September Mornings

Si Cassandra ay isang malayang trans woman na nagtatrabaho bilang courier at mang-aawit ng mga kanta ni Vanusa. Karelasyon niya si Ivaldo at may sariling inuupahan, na matagal na niyang hinahangad. Pero biglang nagpakilala ang anak niya at nagbago ang lahat. Pagkatapos niyang palayasin ang mag-ina, nalaman niyang walang bahay sina Leide at Gersinho.

Pinatuloy ni Cassandra ang mag-ina nang isang gabi, pero nagmakaawa si Leide na kupkupin muna sila. Binigyan niya ng dalawang araw na palugit ang dalawa pero ayaw niyang tawagin siyang "papa" ng bata. Dumalaw naman sina Decio at Aristides para makilala ang bata. Pansamantala siyang tumuloy kay Roberta. Susurpresahin sana siya ni Ivaldo pero ito ang nasurpresa sa anak niya.

Naiwan sina Cassandra at Gersinho habang naghahanap ng trabaho si Leide. Nakipagbati naman siya kay Ivaldo. Nagkakagulo na sa buhay niya. May naramdaman siyang kaunting lukso ng dugo kay Gersinho. May inuwi namang lalaki si Leide sa bahay ni Cassi. Nang mahuli, pinalayas niya ito at sinabing 'wag na siyang guguluhin pa at isama na ang bata.

Nagkatampuan ulit ang kakabati lang na sina Cassandra at Ivaldo sa kanilang anibersaryo. Pinatuloy nina Decio at Aristides ang mag-ina. Tumulong si Leide sa charity bazaar ni Ari pero nagnakaw ito ng mga damit para maibenta at makabalik sa paupahan. Sinagip naman ni Cassi sina Gersinho at Ari sa away at nang mapalapit sa anak, nasiwalat sa kanila ang masamang ugali ni Leide.

Gustong makalimutan ni Cassandra si Ivaldo at nagpakasaya habang sinusubukang mapalapit sa pamilya. Nalaman ni Ari na nagnanakaw si Leide kaya pinalayas niya ito. Nakituloy muna sa kaibigan si Gersinho. Ipinanlaban naman si Gersinho sa paligasahan sa eskwela at nagtulungan sina Leide at Cassandra para sa anak sa unang pagkakataon.