All or Nothing: Juventus

Isang bagong transition season ang nagsimula para sa Juventus sa ilalim ng pamumuno ni Andrea Pirlo bilang coach, na makakasamang muli ang kanyang teammates – gaya nina Chiellini, Bonucci, Buffon – na nakasama ng Juventus sa tagumpay. Determinado ang pangkat na mapanalunan ang ikasampu nitong scudetto, ngunit ang naghihintay sa kanila ay kampeonatong lalong pinahirap ng pandemic.

Para sa Juventus at sa bagong coach na si Andrea Pirlo, nagsimula ang season nang maganda sa pagkakawagi laban sa Sampdoria. Pero upang maipagpatuloy ang pagkapanalo, kailangang mahanap ang perpektong balanse ng mga beterano at bagong manlalaro. Maaaring makatulong ang mga bagong manlalaro sa Champions League laban sa Barcelona, at sa derby laban sa Turino.

Sa Champions League, kailangang maipanalo ng Juventus ang return leg laban sa Barcelona. Upang matalo sina Messi at kanyang mga kagrupo, at manguna sa mga grupo, kailangan ng pagkakaisa. Sa ganito, magiging napakahalaga ng pisikal na kondisyon ni Buffon, gawa ng kanyang papel bilang tagapamagitan at tagapag-isa ng grupo.

Napakasama ng pagtatapos ng 2020 para sa Juventus: sinira ng Fiorentina ang pagdiriwang ng Bianconeri sa pamamagitan ng pagtalo rito sa huling laban ng taon. Darating naman ang tsansa ng muling pagbangon, sa pagkapanalo laban sa Milan, ang nangungunang pangkat. Napakahalaga ng labang ito, lalo na kay Bonucci, na hindi mapatawad ng maraming Juventus fans sa pagkakasangkot nito sa Rossoneri.

Masidhing panahon ito para sa Juventus, at nagkakagulo na ang mga magkaibigan at magkalaban. Natalo ni Conte si Pirlo, na kailangang mabawi ang Italian Super Cup laban sa dating kakamping si Gattuso ng pangkat Napoli. Nang matalo ang mga ito, nakuha ng Juventus ang unang tropeo ng season. Habang nahihirapan si Chiellini na makarekober sa injury, maipapakita na ni De Ligt ang kanyang halaga.

Matindi ang inaasahan sa Juventus sa Champions League. Natalo sila ng Porto nang 2-1 sa unang leg, pero nagkaroon pa rin ng pag-asa ang Juventus sa return leg dahil sa goal ni Federico Chiesa. Sa return leg, nakadalawang goal si Chiesa, pero nagwagi pa rin ang mga Portuges at tanggal na ang Juventus. Malakas na sipa ito para kay Pirlo. Labis na nabagbag si Ronaldo at ang “Senators” sa locker room.

Kailangang magpokus ng Juventus sa kampeonato, ngunit matapos matalo ng Benevento, natalo rin sila ng Milan. Naglaho na ang pangarap ng scudetto, at nanganganib ang kanilang pagpasok sa Champions League. Sa mahirap na sitwasyong ito, inanunsyo ni Buffon na aalis na siya sa team sa pagtatapos ng season. Tanging tagumpay laban sa Sassuolo ang makapagpapatuloy sa kanila sa Champions League.

May tatlong laban na lang sa mahirap na season na ito: dalawang league games at ang final ng Italian Cup, na magaganap lahat sa isang linggo. Ito na rin ang huling laban ni Gianluigi Buffon kasama ang Bianconeri. Kailangang makapasok ng Juventus sa Champions League at maiuwi ang Italian Cup. Isa lang ang paraan para magawa ito: panalunin ang lahat ng laro.