The Big Bang Theory

Sa premiere ng pang-anim na season, nalaman ni Howard na hindi niya matatakasan ang ina niya -- kahit pa sa space! Samantala dito sa mundo, sineryoso naman ni Raj ang pagiging third wheel niya

Nang malaman ni Sheldon na iniisip ni Penny na makipaghiwalay kay Leonard, sinubukan niyang makialam. Pero hindi magaling sa pagtatago ng mga sikretro si Sheldon. Samantala, pinagkakatuwaan si Howard sa space ng iba pang astronaut (mga guest star sina PASHA LYCHNIKOFF at MIKE MASSIMINO).

Habang nananamlay na si Howard dulot ng pressure ng pagpunta sa space, nagseselos naman si Amy sa kinuha ni Sheldon na batang assistant na babae na si Alex (guest star na si MARGO HARSHMAN).

Nang umuwi si Howard galing sa space, wala ang hero's welcome na inaasahan niya. Samantala, naging battle of the sexes naman ang Game Night.

Ipinagdiwang ng tropa ang Halloween sa comic book store ni Stuart. Samantala, may natuklasan namang bagong spark sa relasyon nila sina Leonard at Penny nang gamitin ni Leonard ang science para pakiligin si Penny. At habang walang tigil si Howard sa kanyang kuwento sa space, binara siya ng iconic astronaut na si BUZZ ALDRIN (guest star bilang sarili niya).

Nanganganib ang hindi na nga magandang ugnayan ni Sheldon kay STEPHEN HAWKING dahil sa larong "Words with Friends," samantalang palihim namang nag-enroll si Penny sa lokal na kolehiyo.

Dahil sa pamimilit ni Bernadette, napagdesisyunan na ni Howard na bumukod at umalis sila sa bahay ng ina niya. Samantala, naipit naman si Sheldon sa pag-aaway ng "girlfriend" niyang si Amy at kaibigang si WIL WHEATON, kaya humingi siya ng payo kay Penny. Guest star dito si LeVAR BURTON ng Star Trek.

Sinubukang alamin nina Howard at Raj ang dahilan kung bakit nawawala si Sheldon tuwing hapon nang 2:45. Samantala, nagiging problema naman nina Leonard at Penny ang selos sa kanilang relasyon.

Nang ibinigay ng Unibersidad ang (hindi ginagamit) na paradahan ni Sheldon kay Howard, naapektuhan ang barkada ng sumunod dito na pag-aaway sa teritoryo.

Inalagaan ni Sheldon ang may sakit na si Amy, habang sinikap naman ni Howard na makasundo ang kanyang biyenan na lalaki (guest star na si CASEY SANDER) sa nalalapit na pangingisda.

Napilitan si Sheldon na balikan ang ilang alaala niya ng Pasko sa masayang laro nila ng Dungeons and Dragons, samantala, sinikap naman nina Penny, Bernadette at Amy na hanapan si Raj ng babaeng para sa kanya nang sumama ito sa kanila sa ladies night.

Naakusahan si Sheldon ng sexual harassment sa Unibersidad at nadamay din dito sina Leonard, Raj at Howard. Guest star dito si REGINA KING ng Southland bilang Director of Employee Relations ng Unibersidad.

Nang pumunta ang magkakaibigan sa isang comic book convention sa Bakersfield nang nakadamit bilang mga karakter mula sa Star Trek: The Next Generation, nanakaw ang kotse ni Leonard. Samantala, nagpaiwan lang sa bahay ang mga babae at sinubukan nilang pag-usapan ang tungkol sa komiks.

Sa pagkainis dahil napilitan siyang makipagtrabaho sa kaaway niya sa unibersidad na si Barry Kripke (guest star na si JOHN ROSS BOWIE), nakapagsinungaling si Sheldon. Samantala, gumastos ng malaking halaga sina Howard at Raj sa mga action figure nila.

Dahil sa pag-aaway nina Leonard at Sheldon, napilitan nang lumipat si Leonard sa bahay ni Penny -- kung saan hindi niya naisip ang magiging epekto nito sa pamumuhay nina Penny at Amy. Samantala, inalagaan naman ni Raj si Mrs. Wolowitz habang wala si Howard.

Habang iniisipan ng mga lalaki ang mga kapareha nila ng perpektong Valentine's Day, nag-ayos naman sina Raj at Stuart ng party para sa malulungkot na tao sa comic book store.

Matapos ang isang teribleng date, sumumpa si Raj na hindi na siya kailanman lalabas ulit sa apartment niya. Samantala, napahanga naman ni Penny si Sheldon sa kanyang husay sa pag-arte.

Balik-eskuwela na! Sinubukan nina Leonard, Sheldon at Howard na i-promote ang science sa mga kababaihan sa pamamagitan ng pakikipag-usap sa mga babae sa junior high tungkol sa magiging trabaho nila sa hinaharap, habang nagpaplano naman si Raj ng date nila ni Lucy (guest star na si KATE MICUCCI).

Nang makita ni Howard ang isang sulat mula sa kanyang ama, napilitan siyang harapin ang nakaraan, kung saan nahirapan siyang magdesisyon kung dapat ba niya iyong basahin o hindi. Nag-ayos naman sina Leonard at Penny ng "grown-up" cocktail party sa apartment.

Simulan na ang laban! Nag-agawan sina Leonard, Sheldon at Raj para sa tenure sa Unibersidad -- at lalong uminit ang kumpetisyon nang makisali rito ang mga babae!

Nalungkot si Sheldon nang nakansela kaagad ang isa sa mga paborito niyang palabas sa TV, kaya sinubukan siyang tulungan ni Amy na masolusyunan ang hindi niya mabalewalang closure. Samantala, may nalamang sikreto si Raj tungkol sa bago niyang nagugustuhan na si Lucy.

Kinuha nina Sheldon at Leonard si Professor Proton (guest star na si BOB NEWHART), ang host ng paborito nilang palabas sa TV noong bata sila, para mag-perform. Nagkaproblema naman sina Howard at Bernadette sa pagbabantay sa aso ni Raj.

Nang magkaaberya ang biyahe ng mga babae papunta sa Vegas, inaya na lang sila ng mga lalaki na makipaglaro ng Dungeons & Dragons -- kung saan may nangyaring hindi inaasahan sa relasyon nina Sheldon at Amy. Samantala, labis namang nagkailangan sina Raj at Lucy sa date nila.

Nang may inialok kay Leonard na kapana-panabik na bagong oportunidad sa trabaho sa ibang bansa, labis na nainggit si Sheldon at ikinagulat naman ito ni Penny. Samantala, masyado namang namamadali ni Raj si Lucy sa relasyon nila sa finale ng pang-anim na season.