கிட்டதட்ட ஓராண்டு கடந்துவிட்ட நிலையில், டெய்ஸி க்ளெய்ட்டன் கொலை வழக்கில் அதிகமாக உழைத்து வரும் பாஷ், மருத்துவ இயற்பியலாளர் ஸ்டான்லி கென்ட்டின் கொலையை விசாரிக்க லேக் ஹாலிவுட் ஓவர்லுக்குக்கு அழைக்கப் படுகிறார். தனது துறையில் ஊழல் அதிகாரிகளைப் பிடிக்க எட்கர் வலைவீசுகிறார், மேடி புதிய பயிற்சிப்பணியைத் தொடங்குகிறாள், மேயர் பதவிக்கான தனது பிரச்சாரத்தைத் தலைவர் இர்வின் இர்விங் தொடங்குகிறார்.

கென்ட்டின் விதவையின் ஒரு தகவலானது, ஓவர்லுக் கொலையுடனும் திருடப்பட்ட கதிரியக்க சீஸியத்துடனும் தொடர்புள்ளவர்களாக இறையாண்மை குடிமக்களின் குழுவை பாஷும் எஃப்பிஐயும் சந்தேகிக்க செய்கிறது. ஆனால் அவர்கள் செயல்பாட்டு முறையில் கருத்து வேற்றுமை எழுகிறது. விசாரணைக் கோப்பில் ஒரு குழப்பமான நீக்கத்தை மேடி கண்டுபிடிக்கிறாள். தான் பில்லெட்ஸின் ‘செல்லப் பிள்ளை’ என்றறிந்து டிடெக்டிவ் வேகா அசௌகரியமாக உணர்கிறாள்.

கதிரியக்க காயங்கள் நிறைந்த வீடற்றவன் பிணத்தை போலீஸ் கண்டெடுத்தபின் சீஸியத்துக்கான வேட்டை தீவிரமாகிறது. ஆனால் குற்றத்தைப் பற்றிய தங்கள் யூகங்கள் முற்றிலும் தவறோ என பாஷும் எட்கரும் திகைக்கின்றனர். மேடியின் கண்டுபிடிப்பு சாண்ட்லரின் பாராட்டைப் பெறுகிறது. எட்கர் விசாரிக்கும் ஊழல் அதிகாரிகளுடன் தொடர்பில் இருக்கக்கூடிய ஜமைக்கன் போதைக் கடத்தலாளர்களுடனான தன் உறவை டிஇஏ அதிகாரி சார்லீ ஹோவன் வெளியிடுகிறார்.

அலிஷியா கென்ட் கூறும் கதையில் மர்மம் இருப்பதாக பாஷ் கண்டுபிடிக்கிறார். தன் மகளின் தீர்க்கப்படாத வழக்கை மீண்டும் உயிர்பெற வைக்கும் செய்தியுடன் எலிஸபெத் க்ளெய்ட்டன் அழைக்கிறாள். ஆவ்ரிலை நெருங்குவதற்கு எட்கரும் ஹோவனும் ஒரு திட்டமிடுகின்றனர், க்ரேட்டும் ஒரு பழைய நண்பரும் திருப்பம் நிறைந்த இரவை அனுபவிக்கின்றனர், தன்னை பாஷிடம் அறிமுகம் செய்யுமாறு மேடியைக் கேட்கிறான் ஆன்ட்டோனியோ.

டெய்ஸி க்ளெய்ட்டனின் பிரச்சனை நிறைந்த கடந்த காலத்துக்குள் பாஷ் ஆழமாக இறங்குகிறார். கென்ட் வழக்கில் பாஷின் சந்தேகங்களை ஊர்ஜிதம் செய்யும் ஆதாரத்தைக் கண்டுபிடிக்க எட்கர் விரைகிறார். ஆவ்ரிலின் குற்றச் செயல்களைப் பற்றி அதிகம் அறிய ஹோவன் மாறுவேடத்தில் போகிறார். க்ரேட்டும் பேர்ரெலும் கொலைப்பிரிவுக்குத் திரும்புகின்றனர், ஆனால் அவர்களது கொண்டாட்டம் கெட்ட செய்தியால் மறைக்கப் படுகிறது.

