ஆண்ட்ரியா பிர்லோவின் தலைமையின் கீழ் யுவன்டஸுக்கு மாறிய புது காலகட்டம் துவங்குகையில், கோச் ஆக, அவர், தனது அணியினர் சிலருடன் மீண்டும் இணைகிறார் – அவர்கள், யுவன்டசுக்கு மாபெரும் வெற்றிகளை கொணர்ந்த கியலீனி, பொனூச்சி, புஃபான் ஆகியோர். இந்த அணி, விடாமல் பத்தாவது முறையாக ஸ்குடெட்டோவை வெற்றி கொள்ள உறுதி கொள்கிறது, ஆனால் அவர்களை எதிர்கொள்வதோ, பெருந்தொற்றால் இன்னுமே கடினமாகிவிட்ட சாம்பியன் தகுதி.

சாம்ப்டோரியாவை வெற்றி கொண்ட பின், யுவன்டஸுக்கும், ஆண்ட்ரியா பிர்லோவுக்கும், இந்த தொடர் மிகச் சிறப்பாகத் துவங்கியது. ஆனால், வெற்றிகள் தொடர, வல்லுனர்களுக்கும், இளம் வீரர்களுக்குமிடையே ஒரு துல்லிய தகவமைப்பைக் காண வேண்டி உள்ளது. பார்சிலோனாவுக்கெதிரான சாம்பியன்ஸ் லீக் சவால் மற்றும் டொரினோவுக்கு எதிரான டெர்பியில் இந்த புதிய வீரர்கள் தீர்மானகரமான அங்கம் வகிக்கக் கூடும்.

சாம்பியன்ஸ் லீகில், யுவன்டஸ், பார்சிலோனாவுக்கு எதிராக வெளியூர் ஆட்டம் ஆட வேண்டும். மெஸ்ஸி மற்றும் அவரது அணியினரை தோற்கடிக்கவும், அவ்வாறு, குழுவில் முதலிடத்தை அடையவும், அணியின் ஒற்றுமை முக்கியம். இதைச் சாதிக்க, மையமாக அமைந்து ஒற்றுமையை உருவாக்கும் புஃபானின் உடல் நிலை முக்கியமானதாக ஆகும்.

2020ம் ஆண்டு, யுவன்டஸுக்கு மோசமான வகையில் முடிகிறது: ஆண்டின் கடைசிப் போட்டியில், ஃபியோரென்டினா பாரிய தோல்வியால் காயப் படுத்தி, பியான்கோனேரியின் கொண்டாட்ட தொனியை சிதைக்கிறது. பின்னர், முன்னணி மிலான் அணிக்கெதிரான போட்டி, பழி தீரும் ஒரு வாய்ப்பாக வருகிறது. குறிப்பாக, கருப்பு சிவப்புகளுடன் சேர விலகியிருந்ததால், பல யுவன்டஸ் ரசிகர்களால் மன்னிக்கவே படாத பொனூச்சிக்கு, இது முக்கியத்துவமான போட்டி.

இது யுவன்டஸுக்கு கடுமையான காலம், அதோடு நட்புக்கும் பகைமைக்குமான எல்லைகள் குழம்பியுள்ளன. கோன்தே பிர்லோவைத் தோற்கடித்ததால், அதை நிரவ நாபோலி அணியிலுள்ள முன்னாள் சகாவான கெத்துஸோவை இத்தாலியன் சூப்பர் கப்பில் தோற்கடிக்க வேண்டும். அவர்களை தோற்கடித்து யுவன்டஸ் தொடரின் முதல் கோப்பையை வெல்கிறது. கியலீனி காயத்திலிருந்து குணமாக கடுமையாக போராடுகையில், டி லிக்ட் தன் தகுதியைக் காட்ட ஒரு வாய்ப்பு இருக்கிறது.

சாம்பியன்ஸ் லீக் எதிர்பார்ப்புகள், யுவன்டஸை அதிகம் பாதிக்கின்றன. போர்டோவுக்கு எதிரான முதல் ஆட்டம் 2-1 தோல்வியில் முடிந்தாலும், ஃபெடரிகோ கியேசாவின் கோல் யுவன்டஸின் பதிலடிக்கு வழி வகுக்கிறது. பதில் ஆட்டத்தில் கியேசா இரண்டு கோல்களை அடித்தாலும், இறுதியில் போர்ச்சுகீஸ் அணி வெற்றியாகி, யுவன்டஸ் தோல்வியடைகிறது. இது பிர்லோவுக்கு பேரதிர்ச்சி. ரொனால்டோவும், “செனட்டர்களும்” விவாதித்து கவலையுறுகின்றனர்.

யுவன்டஸ் வெற்றிக்காக முனைய வேண்டும், ஆனால், பெனிவென்டோவிற்கு எதிரான தோல்வியின் பின்னர், மிலானிடமும் அணி தோற்கிறது. ஸ்குடெட்டோ கனவு கலைந்து சாம்பியன் லீகுக்கான தகுதி ஐயமாகிறது. இக் கடினமான நிலைமையில், தொடரின் இறுதியில் அணியை விட்டு வெளியேறப் போவதாக புஃபான் அறிவிக்கிறார். சஸ்ஸுவாலோவுக்கு எதிரான வெற்றி மட்டுமே சாம்பியன்ஸ் லீகில் ஒரு இடத்துக்கான போட்டியில் தக்க வைக்கும்.

கொந்தளிப்பான இந்த தொடரில் இன்னும் மூன்று போட்டிகளே மிஞ்சியுள்ளன: இரண்டு சாம்பியன்ஸ் லீக் போட்டிகள், அதோடு இத்தாலியக் கோப்பை இறுதி, எல்லாம் ஒரே வாரத்தில் நடைபெறுபவை. இதில் ஜியான்லுயிஜி புஃபான் ஆடும் கடைசி ஆட்டமும் ஒன்று. யுவன்டஸ் சாம்பியன்ஸ் லீகுக்கான தகுதியை முடிவாக்கி, இத்தாலியக் கோப்பையைத் தட்டிச் செல்ல வேண்டும். அதற்கு ஒரே வழிதான் உண்டு, அது எல்லா போட்டியிலும் வெல்வது.