జేమ్స్ తన బృహత్తర ప్రయాణాన్నిజపాన్‌లోని మంచు నిండిన ఉత్తర ద్వీపం హుకైదో నుంచి ప్రారంభిస్తాడు, శారీరక దారుఢ్యం అవసరమైన కుక్కల స్లెడ్జింగ్, మంచుబంతులపై పోరాటంతో పాటు జపనీస్ వెండింగ్ యంత్రం నుండి నూడుల్స్ ఆర్డర్ చేసేందుకు ఇబ్బందులు ఎదుర్కుంటారు. అయినప్పటికీ, ఆక్టోపస్‌లను పట్టడం, మరియు సమురాయ్ కత్తుల తయారీ కళను నేర్చుకోవడానికి ఇంకా సమయం మిగులుతుంది.

టొహోకుకు చెందిన అందమైన ప్రాంతం, ప్రధాన ద్వీపం అయిన హోన్షుకు జేమ్స్ చేరుకుంటాడు. కొండలు అన్వేషించడంలో స్ఫూర్తిని పొందుతాడు, స్నేహపూర్వకమైన సంచార సన్యాసితో కలిసి నగ్నంగా స్నానం చేస్తాడు, భారీ రోబోట్లతో పోరాడుతాడు, సమురాయ్‌గా మారుతాడు, స్థానిక జె-పాప్ సంచలనాలను ఆస్వాదిస్తాడు. తరువాత ప్రపంచపు అత్యంత విలాసవంతమైన రైలులో తాను, హోస్టులు నవ్వులపాలయ్యేలా చేస్తాడు.

చెర్రీ పూలు వికసిస్తాయి, జేమ్స్ కొత్త గైడ్ యుజిరోతో టోక్యో వీధులలో సంచరిస్తాడు. జపాన్ యొక్క వింత పోకడలు, ఆలోచనలకు నెలవైన ప్రత్యేక పట్టణాన్నిఅన్వేషిస్తాడు. తపించే ట్రెయిన్‌స్పాటర్‌లు, సంగీతకారులు, తికమకపెట్టే హై-టెక్ గాడ్జెట్‌ల నుంచి పిల్లులకు వీరాభిమానులు, పురుషాంగ వేడుకలు, మతి పోగొట్టే కంప్యూటరైజ్డ్ కళా ప్రదర్శనలను సందర్శించిన జేమ్స్, జపాన్‌ ప్రత్యేకతను అర్ధం చేసుకునేందుకు ప్రయత్నిస్తాడు.

జపాన్‌లో ఉత్తరం నుండి దక్షిణానికి చేస్తున్న చారిత్రాత్మక ప్రయాణంలో, జేమ్స్ సందడిగా ఉండే టోక్యోను వదిలి, పురాతన రాజధానికి క్యోటోకు వెళ్తాడు. దారిలో మోటర్‌బైకులు, జపాన్ కార్లతో తన తపనలో, ఫ్యూజి కొండను గీసి సంస్కృతిలో, మునకలు వేస్తాడు, సుజుకా ఎఫ్1 సర్క్యూట్‌లో తిరుగుతాడు, ఒక గేషా నుండి సంగీత పాఠం నేర్చుకుంటాడు. ఒక అయోమయ రోబో జేమ్స్‌కు క్యోటో చూపించగా, భవిష్యత్తును రుచి చూస్తాడు.

ఉత్సాహపూరిత సమయం గడిపే పట్టణం ఒసాకాకు జేమ్స్ చేరుకుంటారు, ఇక్కడ జూదశాలలు, నోరూరించే రోడ్డు పక్కన ఆహారం, స్టాండప్ కామెడీలు అందుబాటులో ఉంటాయి. నమ్మకస్తుడయిన గైడ్ యుజిరో, జేమ్స్‌కు సుమో కుస్తీలను పరిచయం చేసేందుకు తీసుకువెళతారు. తరువాత స్థానిక హీరో పీచ్ బోయ్ రహస్యాలను అన్వేషించడానికి జేమ్స్ బుల్లెట్ ట్రైన్‌లో తప్పించుకుని వెళ్తాడు. తరువాత హిరోషిమా మరియు అందమైన ఇట్సుకుషిమా మందిరానికి వెళ్తారు.

జేమ్స్ ఉత్తరం నుండి దక్షిణ ప్రయాణంలో ఆఖరుగా షికోకు మరియు క్యుషు‌లకు చేరుతాడు. అవి జపాన్‌ యొక్క అతి పెద్ద దక్షిణ ద్వీపాలు మరియు నీలి నీరు, అర్థ-ఉష్ణ ఇసుక తీరాలుగల అద్భుతమైన స్వర్గతుల్యపు ప్రాంతాలు. సైకిల్ తొక్కడం, విలువిద్య, నూడుల్స్ చేయడం, మోటార్‌బైక్ తయారీ అన్నీ ఎదురు చూస్తున్నాయి, పైగా, ఒక భయానక దిష్టిబొమ్మల గ్రామంలో జేమ్స్ శాశ్వతంగా సంరక్షించబడ్డాడు.