The Originals

Gumaganap si JOSEPH MORGAN bilang si Klaus, ang Orihinal na vampire/werewolf hybrid, na nagbalik sa New Orleans sa nakakaakit na bagong seryeng ito na hango sa The Vampire Diaries.

Nang dumating si Rebekah sa New Orleans sa pamimilit ng kapatid niyang si Elijah, nakilala niya si Hayley na nagbigay sa kanya ng hindi inaasahang balita. Sa pag-aalalang may hindi magandang balak ang kapatid niyang si Klaus, humingi ng tulong si Rebekah sa nag-aatubiling si Sophie.

Pagtataksil sa masquerade ball? Nagtulungan sina Klaus at Rebekah para subukang buwagin ang imperyo ni Marcel mula sa loob, sa kabila ng mga alalahanin ni Elijah. Humingi sila ng tulong kay Sophie.

Misyon ni Rebekah na tuklasin ang tungkol sa kamakailang kakaibang engkwentrong kinasasangkutan ni Elijah. Kinumbinsi ni Davina si Marcel na hayaan siyang dumalo sa isang taunang street music festival.

Nagalit dahil sa mga kamakailang kaganapang sangkot ang kaligtasan ng kanyang hindi pa isinisilang na sanggol, humingi si Klaus ng mga sagot kay Sophie dahil naniniwala siyang may kinalaman ang babae. Ibinunyag ni Sophie kina Klaus at Rebekah ang isang nakakabahalang sikreto mula sa kanyang nakaraan.

Nang matuklasan ni Klaus na may banta sa buhay ni Hayley, ginawa niya ang lahat ng makakaya niya para protektahan ang babae at ang kanilang hindi pa isinisilang na sanggol. Humingi si Cami ng gabay kay Father Kieran (TODD STASHWICK).

Nang magsagawa ng nakakagulat na rebelasyon ang isang tao mula sa nakaraan ni Hayley, nabahala siya para sa kanyang sarili at sa sanggol. Sa gitna ng lumalalang tensyon sa pagitan nila, nagpatulong sina Klaus at Elijah kay Sabine na hanapin si Hayley, na bigla na lang nawala.

Nang matuklasan ni Marcel, na walang kamalay-malay, ang isang nakakayanig na impormasyon na may kaugnayan kay Klaus, nagtapos sa isang nakakagulat na twist ang isang paghaharap. Humingi naman ng tulong si Rebekah kay Father Kieran (TODD STASHWICK).

Nagulat si Marcel nang magtapat ng saloobin si Klaus. Sinubukang unawain ni Cami ang mga cryptic na mensahe. Kumilos ang paksyon ng mga tao sa sarili nilang paraan, na nagresulta sa isang marahas na paghaharap.

Naghahanda ang French Quarter para sa taunang pagdiriwang nito ng Casket Girls Festival. Bumuo sina Elijah at Marcel ng hindi inaasahang alyansa habang sinimulan naman ni Klaus ang planong mabawi si Davina.

Nang malubhang magkasakit si Davina at ang mga resulta nito ay nagsimulang makaapekto sa buong French Quarter, nagmadali sina Marcel, Klaus, Elijah at Rebekah na alamin kung ano ang nangyayari.

Inalo ni Cami si Marcel, na nagtapat ng saloobin at nagbahagi ng ilang detalye ng kanyang nakaraan sa babae, pero mabilis na nawala sa kontrol ang mga bagay-bagay nang sumulpot ang isang hindi inaasahang bisita. Alerto si Rebekah.

Napasabak sa matinding panganib si Father Kieran (TODD STASHWICK). May dating kakilala sina Marcel at Rebekah na nagbabantang ibunyag ang mga sikretong itinago nila sa loob ng halos isang siglo.

Nang mamalayan ni Rebekah na nakakulong siya, napagtanto niyang nagbalik ang mangkukulam na nagngangalang Genevieve (Elyse Levesque) para maghiganti. Napagtanto ni Marcel na posibleng may hawak siyang mahalagang impormasyon.

Sa isang serye ng mga flashback sa 1919, ibinunyag ni Klaus ang mga detalye ng nakakapanlumong sikretong sinusubukang itago sa kanya nina Rebekah at Marcel. Nakabuo naman si Elijah ng hindi inaasahang alyansa.

Habang hindi makaalis sina Klaus, Elijah at Rebekah sa sementeryong City of the Dead dahil sa boundary spell ng isang mangkukulam, ibinunyag ni Elijah ang isang sikretong matagal nang itinatago mula sa nakaraan ng pamilya.

Kumilos si Elijah sa sarili niyang paraan at nakatanggap siya ng nakakaintrigang alok mula sa isang babae (PETA SERGEANT) na galing sa isang makapangyarihang lokal na pamilya. Nag-alok naman si Klaus ng isang kasunduan kay Jackson (NATHAN PARSONS).

Sa Feast of the Blessings, sinubukan nina Monique (YASMINE AL BUSTAMI) at Genevieve (ELYSE LEVESQUE) na gamitin ang seremonya para turuan ng leksyon si Davina, pero nakialam si Klaus.

Dahil sa mabubuting hangarin ni Cami, nakaranas si Kieran (TODD STASHWICK) ng marahas na insidente. Nagpunta si Elijah sa bayou. May nalaman si Hayley na nakakagulat na bahagi ng kasaysayan ng kanyang pamilya mula kay Marcel.

Habang binabangungot si Klaus tungkol sa kanyang amang si Mikael (SEBASTIAN ROCHÉ), napilitan siyang suriin ang magulong relasyon niya sa kanyang sariling adoptive son na si Marcel.

Nang mapagtanto ni Marcel na hahantong sa pagkalipol ng lahat ng bampira sa French Quarter ang isang plano ni Klaus, nagtipon siya ng hukbo para pabagsakin ang mga Mikaelson at bawiin ang kontrol sa lungsod.

Pagkatapos ng nakakagulat na pag-atake kay Marcel, sumali sina Davina at Cami sa pagpapabagsak kay Klaus, na gumawa ng masakit na desisyon bilang desperadong hakbang para protektahan ang mahahalagang tao sa kanya.