వదంతి

నగర శివార్లలో కనిపించిన అజ్ఞాత శవం ముందుగా ఒక సినిమా హీరోయిన్ అనే పుకారుతో చాలా పబ్లిసిటీ సంపాదించుకుంటుంది. కానీ అది వెలోనీ అనే అందమైన అమ్మాయి అని, తన హత్యకి కారణం తను ప్రేమించిన టోనీకి, పెళ్లి చేసుకోవాలనుకున్న విగ్నేష్ కి మధ్య వున్న విభేదాలు అనే సందేహాలు మొదలవుతాయి.

బాగా ప్రాచుర్యం పొందిన ఈ కేసుని పరిశోధించడానికి సబ్ ఇన్స్పెక్టర్ వివేక్ అపాయింట్ చేయబడతాడు. విగ్నేష్, టోనీ ఇద్దర్నీ వివేక్ అనుమానిస్తాడు. తర్వాత హంతకుడికి ఒత్తపరై స్థానికులతో సంబంధం ఉండొచ్చు అనే సందేహంతో ఒక ముసలావిడ్ని ప్రశ్నిస్తాడు. వెలోనీ తల్లి నడిపే ఒక లాడ్జిని ఇన్వెస్టిగేట్ చేసే క్రమంలో వెలోనీకి ఒక సీనియర్ నవలా రచయిత కెఐ సెబాస్టియన్ తో సంబంధం ఉంది అని అర్థమవుతుంది.

పోస్టుమార్టం చేసిన డాక్టర్ పాల్ రాజ్ వెలిబుచ్చిన సందేహాల ఆధారంగా వెలోనీ హత్యకి ముసలావిడ ముగ్గురు కొడుకులకి సంబంధం ఉండొచ్చు అన్న అనుమానంతో వాళ్లని ఎంక్వయిరీకి తీసుకెళ్తాడు. తరువాత విగ్నేష్ కాల్ రికార్డ్స్, అలాగే వెలోనీ ఫ్రెండ్ తో మాట్లాడిన తర్వాత, మళ్లీ విగ్నేష్ పై అనుమానం మొదలవుతుంది.

హంతకుడు విగ్నేష్ అని చూపించేసి పోలీసులు కేసు మూసివేస్తారు. కానీ ఈ ముగింపు ప్రజా ఆగ్రహానికి కారణం అవుతుంది. ఈ కేసు తన వ్యక్తిగత జీవితంపై ప్రభావం చూపిస్తున్నా కూడా వివేక్ ఎలాగైనా వెలోనీకి న్యాయం చేయాలి అనుకుంటాడు. ఆ సమయంలో లాడ్జిలో పనిచేసే జోన్స్ వివేక్ కి చిన్న క్లూ ఇస్తాడు.

చర్చ్ ముగిసిన తర్వాత వెలోనీ పొడుగ్గా ఉన్న వ్యక్తిని కలిసిందని రూబీ వివేక్ కి చెబుతుంది. తర్వాత కెఐ సెబాస్టియన్ వివేక్ ని కలిసి తొందరగా ఈ కేసు పరిష్కరించి వెలోనీ ఇమేజ్ ని కాపాడండి అని ఒత్తిడి చేస్తాడు.

ముసలి ఆవిడ విచారణలో చెప్పిన ఆధారాల ద్వారా మళ్ళీ ఒత్తపరై సోదరులపైన సందేహాలు మొదలవుతాయి. ఆవిడ వెలోనీ గురించి బయటపెట్టిన నిజాలు ఆమె క్యారెక్టర్ ని ప్రశ్నార్థకంగా మార్చివేస్తాయి. పొడుగ్గా ఉన్న ఒక వ్యక్తి సీన్ లోకి వస్తాడు. వివేక్ ముగ్గురు సోదరులని అడ్డుకోవడానికి ప్రయత్నం చేస్తాడు, కానీ దానికి భారీ మూల్యం చెల్లించుకోవాల్సి వస్తుంది. వెలోనీ ప్రేమికుడి కథనం మళ్ళీ జనాల ఫోకస్ ఇటు వైపు పడేలా చేస్తుంది.

వెలోనీ పై జనాలకి వున్న అభిప్రాయాన్ని కెఐ సెబాస్టియన్ మార్చేయాలనుకుంటాడు. అందుకోసం ఆమె జీవితాన్ని బాల్యం నుండి మరణం వరకు తెలిపే బుక్ రిలీజ్ చేస్తాడు. అందులో చనిపోవడానికి ముందు తను ఒక అజ్ఞాతవ్యక్తి ప్రేమలో పడిందని, అతనే హంతకుడు అని నిర్దారిస్తాడు. ఆ విషయం తన రీడర్స్ దృష్టిని ఆకర్షిస్తుంది. కానీ వివేక్ నమ్మడు. ముగ్గురు సోదరుల ద్వారా ఈ హత్యలో వలన్ అనే వ్యక్తి ప్రమేయం ఉండొచ్చని వివేక్ తెలుసుకుంటాడు.

వివేక్ ఈ కేసులో వలన్ హంతకుడు అని నిరూపించే ఆధారాలు ఏవి లేకున్నా తన మనసు చెప్పింది నమ్ముతూ ముందుకి వెళ్తాడు. కానీ చివరికి ఈ కేసు వదిలేయాలి అనుకుంటాడు. అదే సమయంలో తనకి ఒక ఊహించని క్లూ దొరుకుతుంది. మరి చివరికి అతను వెలోనీ క్యారెక్టర్ గొప్పది అని ప్రూవ్ చేయగలడా లేదా?