na nagbunyag ng mga detalye tungkol sa mas malaking banta.

Sa pagkakadukot ng isang serial kidnapper sa batang music prodigy, natuklasang may sunod-sunod na kumikislap na liwanag na nakita sa pagdukot -- na iniuugnay ni Walter sa kanyang bunkmate sa St. Claire's Hospital. Sa labis na pagkadismaya ni Peter, hinikayat ni Olivia ang muling pagbisita kay Walter -- at humantong sa mga nakakagimbal na pangyayari ang determinasyon ni Walter na tumulong.

Habang iniimbestigahan ang isang misteryosong insidente sa Massive Dynamic, sinisikap ni Olivia na maalis na ang alaala niya kay Agent Scott at hinahabol naman si Peter ng nakaraan niya.

Habang iniimbestigahan ang sunod-sunod na hindi pangkaraniwang pagnanakaw sa bangko na sumasalungat sa mga law of physics, napagtanto ni Walter na may hinahabol sa kanya ang mga high-tech na magnanakaw.

Makaraang planuhin ng balimbing na FBI Agent na si Loeb ang kakaibang pagtakas ni Mr. Jones mula sa isang kulungan sa Germany at ang nakakaalarmang pagdukot kay Olivia, nagsimulang lumitaw ang mga senyales ng mas malaking banta.

Nakatuklas ang computer scientist na naging serial killer ng kakaibang paraan ng pagpatay ng mga tao - sa pamamagitan ng pagtunaw ng mga utak nila.

Sa pagbubusisi ng Fringe Division sa isa pang kakaibang pangyayari sa international jumbo jet, natuklasan ang mga kakatwang labi sa lugar na pinagbagsakan. Itinuturo ng mga alaala ang team sa ilang potensyal na lead, pero hindi nila matukoy ang mas malaking dahilan at misteryosong banta. Dahil sa mga limitadong opsyon at kulang na intelligence, napilitan sina Olivia at Peter na mag-undercover.

Kinuwestyon ng mga German agent si Olivia nang bumalik si Mr. Jones at may inilabas na nakamamatay na toxin na nagsasanhi ng pagkamatay ng mga biktima nang walang mukha - dahil biglaan at misteryosong nagsara ang mga butas sa katawan nila.

Iniimbestigahan ng Fringe Division ng FBI ang isang misteryoso at piping batang lalaki na may hindi naipahayag na koneksyon kay Agent Olivia Dunham. Samantala, isang nakakakilabot na serial killer ang muling lumitaw.

Nagpakawala ang mga animal activist ng scientifically engineered na hayop na may mabagsik na kagustuhang atakehin si Charlie. Dapat ngayong harapin ni Walter ang kanyang nakaraan at ang nasabing nilalang.

Nagkaroon ng kaabang-abang na twist sa Pattern nang tuloy-tuloy na nananaginip si Agent Dunham ng mga marahas na pangyayari - na aktwal na nangyayari nang sabay-sabay sa totoong buhay.

Nang magsimula nang magpatong-patong ang mga lubhang pinutol-putol na katawan na inalisan ng spinal fluid, inimbestigahan ng Fringe Division ang isang scientist na may posibleng kaugnayan sa selda ng teroristang Z.F.T..

Habang iniimbestigahan ang nakakabahalang kaso ng isang babae na waring biglang nasunog, nakaranas si Olivia ng mga sunod-sunod na pananaginip nang gising, at nakakakita siya ng mga detalyadong pangitain ng mga bagay na wala talaga roon.

Sa finale ng season, nilusob ang Fringe Division, nagbalik si Mr. Jones, nawala si Walter at ipinakilala na sa wakas ang mailap na si William Bell (LEONARD NIMOY) ng Massive Dynamics.