Transparent

Habang nagtatrabaho para sa isang LGBT suicide hotline, makatatanggap si Maura ng isang nakababagabag na tawag mula sa isang batang trans na babae, si Elizah. Sa takot na baka saktan ni Elizah ang sarili, sisimulan ni Maura ang isang paglalakbay sa South Central LA upang hanapin ang nasa panganib na dalaga at mapupunta siya sa ospital.

Matapos ang pangamba sa kalusugan, haharapin ni Maura ang kamatayan at ang relasyon sa sariling katawan. Aasa si Sarah na magiging bahagi siya ng pamunuan ng Templo ng MidCity. Pagpaplanuhan nina Shelly at Buzzy ang isang pagtatanghal. Dahil hindi nasisiyahan sa kani-kaniyang buhay, aastang mag-asawa sina Josh at Ali.

Susubukin ang mga relasyon sa muling pagtitipon ng pamilyang Pfefferman para sa kaarawan ni Maura. Haharapin ni Sarah si Buzzy tungkol sa pulitika sa pamunuan ng templo at may isang malaking anunsyo si Maura, na magdudulot ng negatibong reaksyon mula kina Vicki at Shelly. Magtatapos ang gabi sa laro ng Sardines, na lalong magpapagulo ng mga magulo nang sitwasyon.

Makatatanggap ng kapana-panabik na patikim sa hinaharap si Maura sa kanyang pagbisita sa plastic surgeon, subalit hindi makakukuha ng parehong pananabik mula kay Vicki habang nasa isang paglabas. Bibisitahin ni Josh ang masayahin ngayong si Rita habang mahihirapan sa pagpapalagayan ng loob sina Ali at Leslie. Makahahanap ng libangan si Sarah sa pamumuno ng hindi tradisyunal na gawain sa Hudaismo.

Magtitipon ang pamilya Pfefferman sa Hineni para suportahan ang alternatibong pagsisikap ni Sarah sa kabanalan. Matapos ang biglaang pagpanaw ng isang malapit na kaibigan, hihingi ng suporta si Josh mula kay Raquel. Masasaksihan ni Ali ang pagbagsak ni Leslie dahil sa pagiging mapanghusga nito.

Sisimulan ni Josh ang biyahe kasama ang isang hindi inaasahang tao, at bubuo ng hindi maipagkakailang samahan. Pagdududahan naman ni Shelly ang pagiging magastos ni Buzzy, samantalang makikita naman ni Ali ang Diyos sa isang paglalakbay na epekto ng nitrogen sa opisina ng dentista.

Darating si Josh sa Overland Park upang ihatid ang malungkot na balita kay Colton. Lalampas si Sarah sa hangganan ni Raquel, na maglalagay sa Hineni Seder sa peligro. Isang mahirap na pakikipag-usap kay Bryna ang magdadala ng malalaking problema sa pagitan nina Maura at Vicki.

Sa Boyle Heights, 1958. Ang pagkababae ng 12-taong-gulang na si Maura ay magiging dahilan ng gulo sa pagitan ng inang si Rose at lolo at lolang sina Haim at Yetta. Sa kabilang bayan, aalis sa dulaan ng paaralan ang 12-taong-gulang na si Shelly at hindi rin kakain subalit hindi niya sasabihin kung bakit. Pagsapit ng 1966, magkakaroon ng lihim na relasyon ang 21-taong gulang na sina Mort at Shelly.

Matapos makipag-ugnayang muli kay Colton, magpapasyang manirahan si Josh sa Overland Park, hanggang puntahan siya ni Ali upang pauwiin siya. Mahihirapan naman si Sarah na kontrolin ang kanyang galit. Haharapin ni Shelly ang paggastos ni Buzz, na mapupunta sa hindi inaasahang rebelasyon. May nakagugulat na gabi si Maura, na ngayon ay single na.

Tatakasan ng mga Pfefferman ang kanilang mga problema sa lupa sa pamamagitan ng pag-cruise nang magkakasama. Kahit pa madalas na magkakahiwalay ang pamilya sa barko - nakipagsasapalaran sa kani-kaniyang paglalakbay sa pagtuklas ng sarili - magsasama-sama rin sila sa isang Seder, na halos hindi na natuloy.