స్నీకీ పీట్

ఒక మోస‌గాడు(జియోవ‌న్ని రిబిసి) మ‌రో క్రూర‌మైన గ్యాంగ్‌స్ట‌ర్(బ్ర‌యాన్ క్రాన్స్‌ట‌న్) నుంచి త‌ప్పించుకునే ప్ర‌య‌త్నంలో, త‌న గ‌తాన్ని క‌ప్పిపుచ్చుకోడానికి జైలులో త‌న స‌హ‌ఖైదీ పీట్‌లా, త‌ను ఎప్పుడో దూర‌మైన కుటుంబానికి చేరువౌతాడు. తాను ఎలాంటివారి నుంచి త‌ప్పించుకోవాలి అనుకుంటాడో అలాంటి వారి మ‌ధ్య‌కే చేర‌తాడు. అదే క్ర‌మంలో తనెప్పుడూ రుచిచూడ‌ని కుటుంబ‌పు ప్రేమ పొందుతాడు.

వ్యాపారం స‌జావుగా లేక‌, పీట్ తాత‌య్య బామ్మ ఒట్టో, ఆడ్రే మ‌ధ్య స‌మ‌స్య‌లు మొద‌లౌతాయి. ఒక ప్ర‌మాద‌క‌ర‌మైన క్ల‌యింట్‌ని మేనేజ్ చేసేందుకు జూలియాకి మారియ‌స్ చేయ‌బోయిన సాయం మ‌రిన్ని స‌మ‌స్య‌లు తెచ్చిపెడుతుంది, చివ‌రికి ఆడ్రే నైపుణ్యంపై ఆధార‌ప‌డ‌తారు ఇద్ద‌రూ.

మారియ‌స్ పెరోల్ అధికారిని క‌ల‌వడానికి క‌చ్చితంగా సిటీకి వెళ్లాలి. అక్క‌డికి స‌రైన స‌మ‌యానికి చేరుకోవాలంటే, పీట్ క‌జిన్స్ జూలియా, టేల‌ర్, కార్లీ, ఇంకా ఆడ్రేల్ని బోల్తా కొట్టించాలి. అదే స‌మ‌యంలో ఎడ్డీ దిక్కుతెలియ‌ని ప‌రిస్థితిలో చిక్కుకుని ఉంటాడు, విన్స్ లెఫ్టినెంట్ విన్‌స్లో మారియ‌స్ కోసం వేటాడుతుంటాడు, మారియ‌స్ గురించి తెలుసుకోకుండా కేటీ సాయం చేస్తుంది.

పెద్ద మొత్తం చెల్లించాల్సిన రోజు, పీట్ కుటుంబం నుంచి డ‌బ్బు కోసం మారియ‌స్ అన్ని విధాలుగా ప్ర‌య‌త్నిస్తాడు. చివ‌రికి ముక్కోపి అయిన టేల‌ర్ని మోసం చేయ‌డం చాలా క‌ష్ట‌మ‌ని తెలుసుకుంటాడు. ఇటు సిటీలో, పోక‌ర్ టేబుల్ ద‌గ్గ‌ర ఓ క్లిష్ట‌మైన క్ల‌యింట్ విష‌యంలో అస‌హనానికి గురైన విన్స్ త‌న కోపాన్ని ఉద్యోగుల మీద చూపిస్తాడు.

ఆడ్రే ఏక‌ప‌క్ష నిర్ణ‌యాల‌తో వ్యాపారం నాశ‌నం అయిందంటూ ఆడ్రే, ఒట్టో మ‌ధ్య వాద‌న జ‌రుగుతుంది. ఒట్టోకి సాయం చేసే క్ర‌మంలో చేసిన విచార‌ణ‌లో, ఆడ్రే ఆర్ధిక విష‌యాల‌పై కీల‌క‌మైన విష‌యం తెలుసుకుంటాడు మారియ‌స్. అదే స‌మ‌యంలో త‌న క‌జిన్ గ‌తం గురించి ప్ర‌శ్నిస్తుంది కార్లీ, మాజీ భ‌ర్త లాన్స్‌తో అనుబంధాన్ని తిరిగి కొన‌సాగిస్తుంది జూలియా.

