Modern Love Hyderabad

దూరమైపోయిన తల్లీ కూతురు పాండమిక్ టైంలో ఎలా దగ్గరయ్యారనేదే ఈ కథ. నూరీ మోకాలికి సర్జరీ అవుతుంది. నూరీ, నూరీ వాళ్ళమకి మధ్య అంతమంచి రెలేషన్ ఉండదు. ఇంకో ఆప్షన్ లేక నూరీ వాళ్ళమ్మని తనతో వచ్చి వుండమని అడుగుతుంది. వాళ్ళిద్దరి మధ్య కొన్ని సంఘటనలు ఇదివరకు వారు ఏం మిస్ అయ్యారో తెలుసుకునేలా జరుగుతాయి. ఎలా వాళ్ళ మధ్య దూరం తగ్గిపోయి ఒకకొత్త అవగాహన తో దగ్గరవుతారో ఈ కథ మనకి చూపిస్తుంది..

టూడీ యానిమేటర్ రేణుకి తన బాయ్ ఫ్రెండ్ అల్మరాలో వేరే అమ్మాయి చెప్పుల జత కనిపిస్తుంది. ఇక అప్పటినుంచి ఆ పిల్ల ఆ చెప్పుల గురించి చాలా అబ్సెసివ్ ఐపోతుంది. వాళ్ళిద్దరి డేటింగ్, ప్రేమా ఎలాంటి మలుపులు తిరుగుతుందో ఈ కథలో చూడచ్చు.

ఏదేమైనా,ఏం చేసైనా జీవితంలో గెలవాలి అనే మనస్తత్వం వున్న వ్యక్తి రోహన్. ఒక అనాధాశ్రమంలో పెరిగి, జీవితం లో చాలా ప్రయాణం చేసి ఉన్నత శిఖరాలకు ఎదిగాడు రోహన్. గతాన్ని దాచుకోడం అవసరం లేదని, గతంతో సమాధానపడటం, బతకడానికి ఎంత అవసరమో చెప్పి రోహన్ ని తిరిగి తాను పెరిగిన అనాథాశ్రమానికి తీసుకువెళ్తాడు రోహన్ ఫ్రెండ్. అంతవరకు తనలో దాచిపెట్టుకున్న భావోద్వేగాలూ, ప్రశ్నలూ,నమ్మకాలను రోహన్ ఎలా ఫేస్ చేశాడు అన్నది ఈ కధ.

ఓ క్రియేటివ్ ప్రొడ్యూసర్ కి, అప్పుడప్పుడే ఎంటర్టైన్మెంట్ ఇండస్ట్రీకి కొత్తగా వస్తున్న స్టాండప్ కమెడియన్ కి మధ్య జరిగే కథ. ఇండస్ట్రీ తళుకుబెళుకుల వ్యాపార పోకడల మధ్య వాళ్ళిద్దరి మధ్య పుట్టిన ప్రణయంనిలుస్తుందా లేదా అన్నదే కథ.

అతిజాగ్రత్తతో, తన కూతురుకి ఏమవుతుందో అనే భయంతో ఒక తండ్రి తన కూతురు ని ఫాలో చేస్తూ వుంటాడు. చివరికి ఆ పిల్ల డేట్ కి వెళ్ళినప్పుడు కూడా ఫాలో అవుతుంటాడు. ఇదంతా చూసేవాళ్ళకి చాలా సరదాగా వుంటుంది. ఆ తండ్రి తను చేస్తున్న పని గురించి తన కూతురు ముందు బయటపడతాడా ? ఆ తర్వాత ఏం జరుగుతుందనేది ఈ కథ మనకి స్క్రీన్ మీద చూపిస్తుంది.

వయసులో వున్న ఒక అమ్మాయి ప్రణయగాథ. ప్రేమా విరహమూ, ఆ ప్రేమ విఫలమవటం, విఫల ప్రేమలో వుండే నొప్పీ బాథా అన్నింటినీ చూపిస్తుంది. జంతు లోకంలో వుండే సహజమైన కామ ప్రవృత్తికి తన శృంగార జీవితానికీ పెద్ద తేడా లేదని తెలుసుకున్న ఒకమ్మాయి కథ. కానీ జంతుసామ్రాజ్యానికి మకుటం లేని మహారాణి ఎవరు?