The Outer Limits

Sa isang post-apocalyptic na bunker, ang virtual reality world ay nagiging laban sa imbentor nito (Jon Tenney) matapos niyang makipagrelasyon at iwasan ang holographic interface (Natasha Henstridge) na kumokontrol sa sistema.

Isang lalaking may problema sa pag-iisip (Howie Mandel) ang tumatalino gamit ang makinang nagpapasa ng mga alaala ng mga tao, ngunit nakamamatay ito. Madidiskubre niyang ang isip ay tila minahan sa Outer Limits.

Matapos mamatay ang anak ng mag-asawa, may eksperimento kung saan kumukuha ng nerve cells ng bata para maipanganak ang isang genetically identical na anak. Pero matutuklasan nilang ang fetus ay di lang kapareho, kundi ito na mismo si Justin.

Nagulo ang buhay ng isang lalaki nang matuklasan niyang ang kasintahan ng anak niya ay ang parehong babaeng iniligtas niya mula sa isang eksperimento 20 taon na ang nakalipas, at di siya tumanda. Tampok sina Peter Onorati at Fred Savage.

Nang magkaaberya ang "Stream", isang artipisyal na sistemang nagbibigay ng impormasyon sa pamamagitan ng mga chip sa utak ng mga tao, isang di-inaasahang "primitive" na lalaki (George Newbern) ang maaaring maging pag-asa ng sangkatauhan.

Matapos ang digmaang kemikal na nagdulot sa mga tao ng pagkabaog, kailangang tumakas ng magulang mula sa isang ahensiya ng gobyernong nais gamitin ang kanilang milagrosong malusog na anak para magparami ng lahi.

Sa isang lipunang binilanggo ng mga alien na sumakop sa Earth, natuklasan ng isang eksperto sa electronics (Harley Jane Kozak) na ang mga taong umano ay nagbilanggo sa kanila ay mga makina pala, at halos isang siglo na silang nakapiit.

May mangangaral na dumating sa bayan ng Heart's Desire at inalok ang apat na tulisan ng kanyang pambihirang kapangyarihan. Sino siya at bakit niya ibinigay ang mapanganib na kapangyarihan sa mga tulisan? Tampok sina Caspar Van Dien at Esai Morales.

Dala ang serum papunta sa planetang tinamaan ng salot, sumalpak ang piloto (Eric McCormack) at mga crew sa isang di-kilalang buwan. Nang makagat ng alien spider, ang isip ng piloto ay nakakalipat-lipat na sa iba't ibang realidad sa Outer Limits.

Isang babaeng hindi nakakaramdam ng emosyon ang nabigyan ng bagong buhay nang magpa-brain implant, ngunit nang nagkaaberya at nagdulot ito ng pagkabaliw, natuklasan niya ang tunay na sanhi ng kanyang problema.

Isang walang awa at walang malasakit na siyentipiko (Stephen Lang) at kanyang partner (Michael Ontkean) ang nakahanap ng paraan para buhayin ang mga patay. Pero nang namatay ang siyentipiko at muling nabuhay, pipiliin ba niyang mamuhay nang kakaiba?

Natuklasan ng geneticist na si Martin Nodel (Ron Rifkin) ang lihim na code sa DNA ng tao. Nang subukan sa sarili, dinala siya ng "instincts" niya sa lugar kung saan natagpuan niya ang sariling naglalakbay sa Outer Limits. Tampok si Ryan Reynolds.

Habang hindi alam kung kaibigan o kaaway ang mga alien na papunta sa Earth, limang tao ang inilagay sa mga lihim na bunker upang magbantay sa mga switch na magdudulot ng mass destruction pag hindi napindot sa tamang oras.

Bilang mga sundalo sa isang malayong planeta, natuklasan ng isang babae (Christine Elise) at kanyang mga tropa na ang tunay na kalaban ay maaaring hindi ang alien bugs na sinusubukan nilang pigilan.

Nang magdulot ng pagbabago sa katawan ng kabataan sa Earth ang isang tila walang epekto na audio signal mula sa kalawakan, isang siyentipiko ang nagmadaling alamin ang nangyayari. Kakailanganin ba ang pagbabago para sa kaligtasan ng planeta?

Isang malungkot na lalaki ang naguguluhan kung magpapakamatay o papatayin ang mga katrabaho. Bago niya magawa ang alinman, nadala siya sa Outer Limits kung saan may daan-daang bersiyon niya, at bawat isa ay may ibang buhay at karakter.

Nagbago ang buhay ng isang babae nang aksidenteng mabaril ang sarili sa ulo. Nagdulot ito hindi lang ng higit na talino, kundi pati na rin ng pagkakatanto kung gaano kaboring ang buhay niya bago nagsalita ang larawan sa frame.

Nang mangyari ang insidente sa isang space station na ikinasawi ng tatlong tao, bumalik ang kapitan sa Earth upang harapin ang kasong pagpatay. Isang mabagsik na mamamatay-tao ba siya? O nakita ba talaga niya ang mukha ng kasamaan sa kalawakan?

Nagulo ang buhay ng mga residente ng isang komunidad nang inalis ng misteryosong puwersa ang bahagi ng kanilang subdivision at dinala sa isang malayong planeta. Tampok sina David McCallum at Laura Harris.

Ang tsismosang TV journalist na si Donald Rivers (Alan Thicke), host ng "The Whole Truth", ay may makasaysayang palabas, tampok ang ebidensyang ang gobyerno at mga private defense contractors ay nagsasagawa ng lihim na genetic cloning.

Gamit ang eksperimental na paggamot, tinulungan ng isang siyentipiko (Pat Morita) ang isang atleta (Adrian Pasdar) na tapusin ang kanyang karera sa isang matagumpay na laban. Ngunit may side effects ang tagumpay mula sa Outer Limits.

Sa isang lipunang kontrolado ng mga alien, nagrebelde ang isang ina nang isuko ang anak kay "Mother" ang nagsisilbing magulang ng lahat ng sanggol. Determinadong mabawi ang anak, sinimulan niya ang isang mapanganib na misyon.