அன்பான தாய் போன்ற சூ ஃப்ளோரெக்கின் மரணம், பெர்ஸி ஃப்ரேசரை பல ஆண்டுகள் துரத்திய பேரிஸ் பேக்கு மீண்டும் அழைத்து வருகிறது. பழைய மனிதர்களையும் ரகசியங்களையும் எதிர்கொள்ளும் பெர்ஸி, திரும்பி வந்தது தவறோ என நினைக்கிறாள். சூ ஃப்ளோரெக்கை நினைவு கூர்வதும், தனது வாழ்வின் காதலனான சாம் ஃப்ளோரெக்கை மீண்டும் பார்ப்பதும், ஏரிக்கரையின் இனிய நினைவுகளையும் இழந்த வலியையும் மீண்டும் எழுப்புகிறது.

தி டேவர்ன், சகோதரர்களுக்குள் பதட்டத்தை ஏற்படுத்துகிறது. ஜார்டி, சண்டாலுக்கு ஏரிக்கரை வாழ்க்கையை அறிமுகப்படுத்தி, டெலைலாவின் பொய்யை கண்டுபிடிக்கிறான். இதற்கிடையில், சூவுக்காக மட்டும் இல்லாமல் வேறு காரணத்திற்காகவும் தான் வந்ததை பெர்ஸி உணர தொடங்குகிறாள். சாமுடன் மீண்டும் நெருங்குவது, பேரிஸ் பேயில் கழித்த இரண்டாவது கோடையை நினைவூட்டுகிறது. அப்போ நடந்த ட்ரூத் ஆர் டேர் விளையாட்டு அனைத்தையும் மாற்றுகிறது.

டெலைலா தனது ரகசியத்தை ஜார்டியிடம் சொல்கிறாள். சண்டால் ஒரு பிரச்சனையில் சார்லியின் உதவியை நாடுகிறாள். பெர்ஸியும் சாமும் அதிக நேரம் சேர்ந்து செலவிட, அது ஆபத்தான நெருக்கமாக மாறுகிறது. எல்லாம் மீண்டும் பள்ளி நாட்களை போல தோன்றுகிறது. மின்தடை ஏற்பட்ட அந்த கோடையும், உணர்ச்சிகள் கொந்தளித்த பான்ஃபயர் விழாவும் நினைவுக்கு வருகிறது.

சூவின் உயில் வாசிப்பு அனைவரையும் அதிர்ச்சியில் ஆழ்த்துகிறது. சாமும் சார்லியும் கோபத்தில் இருக்க, பெர்ஸி குழப்பமடைகிறாள். பெர்ஸி, டெலைலா, சண்டால் மூவரும் கடினமான உண்மைகளை பகிர்கிறார்கள். பயங்கர கதைகள் எழுதியும், ஏரியை நீந்தி கடந்தும், விரும்பியதை அடைய அஞ்சாத அந்த பழைய பெர்ஸி எங்கே போனாள் என அவள் சிந்திக்கிறாள்.

ட்ரூ எதிர்பாராத ஒருவருடன் வருகிறான். டெலைலாவும் சார்லியும் முக்கிய முடிவை எதிர்கொள்கிறார்கள். சாம் வாழ்க்கையை மாற்றும் முடிவெடுக்க, பெர்ஸி தனது உணர்வுகளை மறைக்க முயல்கிறாள். ஏக்கம், பொறாமை நிறைந்த சூழல் மீண்டும் உருவாகிறது. 2015, புத்தாண்டு விருந்தில், பெர்ஸியின் அன்றைய துணையால் பரபரப்பு ஏற்பட்டதும், எதிர்பாராத இருவர் நள்ளிரவில் முத்தமிட்டதும் போல.

பெர்ஸியின் அதிர்ச்சி ரகசியம் வெளிவர, அதன் விளைவில் அனைவரும் சிக்குகிறார்கள். எதிர்பாராத மூவர் தேடலில் இணைகிறார்கள். இதற்கிடையில், டெலைலாவுக்கு துணையாக பெர்ஸி தனது பிரச்சனைகளை மறந்து பழைய தவறுகளை சரி செய்ய முயல்கிறாள். தற்போது பெர்ஸியும் சாமும் விலகி கொண்டிருக்க, இளமையில் அவர்கள் எப்படி ஆழமாக காதலித்தார்கள் என்பதும் வெளிப்படுகிறது.

பழைய கோபங்கள் மீண்டும் வெடிக்க தொடங்குகின்றன. காதல் முக்கோணம் தீவிரமடைகிறது. சார்லியும் பெர்ஸியும் தங்கள் பழைய தவறுகளை எதிர்கொள்ள வேண்டிய நிலை வருகிறது. இன்னொரு வேதனையான ரகசியத்தின் சுமையில் தவிக்கும் பெர்ஸி, இதற்கெல்லாம் காரணமான அந்த கடைசி கோடையை நினைவு கூர்கிறாள். படகை சரி செய்த நாட்களையும், அனைத்தையும் சீர்குலைத்த அந்த ஒரு தருணத்தையும்.

நினைவாஞ்சலி நாள் இறுதியாக வருகிறது. உணர்ச்சிகள் உச்சத்தில் இருக்கின்றன. சார்லி பழைய தவறுகளை சரி செய்ய முயல்கிறார். டெலைலாவுக்கு புதிய உணர்வு கிடைக்கிறது. சண்டால் மனதுக்கும் காதலுக்கும் இடையில் சிக்குகிறாள். பெர்ஸியும் சாமும் தங்கள் உறவை பற்றி குழப்பத்தில் இருக்கிறார்கள். கடந்த காலத்தையும் நிகழ் காலத்தையும் சமநிலைப்படுத்த போராடும் அவர்கள், எதை பிடித்து கொள்ளணும், எதை விடணும் என சிந்திக்கிறார்கள்.