Panic

Hinihintay ng mga bagong nagtapos ang tanda ng simula mula sa hurado ngayong taon, at nagsimulang magkaroon ng tensyon sa pagiging magkakumpitensya ng magkakaibigan. Sumumpa si Heather na hindi maglalaro. Pero pagkatapos ng isang nakakagulat na pagtataksil, wala na siyang mapagpipilian.

Dalawampu’t tatlong manlalaro ang pasok, at literal na napakataas ng panganib. Ang ikalawang hamon ng Panic ay nagdadala sa mga kalahok sa langit, kahit ninanais ng sheriff at ng mga deputy niya na pigilan ito. Malaki ang tsansang manalo ang baguhan pero biglang may sumabotahe sa kanya.

Ipinagdiriwang ng bayan ang ikaapat ng Hulyo sa pamamagitan ng isang parada, subalit dala ng isang float ang isang lumang suliranin, at ang mga naka-code na patnubay na nagpatawag sa mga manlalaro sa ikatlong hamon. Isang pagpunta sa mapanganib na lugar at ilang mga nakakagulat na kampihan ang nangangahulungang dapat mag-ingat si Heather.

Muntikan nang mapahamak ang mga manlalaro dahil sa matitinding problema sa ikatlong hamon. Buti na lang, nagkaroon ng panandaliang pahinga ang mga manlalaro sa taunang Player’s Ball, kung saan namumuo ang relasyon sa mga magkakakumpitensya, at bumalik ang isang lumang problema para magdulot ng mga bagong suliranin.

Nakipagsapalaran ang mga manlalaro sa isang lokal na haunted house, kung saan ipinakita ng mga bago at lumang multo ang kanilang sarili. Inihayag ng sagot sa bugtong ang masalimuot na nakaraan ng laro, muntikan nang matupok ang mga layunin ni Heather, at nalaman natin na ang pinakamaingay na sumasalungat sa Panic ay may lihim na koneksyon sa laro.

Nagbigay ang taunang demolition derby ng kinakailangang paglilibang mula sa nakakahindik na paghahayag noong huling episode. Dahil malapit nang matukoy ng mga pulis ang mga hurado, walang nakakatiyak kung magpapatuloy ang laro. Inayos ni Heather ang isang relasyon, at winasak ang isa pa, sa isang madamdaming pagtatapos na nagpapatunay na dapat magpatuloy ang laro…pero hindi para sa lahat.

Kailangan mong magtiwala para ‘di ka malaglag mula sa ikalimang hamon, kung saan naging tagpo ang abandonadong tulay ng mga paghahayag ng mga manlalaro—at ang mga ‘di sinasadyang bunga ng kanilang mga lihim at kasinungalingan. Tutukuyin ng hamon na ito kung sino ang uusad sa Huling Apat. Maaaring mapalaya sila ng katotohanan pero guguluhin muna sila nito.

Naging personal ang mga hurado nang inanunsyo nila ang una sa apat na indibidwal na hamon na tutukoy sa mga finalist ng laro. Naghalo ang nakaraan at kasalukuyan sa isang ‘di inaasahang paglalantad ng mga pagnanais—at poot—ng mga manlalaro. Malapit nang may mahuli ang sheriff, at nasaktan ang damdamin ni Heather.

Na-disqualify ang isa sa Huling Apat, na nagbukas ng pagkakataon para isang sorpresang panalo, at isang madamdaming paghaharap. Habang tumitindi ang panggigipit ng mga hindi kasali sa laro, literal na mabangis ang mga resulta. Natutuhan ng mga manlalaro natin sa mas mahirap na paraan kung ano talaga ang panganib kapag isinugal mo ang lahat sa laro.

May isang labis na naghahangad na ang Joust, ang huling hamon, ay magtatapos nang may tamang nanalo—at nabatid ni Heather na para sa isang tao, hindi na lang laro ang Panic. Isang umaatikabong pagtatapos ang magdudulot na permanente nang matigil ang laro…o iyon ang akala nila. Maaaring tapos nang maglaro ang mga kalahok. Pero hindi tapos ang laro sa kanila.