Los Billis

Pangarap ni David na mapasali sa Los Billis, ang gang ng mga astig na teenager sa lugar nila. Pero nang maisip ni David na may tsansa siyang makasali sa grupo, siya ay naging biktima nila.

Pumunta si David sa party ng Billis sa unang pagkakataon. Pero nagkagulo sa party nang mapag-initan ang Los Bárbaros, ang mga kilalang kaaway ng Los Billis.

Para mapatunayan ang katapatan niya sa gang, pinagbenta ni El Indio si David ng marijuana sa eskwelahang pinapasukan niya. Sa pag-aalalang mahuli at ma-kick out, humithit si David sa unang pagkakataon at tinulungan siya ni Andrea na lampasan ang bad trip.

Sa wakas, miyembro na ng Los Billis si David, at inimbitahan siya ni Mariana, ang pinakaastig na babae sa eskwelahan, sa birthday party nito. Sa paghikayat ni Leo, sa tingin ni David, baka ito na ang pagkakataon niyang makipagtalik sa unang pagkakataon.

Habang sawi si David, niyaya ni El Indio ang Los Billis para ipagdiwang sa isang bar ang bagong buhay niya bilang nasa hustong gulang, at natuklasan ni Andrea ang madilim na pagkatao ng boyfriend niya.

Kinaharap ni David ang divorce ng mga magulang niya at ang nalalapit na paglipat sa ibang lugar, habang winawaldas ni El Indio ang kanyang pera at namumuhay siya nang walang limitasyon. Dahil sa kalabisan niya, nagkaroon siya ng bagong kaaway: ang mga pulis.

Dumalo ang Los Billis sa isang intercollegiate band contest para suportahan si Andrea, habang nagdadalawang-isip siya kung dapat ba siyang magtapat ng nadarama niya para kay David. Habang nararamdaman ang kanyang lakas dahil sa tagumpay niya sa micro-trafficking at walang pakundangang paggamit ng droga, makakaharap ni El Indio ang pinakamatindi niyang kaaway.

Sa pag-aalala tungkol sa paglaho ni El Indio, sinimulan ng Los Billis ang paghahanap sa kanya kung saan-saan. Sa paghahanap nila, nalaman nila na wala pala sa hinagap nila ang dami ng mga kaaway ni El Indio.