சாண்ட்லரின் பேர ஒப்பந்தத்தால் விளையும் ஒப்புதல் வாக்குமூலம், கென்ட்டின் கொலையாளியைப் பிடிக்கத் தேவையானதை பாஷுக்கும் எட்கருக்கும் தருகிறது. டெய்ஸி ஈடுபட்ட தெரு மோசடியை ஆழமாக விசாரிக்கிறார் பாஷ், ஆனால் தனியாக துப்பை விசாரிக்கும் எலிஸபெத்தால் பிரச்சனை வருகிறது. வீடின்மையை சமாளிக்க புதிய செயற்குழுவை இர்விங் திட்டமிடுகிறார், வேகாவையும் பியர்ஸையும் ஒரு அசௌகரியமான நிலையில் ஆழ்த்துகிறார் பில்லெட்ஸ்.

எஃப்பிஐ உளவாளியின் கொலை வழக்கை முடிக்க உழைக்கும்போது, பாஷும் எட்கரும் ஒரு அதிரடி துப்பை வெளியிடுகின்றனர். தன் மகனைக் கொன்றவர்களை தண்டிக்க அதிகம் உழைக்க எட்கருக்கு அழுத்தம் தருகிறார் ட்வைட். தலைவர் இர்விங்குக்கு அரசியல் சேதம் தரக்கூடிய பழைய ஒலிப்பதிவைப பெறுகிறார் பேர்ரெல். தன் புதிய செயற்குழுவில் பழகிய முகத்தை இணைக்கிறார் பில்லெட்ஸ், நெருக்கடியாக்கும் புகாரை கேப்டன் கூப்பரிடம் அளிக்கிறார் பியர்ஸ்.

ஆறு வாரங்களுக்குப் பின்னர், அலிஷியா கென்ட்டுக்கு எதிரான பாஷின் முக்கிய ஆதாரத்துக்கான சாண்ட்லரின் மறுப்புகளை நீதிபதி சோபெல் கேட்கிறார். ஆவ்ரிலை வீழ்த்தும் விளிம்பில் ஹோவனும் எட்கரும் நிற்கின்றனர். உள்துறை விவகாரத்துறையிலிருந்து பில்லெட்ஸ் அழைக்கப் படுகிறார். டெய்ஸி க்ளெய்ட்டன் வழக்கில் புதிய சந்தேக நபர்கள் பட்டியலைப் பார்க்கையில், ஒரு அதிர்ச்சிகர தொடர்பை பாஷ் கண்டுபிடிக்கிறார்.

டெய்ஸி க்ளெய்ட்டன் கொலையில் ஒரு சந்தேக நபரை பாஷ் நெருங்கும்போது, எலிஸபெத் தன்னிலையை இழக்கிறாள். ஆவ்ரில் எப்போதும் கபடவாதி என்றறிந்து, அவன் தப்புவானோ என கவலைப்படுகிறார் எட்கர். இர்விங்கை மேயர் பதவிப் போட்டியிலிருந்து வெளியேற்ற கார் அரசன் உழைக்கிறான். பில்லெட்ஸ் மீதான புகாரை உள்துறை விவகாரத்துறை விசாரிக்கிறது. பாஷின் கிடுக்கிப்படியில் டெய்ஸியின் கொலையாளி ஒரு அதிர்ச்சிகர வாக்குமூலம் அளிக்கிறான்.

தங்களது எதிர்காலங்களைப் பற்றிய பெரிய முடிவுகளை இர்விங்கும் மேடியும் எடுக்கின்றனர். எதிர்பாராத சோகங்களை சமாளித்த பாஷும் எட்கரும், தங்களை வீழ்த்திவிட்ட அமைப்பைப் பற்றிய அதிருப்தியைப் பகிர்கின்றனர். ஆனால் கென்ட் கொலை வழக்கின் ஆதார விசாரணையின்போது, இருவரும் தேர்வு செய்ய வேண்டியது: விஷயங்களைக் கைவிடுவதா அல்லது தாங்களே கையில் எடுத்துக் கொள்வதா என்பதுதான்.