Mozart in the Jungle

Sa iba, ang pananatili ni Rodrigo bilang bagong maestro ay isang tagumpany, ngunit nagdadalawang-isip siya. Samantala, naghanap si Hailey ng papalit sa kanya bilang assistant ni Rodrigo para nakapokus siya sa bago niyang posisyon bilang kapalit na oboista. Nakilala na ni Cynthia ang bagong abugado ng orchestra, isang tipo na hindi magpapahuli ng buhay.

Isang pangyayari sa pagtatanghal ang humikayat kay Rodrigo na gumawa ng mga pagbabago sa sarili, pati sa orchestra. Isang kakaibang imbistasyon ang inialok ni Gloria kay Hailey. Ngunit, malalaman rin ng batang oboista na wala talagang libre sa mundo.

Matapos ang pagdalaw ng mga nagtatambol, napalayas sa tirahan si Rodrigo -- pero mabilis rin namang nakahanap ng malilipatan. Tinulungan ni Hailey at Lizzie si Bradford gumawa ng podcast tungkol sa isang tanyag na tirahan ng mga artist. Iniisip ni Hailey ang kaniyang hinaharap habang ikinukwento ng isa sa mga nakatira ang mga pagtatanghal niya. Nagpapakaba sa ibang mga musikero ng banta ng welga.

Ang bisitang cellist na si Andrew Walsh (Dermot Mulroney) ay inanyayahan si Hailey na panuorin si Lang Lang, at nakita niya rito ang buhay ng mga tanyag na musikero. Si Thomas at Rodrigo ay magkasamang nagsaya sa isang tent sa loob ng bahay, habang pinipilit abutin ang dulo ng kanilang talino. Pinatunayan ni Gloria na marami siyang kakayahan.

Napakaraming trabaho ni Hailey na 'di niya inakala sa kanilang pagtatanghal sa Latin America. Nang manakaw ang isang biyolin at naging banta sa kanilang pagtatanghal sa harap ng dating maestro ni Rodrigo at isang donante, kailangang tumawag ng kaibigan ni Rodrigo. Ang kasunod ay isang pakikipagsapalaran sa mapanganib na siyudad ng Mexico.

Ipinasyal ni Rodrigo si Hailey sa kanilang lugar sa Mexico at ipinakita ang pagtatanghal ng orchestra ng mga bata. Nakipagtagpo si Thomas at Gloria kay Juan Luis Delgado, ang pinakamayaman sa Mexico. May sorpresang bisita si Cynthia na naglagay sa kaniya sa alanganin. Si Maestro Rivera, ang guro ni Rodrigo, ay inalok siyang tuparin ang isang pangako.

Ipinagdiwang ng grupo ang ika-35 na taon ni Betty sa orchestra sa pag-inom ng tequila at isang espesyal na bisita. Binali ni Hailey ang isang batas: huwag ikuwento ang mga nangyari. Natigil ang negosasyon at nararamdaman na nilang mawawalan sila ng trabaho. Nagkaroon ng kakaibang karamdaman si Rodrigo, at kinailangan niyang baguhin ang pandama habang isinasagawa ang Virtual Reality na video game.

Ibinahagi ni Thomas ang simponya sa kaniyang dating-asawa na si Claire, na sobrang nabigla sa kaniyang musika. Isang libing ang naging tagpuan sa pagitan ng orchestra at ng board. Sinubukang pakawalan ni Rodrigo ang nakaraan, ngunit hindi ito pumayag. Nakipagkita si Hailey sa isang miyembro ng board at marami siyang nalaman na 'di niya inaasahan.

Si Lennox, isang bisitang conductor, ay nagdala ng bangis sa orchestra. Nilalabanan ni Thomas ang mga kasamaan niya at rinig niya ang pagkawasak ng kaniyang pamana. Ginagawa ni Rodrigo ang lahat para manatiling maayos ang mga nasa paligid niya. Hindi nagkasundo si Nina at Cynthia sa mga paraan ng pakikipagkasundo. Sa mga kaguluhan, naging malinaw kung ano ang prayoridad. Kailangan ng pagbabago.

Ang mga bagay-bagay ay malapit nang sumabog sa pagitan ng board at ng orchestra, at handa si Rodrigo na gawin ang kahit anong nararapat. Habang nabubunyag ang bawat pagtataksil, walang makakaligtas. Kahit na ang pinakamagaling na kompositor sa kasaysayan. Hindi sigurado ang hinaharap.