Arrow

Sa premiere ng serye, bumalik ang bilyonaryong si Oliver Queen sa Starling City sa katauhan ni Arrow matapos maiwan sa isang malayong isla nang limang taon para lumaban sa krimen.

Nang pagtuunan ni Oliver ang isang kriminal na may koneksyon sa Chinese Triad, ipinadala ng kalaban ang nangunguna nilang mersenaryo, si China White (guest star Kelly Hu) para harapin ang The Arrow.

Nang may bumaril at pumatay sa isa mga target niya, hinanap ni Oliver ang gunman, si Deadshot, na pumapatay ng mga negosyante – at isa si Walter sa mga target niya.

Nang mapagtantong finrame ng isa sa mga target na nasa listahan niya ang isang inosenteng lalaki (Lane Edwards), humingi ng tulong si Oliver (bilang Arrow) kay Laurel para mapatunayang inosente ito.

Kinatawan ni Laurel si Oliver, nang arestuhin siya ng kanyang ama sa salang pagpatay. Nang nakapailalim sa polygraph test, inalala ni Oliver ang mga hirap niya laban sa Deathstroke habang nasa isla.

Nang pagnakawan ng Royal Flush Gang ang isang lokal na bangko, iminungkahi ni Diggle na lumihis si Oliver sa listahan ng kanyang ama at tulungan ang mga mamamayan ng Starling City.

Nakakilala si Oliver ng isang misteryosong babae, si Helena Bertinelli (Jessica DeGouw), na kasundo niya, pero mapagtatanto niya kalaunan na marami rin itong tinatagong mapanganib na sikreto.

Habang mas nagkakalapit sina Oliver at Helena, sinanay niya itong maging kakampi – na ikinadismaya ni Diggle. Pero nang mapagtanto niyang hindi niya kaya ang paghihiganti ni Helena, dito na nagkagulo.

Nang determinadong makabawi sa lahat ng nasayang na holiday, nagpa-Christmas party si Oliver sa kanyang pamilya. Samantala, inaya ni Tommy si Laurel na mag-Pasko kasama niya.

Matapos matalo ng Dark Archer, nagtago muna si Oliver. Pero nang hingan ng tulong ni Laurel si Arrow, pumayag siya nang may alinlangan… na siyang muntik niyang ikamatay.

Nag-usap nang masinsinan sina Tommy at Malcolm, habang nagkakalabuan naman si Oliver at Diggle, nang maging target ni Arrow ang commanding officer (guest star Ben Browder) ni Diggle.

Nang magkaproblema si Thea sa pulis, lumapit si Oliver sa isang dating kaibigan/vice cop na ngayon (Janina Gavankar) para ma-track ang isang drug dealer (Seth Gabel).

Matapos makalaya sa kulungan, bumalik si Cyrus Vanch (David Anders) para pamunuan ang sindikato ng Starling City. Pero dapat muna niyang patumbahin ang pinakamalaki niyang kalaban – si Arrow.

Matapos mabaril, humingi ng tulong si Oliver kay Felicity. Kasama si Diggle, iniligtas nila ang buhay ni Oliver – habang nag-aagaw-buhay siya.

Inaya ni Oliver si Detective McKenna Hall sa isang date, habang naghahasik ang magnanakaw ng alahas na si Dodger (James Callis) sa Starling City at pinuntirya ang isang taong malapit kay Oliver.

Nalaman nina Oliver at Diggle na buhay pa si Deadshot (Michael Rowe) – at ang susunod niyang target ay si Malcolm (pabalik-balik na guest star na si John Barrowman).

Sa pagbubukas ng kanyang nightclub at bagong pag-ibig kay McKenna, naantala ang kasiyahan ni Oliver sa pagbabalik ng Huntress, na nagbabantang sirain ang lahat ng mahalaga sa kanya.

Isang galit na residente ng The Glades na kumikilala sa kanyang sarili bilang “The Savior” (Christopher Redman) ang walang patumanggang nangki-kidnap at pumapatay dahil sa pagkabihilante ni Arrow.

Nang tumakas ang Count (Seth Gabel) sa mental hospital at lumaganap sa siyudad ang karahasang nauugnay sa Vertigo, ginawang misyon nina Oliver at Diggle na ma-track siya.

Bumalik si Deadshot sa Starling City, at determinado si Diggle na mapatay ang pumatay sa kapatid niya – may tulong man ni Oliver o wala.

Nang makatuklas si Felicity ng lead na posibleng makapagturo sa kinaroroonan ni Walter, sumugal si Oliver para pagkatiwalaan si Felicity sa unang pagkakataon.

Habang papalapit ang Undertaking, ipinakita ni Malcolm ang tunay na kulay niya, kasabay ng pangangailangan ni Oliver na maisahan at/o matalo ang Dark Archer para mailigtas ang siyudad.

Sa epic na pagtatapos ng season, nag-unahan sina Oliver at Diggle sa pagpigil sa Dark Archer sa kanyang paghihiganti sa The Glades, habang mas lumala pa ang relasyon nina Oliver at Tommy.