The Big Bang Theory

Ipinagpapatuloy sa premiere ng panglimang season ang nangyari sa finale ng pang-apat na season kung saan apektado ang tropa ng nangyari kina Penny at Raj. Nag-aalala si Penny na nasira niya ang pagkakaibigan nila, samantalang naging lider naman si Sheldon sa paintball team. Nagbabalik ang Emmy® nominee na si CHRISTINE BARANSKI (The Good Wife) bilang ina na malayo ang loob sa anak na si Leonard.

Nagmatigasan sina Sheldon at Penny kung saan naipit naman sa gitna si Amy, habang sinusubukan ni Leonard na painitin ang long-distance na relasyon nila ni Priya (nagbabalik na guest star na si AARTI MANN), na bumalik na sa India.

Pumunta sa kasal ng katrabaho si Leonard bilang date ni Amy. Samantala, sinubukan namang kumbinsihin ni Howard si Bernadette na tumira sa bahay kasama ang ina niya pagkatapos nilang ikasal sa pamamagitan ng pagsubok na tumira sa bahay ng ina sa weekend.

Nang sumama ang loob ni Raj dahil siya lang sa apat na magkakaibigan ang walang karelasyon, hinanapan siya ni Penny ng perpektong ka-date, at ipinakilala siya nito kay Emily (guest star na si KATIE LECLERC -- Switched at Birth), na isang babaeng nakakaya niyang kausapin!

Naimbitahan sina Sheldon at Leonard sa isang housewarming party sa bahay ni WIL WHEATON, at may pambihirang oportunidad naman para kay Howard!

Sa kagustuhang mapansin ng kanyang ina, nakipagkumpitensya si Sheldon sa tropa para sa atensyon ng kanyang ina nang bumisita ito. Nagbabalik si LAURIE METCALF para sa kanyang role bilang ina ni Sheldon na si Mary.

Nasubukan ang relasyon nina Leonard at Priya dahil sa isang cute na artist ng comic book (guest star na si COURTNEY FORD), at dahil Halloween na, sinubukan ni Sheldon na manakot sa mga kaibigan.

Sumama ang loob ni Amy nang tumingin ng mga damit pangkasal sina Bernadette at Penny nang hindi siya kasama.

Puwede pa rin bang maging magkaibigan ang mga friend with benefits nang wala ang benefits? Sinubukan nina Leonard at Penny na lumabas nang walang nangyayari sa kanila, habang sinubukan naman ni Sheldon na harapin ang takot niya sa mga ibon.

Nagselos si Sheldon at pinag-isipan niyang dalhin na sa sumunod na level ang relasyon niya kay Amy nang inaya ito sa isang date ni Stuart (guest star na si KEVIN SUSSMAN) na mula sa comic book store.

Kinailangang harapin ni Leonard ang takot niya nang makipag-usap sa kanya ang nang-aapi sa kanya noong high school (guest star na si LANCE BARBER), at napagtanto naman ni Penny na baka naging bully din siya dati.

Nainis si Amy kay Sheldon nang hindi nito ikinatuwa ang kamakailang accomplishment niya, at kinailangan ngayong turuan ni Penny si Sheldon kung paano maging mas maayos na boyfriend. Samantala, kinailangan namang tanggapin ni Howard na hindi gustong magkaanak ni Bernadette.

Mukhang hindi pa matutuloy ang posibilidad na magkabalikan sina Leonard at Penny nang biglaang inaya ni Leonard si Penny sa isang romantikong dinner nilang dalawa sa ika-100 episode ng series.

Sinubukan nina Leonard at Penny na mag-date muli sa pamamagitan ng "pag-beta test" sa relasyon nila, samantalang nagkaroon naman ng kakatwang relasyon si Raj sa virtual assistant sa telepono niya.

Dahil sa pagkamakasarili ni Sheldon, natabangan si Leonard sa pagkakaibigan nila. Ito na ba ang katapusan ng Roommate Agreement? Samantala, nag-iisip si Howard ng magiging astronaut nickname niya, pero may iba pang ideya ang astronaut ng NASA na si MIKE MASSIMINO (guest star bilang sarili niya).

Nang mapilitang magbakasyon si Sheldon dahil sa paggiit ng unibersidad, nagtrabaho muna siya sa neurobiology lab ni Amy. Samantala, gusto namang papirmahin ni Bernadette si Howard sa isang pre-nuptial agreement.

Nang mabakante ang isang corner office sa Unibersidad, nakakumpitensya ni Sheldon para rito ang kanyang kaaway sa opisina na si Barry Kripke. Samantala, nakatanggap naman si Penny ng kakaibang regalo mula kay Amy.

Nagulo ang mundo ni Sheldon pagkaraang maospital ang barbero niya. Ngayong may pagbabago sa routine niya, pinagmuni-munihang muli ni Sheldon ang gagawin sa buhay niya. Samantala, naging dahilan ang pagsasanay bilang astronaut para pag-isipang muli ni Howard ang desisyon niyang pumunta sa space.

Uumpisahan na ang laban... na gaya sa Alderaan, nang magplano ang magkakaibigan ng Star Wars gaming marathon sa weekend! Pero itinadhanang maramdaman ni Sheldon ang puwersa nang pinili niya ang weekend kasama ang mga kaibigan kaysa sa weekend para samahan si Amy na bisitahin ang tiyahin nito!

Isang pangarap na natupad para kay Sheldon nang makausap niya mismo ang kanyang hero na si Mr. Spock. Guest star dito ang sikat na sci-fi icon na si LEONARD NIMOY, na nagpahiram ng kanyang boses sa isang natatanging pagbabalik ng kanyang three-time Emmy®-nominated na role sa Star Trek.

Nang makatrabaho ni Wolowitz ang scientist na kilala sa buong mundo na si STEPHEN HAWKING (guest star bilang Sarili niya), handa si Sheldon na gawin ang kahit ano para lang makilala ang kanyang hero.

Nanganib na hindi matuloy ang mga plano sa kasal ni Howard makaraan siyang bigyan ng bachelor party ng mga kaibigan (at ni Wil Wheaton). Pagkaraang kumalat online ang mga detalye ng sexual history niya, pinag-isipang muli ni Bernadette ang pagpapakasal kay Howard.

Nang binago ng NASA ang iskedyul ng misyon ni Howard at naapektuhan nito ang mga plano niya sa kasal, napilitan siyang harapin ang takot niya at ang ama ni Bernadette (guest star na si CASEY SANDER). Samantala, may sinabi si Leonard na ikinagulat ni Penny sa bedroom.

Lumipad papunta sa space... at nagpakasal si Howard sa finale ng panglimang season. Nang mapagpasyahan nina Howard at Bernadette na gusto nilang makasal bago ang space launch niya sa NASA, dali-daling inayos ng tropa ang kasal nila. Guest star dito ang NASA Astronaut na si Mike Massimino bilang Sarili niya.