ఒక ప్ర‌మాద‌క‌ర‌మైన క్ల‌యింట్ కేసు కోర్టుకి వ‌స్తున్న స‌మ‌యంలో, త‌ను ష్యూరిటీ మొత్తం రిక‌వ‌రీ చేసే విష‌యంలో బెర్న్‌హార్ట్ బెయిల్ బాండ్స్ ఇబ్బందుల్లో ప‌డుతుంది. ఆ మొత్తం సేక‌రించ‌లేక పోతే ఏంట‌న్న ఆందోళ‌న‌లో ఉంటారు. ఒట్టో త‌న పాత స్నేహితుల్ని క‌లుసుకుంటాడు. మారియ‌స్ కుర్రాళ్ల‌ని రిక్రూట్ చేసుకుంటాడు. ఒక ఆధారంతో పీట్ గురించి ర‌హ‌స్యం తెలుసుకుంటుంది కార్లీ.

కుటుంబ వ్యాపారాన్ని ర‌క్షించుకునే క్ర‌మంలో, మారియ‌స్‌తో వ్యూహాలు ప‌న్నుతుంది ఆడ్రే, ఒట్టో త‌నంత‌ట తాను స‌మ‌స్య నుంచి బైట‌ప‌డే మార్గాలు వెతుకుతుంటాడు. కార్లీ క‌నుక్కున్న విష‌యంతో, తాను పీట్ అని నిరూపించుకునేందుకు ప్ర‌య‌త్నిస్తాడు మారియ‌స్. త‌ను ఫోర్స్ నుంచి స‌స్పెండ్ కావ‌డానికి కార‌ణ‌మైన సంఘ‌ట‌న సాక్ష్యాలు సేక‌రిస్తాడు టేల‌ర్.

ఓ మోస‌పూరిత పెట్టుబ‌డి కార‌ణంగా బెయిల్ బాండ్స్ భ‌విష్య‌త్‌ని రిస్క్‌లో ప‌డేసిన ఆడ్రేని, ఎవ‌రైతే త‌న‌ని మోసం చేశారో వాళ్ల‌నుంచే ఆ డ‌బ్బు గుంజుకోవాల‌ని న‌చ్చ‌జెప్తాడు మారియ‌స్. వ్యాపారాన్ని కాపాడుకునేందుకు ఆడ్రే, మారియ‌స్, ఒట్టో ఒక‌రికి తెలియ‌కుండా మ‌రొక‌రు ప్లాన్స్ వేస్తారు.

ఒట్టో వేసిన ప్లాన్‌తో ఒక‌డు బెయిల్ బాండ్స్ ఆఫీసులో చ‌చ్చిపోతాడు, ఒట్టో, మారియ‌స్, లాన్స్ ముగ్గురూ బెయిల్ బాండ్స్ ప్ర‌మాద‌క‌ర క్ల‌యింట్ డాక‌రీ ముందు దోషుల‌వుతారు. డ‌బ్బు మొత్తం వెంట‌నే క‌ట్టాలంటాడు డాక‌రీ. మారియ‌స్ సుర‌క్షితంగా బైట‌ప‌డ‌తాడు. పోక‌ర్‌లో చీట‌ర్ని క‌నిపెట్టేందుకు కొత్త ప్లాన్ వేస్తాడు విన్స్.

చివ‌రికి విన్స్ పోక‌ర్ టేబుల్ ముందు మారియ‌స్ కూర్చుంటాడు. అంతా ప‌థ‌కం ప్ర‌కారం జ‌రుగుతుంటుంది, విన్స్‌కి అనుమానం వ‌చ్చేవ‌ర‌కు. ఆడ్రే త‌ను నేరం చేశాన‌ని తెలుసుకున్నాక‌, ప‌రిస్థితిని త‌న కుటుంబం చ‌క్క‌దిద్ద‌గ‌ల‌ద‌ని న‌మ్ముతుంది.