Transparent

Isang pamilya sa LA na may masisidhing personal na isyu ang uungkat sa kanilang nakaraan at hinaharap bunsod ng isang pag-amin, na magiging dahilan ng pagsisiwalat ng kani-kanilang mga lihim. Pinagbibidahan nina Jeffrey Tambor, Judith Light, Amy Landecker, Jay Duplass, at Gaby Hoffman.

Susuungin ni Maura ang bagong paglalakbay, subalit hindi madali ang buhay ng pagiging babae — ang pakikipagkaibigan, paghahanap ng bagong komunidad, at higit sa lahat, ang pag-amin sa mga anak. Ipakikilala ni Sarah ang asawa (Rob Huebel) sa dating nobya na si Tammy (Melora Hardin). Bibisitahin ni Josh ang dati niyang babysitter si Rita, habang mapalalapit si Ali sa kanyang trainer.

Aalis si Maura sa bahay ng pamilya patungo sa bago at maingay na apartment, habang si Sarah naman ay kakailanganin ng bagong tirahan matapos buwagin ang perpekto niyang buhay. Muling mapapaisip si Josh hinggil sa kanyang pananaw sa pagkakaroon ng pamilya, habang makakatagpo si Ali ng panibagong harang na bubuwagin.

Umamin na sa wakas si Maura kay Ali, at sasamahan nilang mamasyal si Sarah mall – kung saan may matututunan sila tungkol sa pagkababae. Mapipilitan si Josh na harapin ang kanyang nakaraan dahil sa mga tanong mula kay Syd (Carrie Brownstein) tungkol sa matagal na niyang relasyon kay Rita.

Nang mawala ang asawa ni Shelly na si Ed, hahanapin siya nina Sarah, Josh at Ali, ngunit sa halip na mahanap ito, maliligaw sila sa kanilang nakaraan. Hindi na kakayanin pa ni Ali na itago ang lihim ni Maura kay Josh, na magiging dahilan ng pagkabagabag ng binata. Makikita ni Maura ang isang kaibigan ng mga Pfefferman at ipaglalaban niya ang bago niyang pagkakakilanlan.

Habang sinusubukan nilang tanggapin si Maura, hahanapin ni Josh ang mga kasagutan sa rabbi na nagngangalang Raquel (Kathryn Hahn), at hahanapin naman ni Ali ang mga ito sa klase ng Gender Studies kasama si Syd. Maiiwan si Sarah upang sagutin ang mga tanong ng kanyang mga anak, na makikita si Maura sa unang pagkakataon.

Lalabas si Josh kasama si Rabbi Raquel habang si Ali naman ay tutuklasin ang kanyang pagkababae kasama ang isang TA mula sa klase ng Gender Studies. Pupunta ang mga anak ni Maura sa kanyang pagtatanghal sa isang paligsahan, subalit mabilis na mapapalitan ang kaligayahan niya ng pagkabigo.

Sa isang flashback, tatakas si Mort kasama ang kaibigang si Mark (Bradley Whitford) patungo sa isang cross-dressing na bakasyon sa kakahuyan, at maaakit kay Connie (Michaela Watkins), isang babaeng bukas ang isipan. Maiiwang mag-isa ang 13-taong-gulang na si Ali matapos niyang kanselahin ang kanyang Bat Mitzvah at mapapahamak kasama ang isang mas matandang lalaki sa dalampasigan.

Makahahanap ng ginhawa si Maura kasama ang dating asawa na si Shelly, at makakaisip ang dalawa ng plano upang tulungan si Ed na matupad ang kanyang mga kahilingan. Makikipagkikita si Sarah sa dating asawa at mapapaisip sa kanilang paghihiwalay, habang si Raquel ay mapapalapit na sa wakas kay Josh. Sa pagdating ng buong pamilya sa bahay ni Shelly, maraming sorpresa ang nag-aabang sa kanila.

Dahil sa libing, muling magtitipon-tipon ang mga Pfefferman at mauugnay sa kanilang nakaraan – si Shelly at Maura sa mga dating kaibigan, si Sarah sa kanyang dating asawa, at si Josh sa dati niyang tagapag-alaga na may kasamang 17-taong-gulang na bata. Sa pag-aakalang wala nang mga natitirang lihim, marami pa silang matutuklasan.