Habang nagsisimula ang bagong season para sa Tottenham Hotspur, mataas ang mga inaasahan kasunod ng kapanapanabik na laban sa 2019 Champions League final at mga kilalang pumirma sa kontrata noong summer. Gayunman, hindi maganda ang resulta ng mga pitch sa nakalipas na mga buwan habang bumababa ang ranggo ng team, dahilan upang gumawa ng mahirap na desisyon si Daniel Levy. Eepekto kaya?

Ito ay isang bagong panahon para sa Spurs habang si José Mourinho, isa sa pinakatanyag na coach ng football sa buong mundo, ay pinalitan si Mauricio Pochettino bago ang isang mahalagang derby sa London laban sa West Ham United. Habang sinusubukan ni José na makuha ang loob ng mga nasa club, kailangang patunayan ng mga manlalaro ang kanilang mga sarili upang magkaroon ng lugar sa kanyang pangkat.

Naranasan ng Tottenham Hotspur ang una nilang pagkatalo sa ilalim ni José Mourinho laban sa kanyang dating club, Manchester United. Layunin ng grupo na manalong muli upang makaakyat sa Premier League table at makasama sa Champions League, habang sinusubukang ayusin ng club ang kinabukasan ng ilang miyembro ng pangkat.

Pasko na, nahaharap si Head Coach José Mourinho sa kanyang unang malaking hamon sa club. Ang humahabang listahan ng may pinsala ay nangangahulugang kailangan niyang isiping muli ang mga pipiliin sa team. Nakita ni Japhet Tanganga ang sarili sa unang team. Habang naghahanda siya sa pinakamalaking laro ng kanyang buhay, taglay ba ng binata ang kailangan upang matupad ang pangarap niya?

Sa Enero ay naglalaban ang malalaking club upang makakuha ng bagong manlalaro. Ito ang unang pagkakataon ni José Mourinho na gumawa ng tatak sa pangkat - isang gawaing mas mahirap habang sinusubukang ayusin ng club ang kinabukasan ng pinakamatagal nang miyembro, sina Danny Rose at Christian Eriksen. Palapit na ang deadline, gayundin ang laban sa kasalukuyang kampeon, ang Manchester City.

Kagagaling lang sa malaking pagkapanalo laban sa kampeon na Manchester City, lalo pang dumadami ang bilang ng may pinsala sa Spurs kasama na sina Moussa Sissoko at Harry Kane ang kasalukuyang matagal na mawawala. Dahil may tatlong laban pa ang club, umasa ang headcoach na si José Mourinho kay Heung-Min Son para manguna. Pero nagbabanta ba ang isa na namang pinsala na tapusin ang season niya?

Apat na buwan na sa trabaho at nakita ni José Mourinho ang kanyang sarili sa gitna ng mahihirap na resulta. Dahil nahaharap ang team sa knockout stage ng dalawang kompetisyon, ibinigay kay Harry Winks ang posisyon ng kapitan, habang sa unang pagkakataon ay sasabak si Michel Vorm sa season. Dahil hirap manalo, nagkasagutan ang magkaibigang sina Dele at Eric Dier matapos ang isang talo.

Nahihirapan ang Tottenham Hotspur sa season. May dalawang laban pa silang kailangan nilang maipanalo laban sa RB Leipzig sa Champions League at manatiling lumalaban upang makapasok sa mailap na top four sa Premier League. Ngunit habang nakatutok sila sa huling sampung laro, naramdaman ng club at mga manlalaro ang epekto ng pandemyang Coronavirus.

Sa pagsisimula muli ng season, may walong laro pa ang Spurs para matiyak ang puwesto sa susunod na European Football. Kailangang magmaniobra si José Mourinho sa mahihirap na laban kasama ang laban sa Arsenal. Nagkatensiyon nang magtalo sina Hugo Lloris at Heung-min Son. Habang palapit na ang pagtatapos ng pinakamahabang season, nagpaalam ang Spurs sa dalawang matatagal nang miyembro.