Kamalasan

Matapos ang isang miserableng dekada, naghahanap ng magandang kinabukasan sina Michi at Marie Claire. Ang problema, hindi nila alam na iisa ang pinupuntirya nilang biktima: ang bilyon-bilyong yaman ng pamilyang Urquiza.

Sa engagement party nina Inés at Chumpi sa Careyes, matutuklasan nina Michi at Marie Claire na pinupuntirya nila ang iisang kayamanan at susubukan nilang pabagsakin ang isa't isa. Mapagtatanto ni Balbina na hindi siya isinasaalang-alang para sa posisyon ng CEO.

Magkikitang muli sina Michi at Marie Claire sa rantso ng mga Urquiza, sa araw ng paggunita sa namayapang patriyarka. Inaakala ni Michi na nasa kanya ang alas kay Camila nang enggrandeng dumating si Marie Claire. Patuloy na naghihintay ang dismayadong si Fede kay Leticia na italaga na siya bilang CEO ng Urqui.

Naghahanap ng paraan si Michi, na pinalayas sa rantso, para makabalik sa buhay ni Camila. Umuusad si Marie Claire kay Fede sa Tuscany, pero muntikang mabiktima ng sarili niyang mga kasinungalingan. Ihahayag ni Balbina ang tunay niyang mga intensyon, na maglulunsad sa pag-atake niya sa kapangyarihan.

Pansamantalang huminto sa paglalaban sina Michi at Marie Claire at nagsanib-puwersa para pigilan si Balbina, pero noong tila umuusad na sila, mapapaatras sila nang mas malayo. Ngayon, magaganap ang labanan sa isang marilag na mala-Versailles na party.

Babaguhin nina Michi at Marie Claire ang diskarte nila sa pamamagitan ng pagbubuklod sa pamilyang sinusubukan nilang paghiwalayin. Patuloy na gumagamit ng maruruming taktika si Balbina at mayroon pa silang tinatagong alas.

Dahil nagipit ng isang hindi inaasahang saksi, susubukan nina Michi at Marie Claire na hulihin si Balbina sa akto. Sa pagsubok nila, malalantad ang mabibigat na katotohanan at malalalim na hindi pagkakaunawaan.

Matutuklasan natin ang nakaraan nina Michi at Marie Claire, ang pag-ibig at pagkawasak ng puso na nagtulak sa kanilang labis na kamuhian ang isa't isa. Sa kasalukuyan, handa na silang magpasya, pero hinahabol silang muli ng nakaraan nila.