Stargate Atlantis

Ang bagong Stargate team, na pinamumunuan ni Dr. Elizabeth Weir (Torri Higginson) ay tutungo sa malayong galaxy, kung saan makikita nila ang malaalamat na siyudad, at isang nilalang na kumakain ng takot ng tao! Part 1 of 2.

Ang bagong Stargate team, na pinamumunuan ni Dr. Elizabeth Weir (Torri Higginson) ay tutungo sa malayong galaxy, kung saan makikita nila ang malaalamat na siyudad, at isang nilalang na kumakain ng takot ng tao! Part 2 of 2.

Boluntaryong pumayag si McKay (David Hewlett) na unang sumubok sa bagong ATA gene therapy ni Beckett (Paul McGillion). Ngunit nanganganib ang buhay ni McKay nang di matanggal ang aparato, dahil pinipigilan siya nito na makakain o makainom.

Kailangang magmadali ang Stargate team para iligtas si John Sheppard (Joe Flanigan) nang maipit siya sa Stargate, may 38 minuto na lang bago mag-disengage ang gate at maitapon si Sheppard sa kalawakan, kung saan tiyak siyang mawawalan ng hininga.

Matapos ang sunod-sunod na atake ng mga Wraith, iniisip ni Dr. Elizabeth Weir kung may espiya sa kanila, at nakaturo lahat ng tanda kay Teyla. Nadismaya ang mga Athosian dahil sa pagsususpetsa sa kanila ng team, kaya lumipat sila sa bagong lupain.

Bumisita ang team nina Sheppard (Joe Flanigan), Dr. Weir (Torri Higginson), sa bagong planeta, ang M7G-677, kung saan walang lumalampas sa edad na 24 dahil sa ritwal na pinaniniwalaan ng mga mamamayan na pumipigil sa Wraith.

Habang nasa planetang Hoff, tinulungan ni Dr. Beckett ang mga Hoffan na gumagawa ng bakuna laban sa mga Wraith. Sa kabila ng mga babala na huwag ipagpatuloy dahil sa pagbabanta ng karahasan at pagkamatay, pinili pa rin ng mga Hoffan na ituloy ito.

Bumisita ang team sa Genii, isang mapayapang komunidad ng mga magsasaka, upang makipagkalakalan para sa kinakailangan na pagkain. Pero bumaliktad ang lahat nang matuklasan nilang nagpaplano ang Genii ng pag-atake sa Wraith.

Pagdating sa planetang M5S-224, nadiskubre ni Sheppard at ng team ang isang gate na kayang magbalik sa kanila sa Earth. Nais nilang gamitin ang bagong hyperdrive, ngunit nang biglang sumabog ang mga engine, kailangan nila harapin ito.

Natuklasan nina Sheppard at Teyla na may malakas na bagyo patungong lungsod. Kinailangang lumikas ng team, at nag-alok ang Manarian ng masisilungan. Habang sinusubukan nilang paandarin ang panangga ng lungsod, sinalakay sila ng mga Genii.

Nakipaglaro sa panganib si Sheppard habang sinusubukan niyang mabawi ang kontrol sa Atlantis mula sa mga Genii, na binihag ang lungsod, pati na rin sina Weir (Torri Higginson) at McKay (David Hewlett).

Umalis sina Sheppard at McKay kasama ang dalawang scientist para magsaliksik, nang matagpuan nila ang isang distress beacon mula sa Wraith ship. Nang siyasatin, natuklasan nila na 10,000 taon nang nagpapadala ng SOS signal ang ship.

Habang nagsisiyasat ang grupo ng mga scientist sa lungsod pagkatapos ng bagyo, napakawalan ang virus na nagdudulot ng malalang guni-guni't kamatayan. Nahawaan nito si McKay, Zelenka, at Ford kaya naiwan si Sheppard para pigilan ang pagkalat nito.

Habang naghahanap ng bagong planeta, natuklasan ni Sheppard (Joe Flanigan) at ng team ang paraiso ng Proculus, na perpektong kanlungan mula sa mga Wraith. Pero naniniwala ang tagaroon na hindi sila papayagan ng kanilang diyosa.

Habang sinisiyasat sa lungsod, natagpuan ni Sheppard (Joe Flanigan) at ng team ang isang babaeng nasa suspended animation. Inakala nilang isa siyang Ancient, ngunit nang gisingin nila ito, natuklasan nilang si Dr. Weir (Torri Higginson) pala ito.

Hinahanap ng team ang mahalagang Zero Point Module na sinasabing nakatago sa planetang Dagan, kung saan pinagkatiwala ito sa Sudarians 10,000 taon nang nakalipas. Sa paghahanap, nagduda ang team sa mga kaalyado nila at motibo nito.

Nakakita ng paraan si McKay para makapagpadala ang team ng mensahe sa kanilang mga minamahal sa Earth habang paparating ang mga Wraith sa lungsod. Umalis si Sheppard at Teyla sa Atlantis para makakuha ng impormasyon sa Wraith army.

Dahil sa mga bangungot, nagsimulang maalala ni Teyla (Rachel Luttrell) ang panahon na nahuli sila ng tatay niya ng mga Wraith at ginamit sa experimento. Sa tulong ng matandang babaeng Athosian, sinuri ni Teyla ang kaniyang nakaraan.

Sa paglapit ng mga Wraith ship sa Atlantis, naghanap ang team ng lugar na tatakasan at paraan para sirain ang lungsod. Pinamunuan ni McKay (David Hewlett) ang team na susubukan i-activate ang sandata ng mga Ancient para wasakin ang mga Wraith.

Habang nadidismaya ang team na malagpasan ang mga Wraith, ipinadala si Col. Everett mula sa Stargate Program ng Earth. Habang nagpaplano si Everett, dumating ang Daedalus na may kasamang Zero Point Module, dala ang kanilang pag-asa.