இன்ஸ்பெக்டர் ரிஷி

ஒரு வனவிலங்கு புகைப்படக்காரரின் மர்மக் கொலையை செய்தது ஒரு கொடிய காட்டு தேவதையான வனரட்சி தான் என்று நம்பப்படும்போது, அந்த கேஸை விசாரிக்க குற்றப்பிரிவு இன்ஸ்பெக்டர் ரிஷியும், சப்-இன்ஸ்பெக்டர்கள் அய்யனார் மற்றும் சித்ராவும் தேன்காடுக்கு வருகின்றனர்.

விசாரணையின் போது தெளிவான ஆதாரங்கள் கிடைக்காத சூழ்நிலையும், கொலை சம்பவத்தைச் சுற்றி நடக்கும் அமானுஷ்யமான நிகழ்வுகளும் அனைவரையும் குழப்புகிறது. ரிஷியின் கடந்தகாலத்திலிருந்து தோன்றும் ஒரு பேய் உருவம் அவன் அமைதியை குலைக்கிறது. இதற்கிடையில் வனரட்சி இன்னொரு உயிரை பலியெடுக்கிறாள்.

கடத்தப்பட்டிருக்கும் ஒருவரை காட்டிற்குள் தேடும் போது, போலீஸ் மோப்ப நாய்கள் திடீரென பயந்து, பயங்கரமாகக் குரைக்கின்றன. ரிஷியின் குழு ஒரு பூச்சியியல் நிபுணரிடம் வலைப்பின்னி பூச்சிகளைப் பற்றி விசாரிக்கின்றனர். இதற்கிடையில், வனரட்சி பொம்மை ஒன்று, ஒரு சிறு பெண்ணின் கைக்கு மர்மமான முறையில் கிடைக்கிறது.

ரிஷிக்கும் அய்யனாருக்கும் இடையில் கருத்து மோதல்கள் ஏற்படுகின்றன. வனரட்சியை நேரில் பார்த்ததாக பலபேர் சொல்ல, உள்ளூர் மக்களிடையே பயம் பரவுகிறது. விசாரணையின் போது ரிஷியின் குழுவிற்கு உதவ, பீட் ஆஃபீஸர் கேத்தியை சத்யா நியமிக்கிறான்.

சத்யாவும் இர்ஃபானும் காட்டுக்குள் சட்டவிரோத செயல்களை செய்யும் போச்சர்களைத் கண்டுபிடிக்க முயல்கின்றனர். வனப்பகுதியில் பொறுத்தப்பட்டிருக்கும் நைட் விஷன் கேமராவில் ஒரு பயங்கர காட்சி பதிவாகியிருப்பது தெரிகிறது. கிராமத்தார்கள் அவசரமாக பஞ்சாயத்தை கூட்ட, ரிஷியின் குழு சந்தேகத்தின் பேரில் ஒரு பெண்ணை கைது செய்து விசாரிக்கிறார்கள்.

இரவு ரோந்து பணிக்கு காட்டுக்குள் சென்ற கேத்தியும் மற்றொரு கார்டும் காணாமல் போக, அனைவரும் கவலை அடைகிறார்கள். விஜியுடன் வாழ்ந்த ரிஷியின் துயரமான கடந்தகால வாழ்க்கை நமக்குத் தெரிய வருகிறது. இதற்கிடையில், ஒரு இளம் கிராமத்துப் பெண்ணின் கண்முன் வனரட்சி வருகிறாள்.

ஒரு பெண்ணின் உடலில் புகுந்த வனரட்சியின் ஆவியை விரட்ட நடத்தப்படும் பூஜையில் சில முரட்டு கிராமத்து இளைஞர்கள் குறுக்கிடுகிறார்கள். கொலை செய்யப்பட்டவர்களின் விக்டிமாலஜி’ஐ ரிஷி ஆழமாக ஆராய்கிறான். சித்ராவும் அய்யனாரும் ஒரு சூடான வாக்குவாதத்தில் முட்டி மோதிக்கொள்கிறார்கள்.

சத்யாவும் இர்ஃபானும் போச்சர்ஸ் கும்பலால் கடத்தப்பட்டு சித்திரவதை செய்யப்படுகிறார்கள். ஒரு பக்கம் மீட்புக் குழு காட்டில் அவர்களைத் தேட, மறுபக்கம் ​​ரிஷி, கேத்தி, அய்யனார் மற்றும் சித்ரா சொந்தமாக விசாரணை நடத்தி இருவரையும் கண்டுபிடிக்க முயற்சிக்கிறார்கள்.

ரிஷி, அய்யனார், சித்ரா மற்றும் சத்யா ஒரு கொலை நடந்த இடத்தை ஆராய, ஒரு இருண்ட மர்மமான குகைக்குள் செல்கிறார்கள். பழங்குடி மக்கள் நடத்திய கொடிய சடங்கின் உண்மை பின்னணி வெளிச்சத்துக்கு வருகிறது. கேத்தி ரிஷியிடம் தன் காதலைச் சொல்ல முடிவெடுக்கிறாள்.

விசாரணையில் ஒரு முக்கிய திருப்பம் ஏற்பட்டு பல அதிர்ச்சியூட்டும் உண்மைகளை ரிஷி கண்டறிகிறான். விரைவில் தீர்வு காணாவிட்டால் பல அப்பாவி மக்களின் உயிர்களுக்கு ஆபத்து நேரும் என்பதை ரிஷியும் அவனது குழுவும் உணர்கிறார்கள்.