Manchild

Si Regina ay isang sikolohistang gustong magsulat ng isang libro kung saan tatalakayin niya ang iba’t ibang pag-uugali ng mga lalaki: Victor “Ang Mayamang Manchild”, Tony “Ang Alamat”, Aldo “Ang Kumupas na Bituin”, Roberto “ Ang Sugar Daddy”, at Andres “Ang Tuwid na Daan”, sila ang mga “Manchild”.

Si Ivette, na manager ni Aldo, ay aalukin siya ng isang posibleng reunion kasama ang mga dating kabanda niya sa Uranium 21, kaya itutulak siya ni Dra. Regina na gumawa ng isang mahalagang pasiyang maaaring magbago ng buhay niya.

Nahihirapan si Tony na tanggaping isa na siyang ama kaya pinag-iisipan niya kung dapat na ba siyang magsimula ng isang pamilya. Dahil dito, magpapasama siya kay Aldo at Victor na hanapin ang anak niyang si Esmeralda.

Nagdurusa si Roberto dahil ang ex-boyfriend niyang si Giovanni ay dinalhan siya ng masamang balita: ikakasal na siya at ang pinakamasama pa roon ay si Roberto raw ang magiging best man at si Roberto rin ang gusto niyang magbayad ng handa at ng venue.

Napakaraming iniisip at saloobin ni Dra. Regina kaya isang araw ay nahulog na lang siya sa isang malalim na depression o kalungkutan. Susubukan siyang hanapin ng kanyang mga pasyenteng “Manchild” ngunit tatanggi siyang ituloy ang mga therapy nila.

Ipagtatapat ni Dra. Regina kina Andres, Victor, Tony, Roberto, at Aldo na ginagamit niya sila para isulat ang kanyang libro na may pamagat na “Manchild”.

Mababangkarote si Victor dahil sa kanyang pagwawaldas ng pera kaya ayaw niyang ipagdiwang ang kanyang kaarawan ngunit si Dra. Regina at ang kanyang mga kaibigang “Manchild” ay bibigyan siya ng isang party. Habang nagdiriwang, maaalala nila ang kanilang mga pagsasayang ginagawa noong mas bata pa sila.

Matapos ang party, magigising sina Dra. Regina, Andres, Victor, Tony, Roberto, at Aldo na magkakasama at hindi alam kung ano ang nangyari. Magugulat ang lahat dahil magkakatagpong muli si Regina at ang kanyang ama na matagal na niyang hindi nakikita.