ఎఫ్ బీ ఐ గూఢచారిణి ఎమిలీ బర్న్ వరస హత్యలకు పాల్పడిన సీరియల్ కిల్లర్ కాన్రాడ్ హార్లో చేతిలో చనిపోయిఉంటుందని చాలా సంవత్సరాలుగా అందరూ అనుకుంటూ ఉండగా, ఆనూహ్యరీతిలో ఆమె తన ఇంటికి తిరిగి వస్తుంది. తన ఆరేళ్ళ నిర్బంధం గురించిన అంతుచిక్కని ప్రశ్నలతో, తను లేకపోవటంతో కుటుంబలో జరిగిన మార్పులతో ఎమిలీ వేదనను అనుభవిస్తూఉంటుంది.

ఎమిలీ పట్టుకోవాలనుకున్న సీరియల్ కిల్లర్ కొనార్డ్ హార్లో జైలునుంచి విడుదల అవుతుంటాడు... కానీ ఎమిలీ తన కిడ్నాప్, తన నిర్బంధం తాలూకు అంతుచిక్కని ప్రశ్నలకు సమాధానాలు మాత్రం కనుగొనలేకపోతుంది. ఎమిలీ తిరిగి సాధారణ జీవితం గడపటానికి ప్రయత్నిస్తుండగా, ఒక సాక్షి ప్రతికూలంగా మారి ఎమిలీపైన ఉన్న అనుమానాలు బలపడేలా చేస్తాడు. ఆ అనుమానాలను ఎమిలి తోసిపుచ్చుతుంది.

ఎమిలీకి వ్యతిరేకంగా సాక్ష్యం చెప్పిన సాక్షి హత్య కావించబడటంతో ఆ హత్య ఎమిలీయే చేసిఉంటుందనే ఉద్దేశ్యంతో అందరి చూపూ ఆమెపైనే కేంద్రీకృతమవుతుంది. టామీ గిబ్స్ మరియు బోస్టన్ పోలీస్ అధిపతి ఎమిలీయే నిందితురాలని ఆరోపిస్తుండగా, సాక్షితో తప్పుడు సాక్ష్యం చెప్పించిన ఎఫ్ బీ ఐ ఏజెంట్ ను కనిపెట్టటానికి ఎమిలీ, నిక్ ప్రయత్నిస్తుంటారు. తన ఆరేళ్ళ నిర్బంధం వెనక ఆ ఏజెంటే ఉండి ఉంటాడని ఎమిలీ అనుమానిస్తుంటుంది.

ఎమిలీకి వ్యతిరేకంగా సాక్ష్యాలు బలంగా ఉన్నాయని ఎఫ్ బీ ఐ, బోస్టన్ పోలీస్ శాఖకు తేటతెల్లమవటంతో లొంగిపొమ్మని ఆమెను అడుగుతారు. ఈ అస్తవ్యస్త పరిస్థితులలోనే నిక్-ఎమిలీ మధ్య పాత సంబంధం మళ్ళీ చిగురిస్తుంది. అయితే తన జీవితానికి కంటకంగా మారిన ఈ రహస్యాన్ని ఛేదించటానికి పోలీసులకు దొరకకూడదని, పారిపోయి ప్రయత్నించాలని ఎమిలీ నిర్ణయించుకుంటుంది.

ఎఫ్ బి ఐ ఏజెంట్ ఒకరు హత్యకు గరవటంతో ఎమిలీ కోసం గాలింపు తీవ్రతరం అవుతుంది. నిక్ ఎమిలి గురించి, ఆమె తిరిగి రావటం గురించి దర్యాప్తు చేస్తుంటాడు.

అధికారుల నుంచి తృటిలో తప్పించుకున్న ఎమిలీ బోస్టన్ చేరుకుంటుంది. తనను నాశనం చేయాలనుకుంటున్న వ్యక్తి ఒక్కడికే తనను కాపాడగల శక్తి ఉందని అని ఆమెకు అర్ధమవుతుంది.

తన కిడ్నాప్ కు సంబంధించి దొరికిన తాజా సమాచారంతో ఎమిలీ చేసిన దర్యాప్తు ఆమెను బాల్యజ్ఞాపకాలలోకి వెళ్ళేలా చేస్తుంది - అటు నిక్ ఇంకో విషాదాన్ని ఎదుర్కొంటాడు.

ఒకవైపు ఎమిలి తన అపహరణ వెనక ఉన్న రహస్యాన్ని ఛేదించటానికి చేరువలో ఉండగా, మరోవైపు నిక్ యాలిస్, ఫ్లిన్ లను వేటాడుతూఉంటాడు. వారి అన్వేషణ వాళ్ళకే ముప్పు కానుందా?

నిక్, టామీ ఆమెను వెంబడిస్తూ ఉండగా, జాక్ ఇచ్చిన ఒక కీలక సమాచారం ఆధారంగా - ఈ వ్యవహారం మొత్తం ప్రారంభమైన చోటకి ఎమిలీ వెళుతుంది.

ఎమిలి వర్తమానానికి, గతానికి మధ్య జరుగుతున్న ఘర్షణ పతాకస్థాయికి చేరుకుంది- ఈ పరిస్థితిలో ఆమె ఏలిస్, ఫ్లిన్ లను రక్షించి తన నిర్దోషిత్వాన్ని నిరూపించుకోగలదా?