Absentia

Tinatapos na lang ni Emily ang mga huling araw ng kanyang suspensyon habang nahihirapan pa rin siyang makasabay sa mga naging resulta ng mga hakbang niya mula sa nakaraang dalawang season. Sa sobrang pag-iingat at kawalan ng tiwala sa iba, ang tingin ni Emily sa paligid niya ay banta at maigi niyang sinisiyasat ang bawat tao.

Kasunod ng mga mapanganib na pangyayari, kinakailangang magmadali ni Emily upang mahanap at mailigtas si Nick, sa tulong ng misteryoso niyang impormante na si Kai. Nang malaman ang kinaroroonan nito, napagtanto ni Emily na may mas malawak pa na sabwatan ang nakatago at nangangamba siyang baka pinatay na si Nick.

Nalilito at nawalan ng malay si Nick dahil sa gamot, nagising siya sa madilim na kulungan. Samantala, hindi pa rin tinatanggap ni Emily na patay na si Nick dahil sa kawalan ng bangkay at nakipagkasundo pa siya para lang maibalik ito, para lang malaman na naglatag ng patibong si Dawkins na maglalagay sa lahat sa panganib.

Hindi pinayagan ng FBI ang kahilingan ni Emily na hanapin niya si Nick, kaya gumawa siya ng mapanganib na plano kung saan makakaharap niya ang mismong taong makakapagdala sa kanya kay Nick. Sa Europe naman, dinroga si Nick at inabuso, kaya naman lumabas ang kanyang itinagong pagkakasala at kahinaan bilang FBI agent, asawa, at ama.

Sinunod ni Emily ang mga utos ni Dawkins para lang madala siya kay Nick at marami siyang nakaharap dahil dito. Samantala, nalulunod na si Nick sa sama ng loob at pagkahibang, kaya minabuti niyang harapin ang mga bumabagabag sa kanya.

Patuloy ang pagpapahirap kay Nick pero nakahanap siya ng pagkakataong makatakas. Naging malapit si Cal and Emily sa isa't isa habang inililigtas si Nick. Nang matunton na nila ang misteryosong lugar, nakita nila ang ebidensyang kumukonekta sa kaso ni Nick sa Boston, ngunit wala na siya roon.

Sinubukan ni Emily sa huling pagkakataong ibigay ang mga ninakaw na file kapalit ng pruwebang buhay pa si Nick. Lingid sa kanyang kaalaman na nakatas na ito mula sa mga dumampot sa kanya. Nagawang makontak ni Nick ang FBI, at gumawa ng matapang na desisyon si Emily na komprontahin si Cal tungkol sa kanyang nakaraan.

Nagplano sina Emily at Nick para makalusot sa refugee camp, at nagpanggap namang gwardiya ng Meridian si Cal sa pag-asang mahanap si Armstrong at makaganti. Samantala, nakapasok na sina Crown at Gunnarsen sa Meridian at may di-inaasahang bisitang dumating sa bukid.

Sinikap ni Nick na palayain ang mga refugee at nakaharap na ni Cal si Armstrong. Nang aarestuhin na nina Gunnarsen at Crown si Deputy Director Webb, may natuklasan silang nakamamatay. Samantala, sinubukan namang alamin ni Emily ang puno't dulo ng operasyon ni Elliot at gumawa ng malaking desisyon para protektahan ang kanyang pamilya.

Sa wakas sina Emily at Nick ay muli nang nakasama ni Flynn pabalik ng Boston, ngunit hindi pa rin nareresolba ang banta ng bioweapon ni Elliot. Gumawa si Emily ng mapanganib na hakbang para matiyak ang kaligtasan ng kanyang pamilya.