Bosch

Mula sa sikat na nobela ni Michael Connely, Si Harry Bosch (Titus Welliver), isang LAPD homicide detective, ay hawak ang kaso ng isang pagpatay - isang lumang kasong tungkol sa bata na nagpaalala kay Bosch sa kanyang nakalipas. Habang ang mapusok na baguhang pulis, si Julia Brasher (Annie Wersching), ay nagustuhan niya, hahabulin ni Bosch ang hustisya kahit ano pa ang kapalit.

Ang pagsita sa isang sasakyan ay naging resulta ng pagkakaaresto sa isang suspek na may dalang banta, habang si Bosch at J. Edgar (Jamie Hector) ay hinahabol ang susi sa kaso. Nagtalo si Bosch at si Deputy Chief Irving (Lance Reddick) tungkol sa kanyang matagal ng kaso. Ang suspek sa pagpatay na si Raynard Waits (Jason Gedrick) ay may nakakagulat na pagamin sa lumang kaso ni Bosch.

Matapos makilala ang batang biktima sa kaso, si Bosch at si J. Edgar ay nasama sa masalimoot na mundo ng pamilya ng bata. Habang sumusulong ang kaso ni Bosch, ang pag-iibigan nila ni Brasher ay nagbago. Ang matinding pakikipagharap kay Raynard Waits ay pumilit kay Bosch na pag-isipang muli ang lahat.

Ang imbestigasyon sa mga buto ay nagbukas sa madilim na nakaraan ng pamilya. Sa pagtatapos ng sariling kaso ni Bosch, naipit naman siya sa isang mapanganib na biyahe kasama si Waits, na posibleng pinaghahandaan siya. Isang nakakagulat na pangyayari ang nagtulak sa buong siyudad na paghahanap, at si Bosch ay napag-iinitang muli.

Habang tumitindi ang kaso ni Raynard Waits, pinahinto ni Deputy Chief Irving si Bosch. Ibinaling ng detective ang kanyang pansin para lutasin ang kaso ng mga buto - hanggang sa maipit siya sa isang delikadong laro ng aso at pusa.

Bumiyahe si Bosch sa Las Vegas para makita ang anak na si Maddie, at para isangguni ang kaso ni Waits sa dati niyang asawa, si Eleanor Wish, isang magaling na forensic profiler. Pagbalik sa LA, tinuya ni Waits si Bosch habang tinototoo ang kaniyang mga banta. Nagkaproblema ulit si Bosch nang ang simpleng pagiimbestiga sa kaso ay naglagay kay Brasher sa alanganin.

Nahirapan si Bosch na balansehin ang trabaho at personal na problema, habang ang isang sulyap sa nakalipas ay nakatulong sa kaniyang matuklasan ang isang susi sa kaso ni Waits. Habang lumalaki ang nakataya, isang plano ang pinaghahandaan ni Waits.

Nakahanap ng bagong kakampi si Bosch, ang dating asawang si Eleanor. Gumawa ng ilang kasunduan si Deputy Chief Irving na magpapabago sa hinaharap ng kapulisan - at posibleng pati sa siyudad. Ang nakakatakot na atensiyon ni Waits kay Bosch ay tumitindi.

Ang totoong kwento sa pagpatay sa bata ay lumabas na, at naglagay ito kay Bosch sa alanganin at nagpahina sa LAPD. Ang masalimoot na nakaraan ni Bosch ang nagdala sa kanya sa isang pagtatagpo kay Raynard Waits.

Kailangang harapin ni Bosch ang kinalabasan ng pagtatagpo nila ni Waits, habang ang biglaang pagdalaw ng kanyang anak ay nagbigay sa kanila ng 'di mababayarang sandali. Sa pagtatapos ng imbestigasyon sa kaso ng mga buto, nasa alanganin ang trabaho ni Bosch, at sa muli ay mag-isa ulit siya.