Arrow

Sa premiere ng season three, naghahanap si Oliver ng ibang identidad bukod sa Arrow. Pero sa sandaling inilihis niya ang kanyang tingin, may sumulpot na bagong kalaban, kaya napilitan siyang bumalik.

Tumawag si Lance sa Arrow, nang may sumulpot na ibang archer sa bayan, na nagngangalang Komodo (guest star Matt Ward). Nagbabalik rin si Colin Donnell bilang Tommy Merlyn sa isang flashback.

Hinanap ni Oliver si Thea sa Corto Maltese, habang tinutugis ni Diggle ang isang tumiwalag na field operative na si Mark Shaw (guest star David Cubitt).

Nagkampihan sina Oliver at Nyssa al Ghul (Katrina Law) para magapi ang Dark Archer, at mabigyang hustisya ang pagkamatay ni Sara. At pumasok sa kwento si Ra’s al Ghul (Matt Nable).

Nang mapaluhod ng isang cyber na pag-atake ang Starling City, nagsikap nang matindi sina Oliver at Felicity para makontrol ang pagkasira. At surpresang dumalaw ang ina ni Felicity.

Matapos may makitang nakabitin na katawan sa Wildcat gym, at naging pangunahing suspect si Ted Grant (guest star J.R. Ramirez), nagtalo sina Oliver at Laurel sa kawalan niya ng kinalaman sa nangyari.

Dapat pigilan ni Oliver ang isang Arrow-obsessed na serial killer, si Carrie Cutter (Amy Gumenick), na kumbinsidong si Arrow ang one true love niya at gagawin niya lahat para makuha ang atensyon nito.

Sa pag-target ng boomerang-wielding killer na si Digger Harkness (Nick E. Tarabay) kay Lyla at sa mga A.R.G.U.S. agent, hiningi ni Oliver ang tulong ng dati niyang kaibigan, Si Flash (Grant Gustin).

Bumalik si Nyssa sa Starling City at sinabi kay Oliver na ang kanyang ama, si Ra’s al Ghul ay nagbigay ng 48 oras sa Arrow para mahanap ang pumatay kay Sara bago niya ipadala ang League of Assassins.

Matapos ang pakikipaglaban ni Oliver kay Ra’s al Ghul, pinrotektahan pa rin nina Diggle at Arsenal ang siyudad habang wala ang Arrow. Pero nagsimula nang matakot ang team para sa kanilang kaibigan.

Sinabihan ni Arsenal at Diggle si Laurel sa paglaban sa krimen, at binalaan siyang tumigil na bago pa niya ito ikamatay. Pero nang atakihin ni Brick (Vinnie Jones) ang siyudad, nagtulungan din sila.

Dahil wala pa rin si Oliver at sa desperasyong mapigilan si Brick, pumayag ang Team Arrow sa alok ni Malcolm na tumulong – dahil may atraso din ang kriminal kay Merlyn.

Naguluhan si Oliver sa mga pagbabago sa Team Arrow. At bumalik si Vertigo (guest star Peter Stormare) at inilaban ang Canary sa Black Canary.

Inilagay ni Malcolm sina Oliver at Thea sa isang mapanganib na sitwasyon na nagdala sa kanila sa Lian Yu kasama ang dating kaaway ni Oliver, si Deathstroke (guest star Manu Bennett).

Pinag-isipan ni Oliver na iligtas si Malcolm Merlyn nang mahuli ito ni Ra’s al Ghul at dalhin sa Nanda Parbat. At nahuhumaling si Ray na matapos ang Atom suit – na ikinadismaya ni Felicity.

Nang nanlulumo pa rin sa kanyang huling sagupaan kay Ra’s al Ghul, bumalik si Oliver at nadatnan ang bagong kalaban (Adrian Glynn McMorran) at crew nito na naghahasik ng lagim sa Starling City.

Masaya ang lahat sa kasal nina Diggle at Lyla, pero naudlot ang kanilang honeymoon dahil sa isa na namang misyon para sa Suicide Squad – ngayon kasama na si Cupid (Amy Gumenick).

Matapos na muntikang mapatay ng pag-atake sa opisina ng Mayor si Ray, sinubukang hanapin ni Oliver at ng Team Arrow ang salarin, pero uminit ang laban nang kunin ni Ra’s al Ghul si Capt. Lance.

Nag-lie low si Oliver para maiwasan si Lance, pero nang maghasik ng lagim ang meta-human na si Deathbolt (guest star Doug Jones) sa Starling City, humingi ng tulong si Oliver kay Ray.

Nagbigay si Ra’s al Ghul ng alok na hindi matatanggihan ni Oliver. Sinamahan ng team si Oliver pabalik ng Nanda Parbat kung saan inilagay ng sawing si Felicity ang mga bagay sa kanyang sariling kamay.

Habang sumasailalim si Oliver sa matinding transpormasyon, sinimulang puntiryahin ng League of Assassins si Nyssa, na naghahandang labanan sila nang mag-isa, hanggang sa nakialam si Laurel.

Sa pagtatapos ng huling training ni Oliver bilang Al Sah-him para maging susunod na Ra’s al Ghul, nagbigay ng surpresang alok si Malcolm sa Team Arrow. At binalikan ni Roy si Thea.

Sinimulan ni Ra’s al Ghul ang huling plano niya sa finale ng season, habang pinag-iisipan ni Oliver ang bago niyang tungkulin at kung ano ang magagawa nito para sa Team Arrow – at sa kanyang kaluluwa.