Noong 1997, si Dae-sung at ang kanyang ina na si Myung-sook ay nakahuli ng isang palsipikador sa tindahan nila at pinarangalan bilang matapang na mamamayan. Sa kasalukuyan, si Dae-sung ay nagtatrabaho sa kanilang naluluging tindahan na ngayon ay isa ng supermarket, matapos siyang bumagsak sa pagkuha ng civil service exam.

Sa simbahan kung saan natagpuan ang tsinelas ni Bo-yeon, nakahanap si Dae-sung ng matibay na ebidensiya. Napansin niya ring ibinebenta sa MS Mart ang lahat ng laman ng mga plastik bag sa pinto ni Kyung-ah, kaya susubukan niyang alamin kung sino ang killer gamit ang shopping list ng kanilang mga customer.

Nagkagulo ang mga tao nang malaman ang sikreto ng chako. Samantala, nagsimula ang imbestigasyon kay Limang Libong Won, pero walang nakuhang pruweba. Pinaghinalan ni Dae-sung si Fish, sinundan niya ito at may natuklasang sikreto.

Sa pagkakakumpirma ng alibi ni Limang Libong Won, nagsimulang magduda si Ji-woong kay Dae-sung. No'ng makita ang fingerprint ni Dae-sung kung saan natagpuan si Kyung-ah, inaresto siya. Kailangang mahuli ang tunay na salarin upang malinis ang pangalan niya at protektahan ang MS Mart.

Habang papunta si Yool sa kung saan, nagkita sila ni Limang Libong Won. Sa pagsisimula ng paghahanap nila kay Yool, si Dae-sung at Myung-sook naman ay nagdududa sa mga ikinikilos ni Chun-gyu. Samantala, may namumuong tensyon sa pagitan ni Veggie at Meat, at si Veggie ay may kinakaharap na krisis.

Isang tangkang pagpatay muli ang gumising sa bayan. Pinagsusupetsahan pa rin ni Ji-woong si Dae-sung pagkatapos may mag-sisi sa kaniya ng krimen. Wala nang pinagkakatiwalaan si Dae-sung sa tindahan nang bigla niyang nalamang binubugbog si Yool.

Binisita ni Chun-gyu ang MS Mart at namili. Binanggit niya ang may sakit niyang asawa, pero nagduda si Dae-sung. Binalewala ni Ji-woong ang iniisip ni Dae-sung ukol sa nakakadudang asal ni Chun-gyu. Pero nakasalubong ni Dae-sung si Chun-gyu habang hinahanap si Yool.

Si Dae-sung ang idinidiin sa tangkang pagpatay kay Ji-woong. Hindi na makausad ang kaso sa pagkawala ni Yool at Chun-gyu, kaya sinubukang pahabain ni Ah-hee ang oras para mahanap ni Dae-sung si Yool. Nagtulong-tulong din si Dae-sun, Ah-hee, at Myung-sook para hanapin si Chung-yu.